برای به‌ڕێزم د.که‌مال میراوده‌لی، پیرۆزبایی و نه‌رمه‌ گازنده‌ و گوزارشتێکی کورت.

نه‌وزاد شێردڵ 

به‌ر له‌ هه‌ر شتێک به‌ هیوای گه‌شی سه‌رفرازیی و سه‌رکه‌وتنی هه‌ر لیست و لایه‌نێک که‌ به‌ بێ جیاوازیی و‌ به‌ ڕاستیی و به‌ وویژدانه‌وه‌ له‌ پێناوی پێشخستنی هه‌رێمه‌که‌مان له‌ ڕووی زانست و ته‌کنه‌لۆژیا و ئابووریی باڵا و به‌ر قه‌رار کردنی زیاتری ئاساییش و یاسا و ئاشتی و ته‌بایی و چاره‌سه‌ری گشتیی کێشه‌ی کۆمه‌ڵگا زویر و ماندووه‌که‌مان له‌م هه‌ڵبژاردنه‌دا خۆیان کاندید کردووه ، وه‌ به‌ ئومێدی زیاتر ده‌نگ به‌ ده‌ست هێنانی عادیلانه‌ و بێ غه‌ل و غه‌شی هه‌ر تاک و لایه‌نێک که‌ دوور له‌ حه‌زی ته‌نیا ده‌سه‌ڵات گرتنه‌ ده‌ست و به‌رژه‌وه‌ندیی تاکڕه‌وانه‌ی خوود کار بۆ چه‌سپاندنی ڕاستیی و هه‌قیقه‌ت ده‌که‌ن ، هاوکات ‌ڕوو له‌ به‌ڕێز دکتۆر که‌مالیش ئه‌ڵێم‌:

 ‌
‌زۆر به‌ جدیی و له‌ دڵه‌وه‌ پیرۆزبایی خۆ کاندید کردن له‌ خۆت و هاو ڕێبازه‌ ئه‌کادیمییه‌کانت ئه‌که‌م بۆ مل ملانێ و ڕکابه‌ریی کردنێکی ئاوا دیموکراتیانه‌ و ئاوه‌ز زرنگ و تاقه‌ت هه‌ڵسووڕاو و پشوو درێژی لێوار بانگه‌شه‌یه‌کی هێند ئه‌پستمیانه‌ و یه‌کلایی کراوه‌ی ناو پڕۆسه‌یه‌کی مه‌ده‌نییه‌ت خوازانه‌ی هه‌ڵبژاردنێکی پێشتر ده‌گمه‌ن و هاوچه‌رخانه‌ی نوێی هه‌رێمه‌که‌مان بۆ‌ به‌ ده‌ست هێنانی ئه‌و مه‌نسه‌به‌‌ سوپه‌ر هه‌ستیار و پڕ له‌ لێپرسراوێتییه‌ هه‌ره‌ گرنگه‌ی وه‌زیفه‌ی سه‌رۆکایه‌تیی هه‌رێم که‌ به‌ دیراسه‌ و تووێژینه‌وه‌ی ووردی من وه‌ به‌ بێ ئه‌وه‌ی پێش حه‌ده‌س که‌وتنی ئه‌نجامه‌ ئاشکراکه‌ش زیاده‌ ڕۆیی بێت ئه‌ڵێم ئه‌گه‌رچی‌ سه‌د ده‌ر سه‌د ئه‌گه‌ری سه‌ر‌که‌وتنی تۆی به‌ڕێز به‌م نیمچه‌ تاقه‌ باڵیی و ئابووریی نیمچه‌ به‌تاڵیی و پانتایی ڕێکلام کردن سنووردار و هتده‌ .. ته‌وه‌ به‌رامبه‌ر به‌و‌ - نفووز - ئۆته‌رێته‌ مادیی و مه‌عنه‌وییه‌ زۆره‌ی ده‌نگه زامنه‌‌کانی شوێن کاک مه‌سعووده‌وه‌ هه‌ر‌ ئێجگار مه‌حاڵه‌ که‌ تۆ له‌م پڕۆسه‌ هه‌ستیاره‌دا براوه‌ بیت به‌ڵام هه‌ر بۆ وه‌سفی هه‌ڵوێستی ڕچه‌ شکێنی باڵاتان چ بۆ زیاتر سه‌رفراز کردنی وویژدانه‌ زیندووه‌کانی ئه‌مڕۆ و پرسی فره‌ چه‌شنه‌ی کاری سیاسیی مۆدێرنانه‌ و ستراتیژییه‌تی نه‌ته‌وه‌یی سبه‌ی پێویسته‌ ئه‌و هه‌قیقه‌ته‌ ڕوونه‌ش بووترێت که تاقه‌ هه‌ڵوێستی ووره‌ به‌خشتان به‌ تاکی کورد و وانه‌ی هه‌ره‌ گرنگی چۆنێتیی بڕوا به‌ خۆ بوون فێر کردنی گه‌نجان له‌م هه‌نگاوه پڕ ده‌ستپێشخه‌رییه جوانه‌تاندا ئه‌وه‌یه که‌ ‌‌لایه‌نی که‌م و ئه‌وه‌ی که‌ گووایا باس له‌ باره‌ی ئاڵ و گۆڕ پێ کردنی ده‌سه‌ڵاته‌ باڵاو هه‌ستیاره‌کان تاکوو ده‌یان ساڵی تر له‌ لایه‌ن هه‌زاران ڕۆشنبیری تره‌وه‌ به‌ کاری بڤه‌ و به‌زاندنی‌ هێڵی سوور‌ ئه‌زانرا ئێوه به‌م خۆ کاندید کردنه کوت و پڕ و ئاشکرایه‌‌تان زۆر به‌ نۆرماڵ و به‌ جێ و ڕه‌واتان زانیی و له‌سه‌روو هه‌موو شتێکیشه‌وه‌ ئه‌و ڕێگا فکرییه‌شتان بۆ هه‌زاران که‌سانی پسپۆڕ و سه‌ر پڕ تمووحی ناو هه‌رێمه‌که‌ و هه‌نده‌ران به‌ هه‌ردوو ڕه‌گه‌زه‌که‌وه‌ کورت کرده‌وه‌ که‌ به‌ پێچه‌وانه‌ی بۆچوونی سه‌قه‌تی زۆرێک له‌و ڕۆشنبیره‌‌ که‌ساس و ڕۆبۆت ئاسا به‌سته‌ز‌مانانه‌ی که‌ هه‌ژده‌ ساڵه‌ به‌ شێوه‌ی ڕیمۆنت کۆنتڕۆڵێک جڵه‌وی هزر فۆرمات کردنه‌وه‌ و چالاک کردنه‌وه‌ی‌ هه‌نگاوه‌کانی خۆیان داوه‌ته‌ ده‌ست مه‌یل و زه‌وق و مه‌رحه‌مه‌تی چه‌ند په‌نجه‌یه‌کی تفه‌نگ باز و نه‌شاره‌زای سیاسه‌ت و زانست ، به‌ڵێ ڕێک به‌ پێچه‌وانه‌وه‌ی ئه‌و هزره‌ خه‌مسارد و بیره‌ داهێزراو و هه‌نگاو دۆگما و هه‌ڵوێست ته‌مبه‌ڵ و بڕوا به‌ خۆ بڕاوه‌ کۆنه‌ په‌رستانه‌وه ئه‌وه‌تا‌ ئێوه چالاکانه‌‌ هاتن و به‌م خۆ کاندید کردنه بوێرانه‌یه‌تان به‌ هه‌موو کۆمه‌ڵگای کوردتان‌ ووت :-

(خه‌ڵکینه‌ بجوڵێن چوونکه‌ یاسای ژیان گۆڕڕانه‌ و هه‌میشه‌ش هه‌موو سه‌رۆک و سه‌رکرده‌ و پێشمه‌رگه‌یه‌کی قاره‌مان و کادێرێکی ناسراوی سه‌نگه‌ر و قه‌ڵه‌م و زانستیش به هۆی پشتگیریی ئێمه‌ی جه‌ماوه‌ری‌ کوردوستانه‌وه‌ ئه‌و نازناوه‌یان به‌ده‌ست هێناوه‌ و هه‌ر به‌ ئێمه‌شه‌وه‌ جوانن نه‌ک به‌ پێچه‌وانه‌وه‌، به‌ڕێزم کاک د . که‌مال ئه‌مه‌ وه‌سفێکی کورتی هه‌ڵوێستی مۆدێرنانه‌ی به‌ڕێزتان و ئینجا با هه‌ر به‌ کورت و موخته‌سه‌رییش بێمه‌ سه‌ر نه‌رمه‌ گازنده‌که‌م لێتان .

برای هێژام :- ئه‌وه‌نده‌ی من گوێ بیستی سه‌ر تۆپی نه‌خشه‌و پلانه‌کانی تۆی کاندیدی سه‌ربه‌خۆی سه‌رۆکایه‌تی هه‌رێم بووبم تاقه‌ یه‌ک ناو و به‌رنامه‌ و دیارده‌یه‌کی ڕێکلامیی هه‌ره‌ گرنگ و ئه‌کادیمیی و ئاشکرات که‌ ‌ته‌نها و ته‌نها ناووی ئه‌به‌یت‌‌ و تا ئێستا نه‌ دێڕێک شیکارت بۆ دیبه‌یتی ئه‌و دیارده‌ مه‌زنه‌ ‌ ته‌رخان کردووه‌ و نه‌ تاقه‌ جارێکیش وه‌ک موڵکی تیۆریی و مه‌یدانیی که‌سێکی تر هێما - ئیشاره‌ت - ت به‌ ناوی خاوه‌نی ئه‌سڵ و ئاشکرای که‌سی خووڵقێنه‌ر و داڕێژه‌ری ئه‌و په‌یڕه‌و و به‌رنامه‌یه دابێت بریتییه‌ له‌ په‌یڕه‌و‌ و پرۆگرامی پێشتر بڵاو کراوه‌ و پڕ هیلاکه‌تی به‌نده‌ به‌ ناوی ( ئه‌نجوومه‌نی پیرانی هه‌رێمی کوردوستان - ئه‌په‌ک -‌ ) که نزیکی سێ ساڵ له‌مه‌وبه‌ر و به‌ ئاگاداریی چه‌ند ئه‌کادیمیستێکی خۆت ئاسا له‌ کورد و بێگانه‌ی پسپۆڕانی بواری سیاسه‌ت و یاسا و سایکۆلۆژیه‌تی ئیداریی و په‌تڕۆلیزمانی شاره‌زای که‌والیسه‌کانی ئۆپیک و بازاڕه‌کانی بۆرسه‌ی جیهانیی و به‌شدارانی لووبییه‌ ناسراوه‌کان و دیپلۆماته‌ ئه‌ته‌کێت و زمان زانه‌کان و هتد .. هتد .. به‌ ڕێژه‌ی - نه‌وه‌د و چوار - ماده‌ - و نزیکی - دوو سه‌د و سی - بڕگه‌ له‌ په‌ڕاوێکی شه‌ست لاپه‌ڕه‌یی قه‌واره‌ مام ناوه‌ندا و دوای دوو ساڵ پاکنووس کردنه‌وه له‌ ژێر هه‌مان ناوی په‌یڕه‌و و پرۆگرامی - ئه‌نجوومه‌نی پیرانی هه‌رێمی کوردوستان - ئه‌په‌ک - دا ساڵی پار به‌ ئامانجی دووا هه‌ڵسه‌نگاندنی په‌یڕه‌وه‌که‌ به‌ هه‌ردوو زمانی کوردیی و ئینگلیزیی ئاڕاسته‌ی شانزه‌ ئافره‌ت و پیاوی کوردو بێگانه‌ی پڕۆفیشیناڵی فره‌ بووارم کردوون‌ و هاوکاتیش کورت کراوه‌ی خاڵه‌ گرنگه‌کانی هه‌مان په‌یڕه‌و و پرۆگرام - ئه‌په‌ک - که‌ ده‌بوو بیست زنجیره‌ بوونایه‌ له‌ زۆرێک له‌ ساییته‌ کوردییه‌کاندا به‌ حه‌وت زنجیره‌ و پاشکۆیه‌ک بڵاو کردۆته‌وه‌ که‌ هه‌ڵبه‌ته‌ دۆزینه‌وه‌یان له‌ ئارشیفی هه‌ریه‌ک له‌و ساییته‌ به‌ڕێزانه‌دا و به‌ تایبه‌ت له‌ ڕێگای سێرچی گووگڵه‌وه‌ کارێکی زۆر ئاسانه‌ ، به‌ داخه‌وه‌ پێش به‌ڕێزیشت هه‌ندێک سیاسیی و بیرمه‌ند و زۆرێک له نووسه‌ران و‌ ڕۆشنبیران و یاسا ناسان و لایه‌نه‌ سیاسیی و ڕێکخراوه‌ هه‌مه‌ چه‌شنه‌کان به‌ خوودی پاڕله‌مانی به‌ڕێزی هه‌رێمیشه‌وه‌ چ له‌ کۆڕ و کۆبوونه‌وه‌ و سیمینار و نووسینه‌کانیاندا دیسان به‌ بێ ئیشاره‌ت دان به‌ سه‌رچاوه‌ی‌ ماده‌ و بڕگه‌کانی ئه‌م ئه‌نجوومه‌نه‌ سوودیان له‌ ده‌یان خاڵی گرنگی ناو ئه‌و حه‌وت زنجیره‌یه و پاشکۆکه‌ی‌ بینیووه ،‌ هه‌ر بۆیه‌ له‌سه‌ر ڕای هه‌ندێک له‌ نووسه‌رانی دۆستی ئه‌نجوومه‌ن و خوودی ئه‌ندامانی - ئه‌نجوومه‌نی پیرانی هه‌رێمی کوردوستان ، ئه‌په‌ک - ناچار تاکوو واده‌ی به‌ فه‌رمی که‌وتنه‌ کارمان چیتر له‌و بیست زنجیره‌یه‌ی که‌ ئاماده‌ کرابوون له‌‌ زنجیره‌ی حه‌وت به‌ دوواوه‌ به‌ پاشکۆ نووسینێک کۆتاییم به‌ شیکاری زیاتری په‌یڕه‌و و پرۆگرامه‌که‌ هێنا.

له‌ کۆتاییدا زۆر به‌ موخته‌سه‌ر تر ئه‌ڵێم ( ئه‌نجوومه‌نی پیرانی هه‌رێمی کوردوستان - ئه‌په‌ک ) به‌ ئاگاداریی ده‌یان که‌سانی ئه‌کادیمیی و وه‌ک لایه‌نێکی ناسراوی سه‌ربه‌خۆ که‌ ئێستا دووا ئاماده‌کاریی بۆ ئاشکرا کردنی په‌یڕه‌وه‌که‌ی به‌ فه‌رمی له‌ ڕێگای وه‌زاره‌تی ناوخۆی هه‌رێمه‌وه ( کابینه‌ی دووای هه‌ڵبژاردن )‌ بۆ ئه‌کرێت‌ ئه‌نجوومه‌نێکی هه‌ره‌ باڵا ده‌ست له‌ بڕیار و بێ لایه‌نی کوردیی هه‌رێمی کوردوستان ئه‌بێت له به‌شداریی‌ دووا ڕۆژێکی نزیکدا و دوور له‌ هه‌ر ئایدیۆلۆژیایه‌کی کلاسیکی ژه‌نگ گرتووی ته‌جرووبه‌ کراو و بێ که‌ڵکی کۆن له‌سه‌ر سێ کۆڵه‌که‌ی هه‌ره‌ گرنگی شۆڕشی - زانست ، ته‌کنه‌لۆژیا ، ئیکۆنۆمیک - دامه‌زراوه‌ و ئامانجی سه‌ره‌کیشمان بریتییه‌ له‌ خوڵقاندنی هه‌رێمێکی ئه‌کادیمیی زانست و ته‌کنه‌لۆژیا خوازی ژێر خان پته‌وی موئه‌سه‌ساتیی‌ دوور له‌ هه‌موو دیارده‌یه‌کی وه‌لائی حیزبیی و عیشقی چه‌کداریی ، هه‌ر بۆیه‌ چ خوودی خۆم - نه‌وزاد شێردڵ - وه‌ک دامه‌زرێنه‌ر و سکرتێری کاتیی ئه‌م ئه‌نجوومه‌نه‌ و به‌ ناوی ئه‌ندامه‌ ناسراو و کاتییه‌کانیشیه‌وه له‌ ناو خۆ و هه‌نده‌ران له‌ پێناوی ڕێز گرتن له‌ هیلاکه‌تیی چه‌ند ساڵه‌مان ‌ داوا و تکا له‌ هه‌موو نووسه‌ر و سیاسیی و هتد .. ێکی به‌ڕێز ئه‌که‌ین له‌ کاتێکدا که‌ باسی - ئه‌نجوومه‌نی پیرانی هه‌رێمی کوردوستان - ئه‌که‌ن با لایه‌نی که‌م هێما - ئیشاره‌ت - به‌ سه‌رچاوه‌ی په‌یڕه‌وه‌که‌ و ناوی خاوه‌نه ‌ ئه‌سڵه‌ دامه‌زرێنه‌ره‌کانی بده‌ن ، له‌گه‌ڵ ڕێزی شایان به‌ هه‌موو خوشک و برا بیرمه‌نده‌ ئه‌کادیمییه‌ ڕێزداره‌کانمان که‌ سه‌راپامان به‌ر له‌وه‌ی هه‌ر شتێک بین کوردین .
 

‌ ‌ ‌ ‌ ‌ ‌