په‌یوه‌ندیپه‌رتووکخانه‌رۆشنبیرییلینکئه‌رشیفنووسه‌رانده‌سپێک

٢٩\٤\٢٠١٤

    چەمی نێوان خونچە مەمان!

دارا خونچە

ئاخەر هەرگیز نەدەکرا نە؛
          دەستبەردار بم،
خەریکبوو
سێلاوی سەدە سوایەکان
١ سەرانگرێی دەکردم
                 هەر خۆم راگرت و پێم چەقاند..
خەریکبوو
هاڵاوی هاوڕێیە هۆڤییەکانم
٢ هەڵیدەکڕووزاندم
                 هەر خۆم راگرت و پێم چەقاند..
خەریکبوو
نێرەوزە
٣ نابووتە نێرگسییەکان وەبن پێیانم بخەن
                 هەر خۆم راگرت و پێم چەقاند...
ئەز دەربەستی هیچیان نەبووم؛
تیر و تیغە تیژ و تووش
٤ و تووڕەکانی توندوتیژیی
                        لە سەت لاوە دەیانپێکام..
پەڕی پەرتووکە پەڕپووتە پیرۆز و پەرجووییەکان
٥
                      لە سەر تا پێم دایانپۆشتم..
دەربارە دز و درۆزنە دڵسۆز و داوڵەکانی
٦ دەسەڵات
                     لە تۆز و خۆڵیان هەڵکێشام..

(خلە بۆز و خولە قۆز)٧ و خڕی٨ خزم و خوێیشانیشم              

                 کاسەی سەرمیان کون کون کردبوو...
           هیچیان بەرزەفتیان
٩ نەکردم!
ئاخەر نەدەکرا نە؛
هەرگیز نەدەکرا و نەدەبوو
           چاو لە چەمی
           نێوان هەردوو خونچە مەمی
                      چێور کەم
١٠ و کۆستم کەوی!!!

_______________________________

١- سوا: سواو.

٢- هۆڤیی: دڕندە.

٣- نێرەوز: نێرینە.

٤- تووش: شەڕانگێز.

٥- پەرجوو: ئەفسوون، جادوو، فاڵ.

٦- داوڵ: پاسەوان.

٧- (خولە قۆز و خلە بۆز): ئاماژەیە لۆ ناسیاران.

٨- خڕی: کۆی، تێکڕای،

٩- بەرزەفتکردن: راگرتن و رێ لێگرتن.

١٠- چێورکردن: لادان، وەرگێڕان، وەرسووڕان.

 

کۆتایی نیسانی ٢٠١٤

ماڵپه‌ڕی دارا خونچە

 

 

 

 

په‌یوه‌ندیپه‌رتووکخانه‌رۆشنبیرییلینکئه‌رشیفنووسه‌رانده‌سپێک