فرچە و رەنگ لە دەستی هونەرمەندی شێوەکار (ساڵح نەجار) دەبێتە چەکێکی کاریگەر بۆ بەهاناچوونی نەخۆشە تووشبووەکان بە نەخۆشیی (شێرپەنجە). ئەم هونەرمەندە لە پەیوەندییەکی تەلەفۆنیی گوتی: (من بڕیارمدا پارەی کڕینی تابلۆکانم بۆ نەخۆشەکانی شێرپەنجە تەرخان بکەم و بە لامەوە گرنگ نییە پارەکە چەند بێ).

ئەم هەڵویستە بەشێکە لە پەیام و ناسنامەی مرۆیی هونەرمەندێک، دوور لە خۆپەرستیی، جیهانی هونەرەکەی بۆ خزمەتکردنی توێژێک کە بەشێوەیەکی تراژیدیی رووبەڕووی مەرگ دەبن تەرخان کردوە.

سیروان نەوروز بەناوی لێژنەی بەرگریکردن لە بەرژەوەندییە گشتییەکان گوتی: ئەمە دەستپێشخەرییەکی سەرنجراکێشە و ئێمەش پێشنیار دەکەین هەموو هونەرمەندە شێوەکارەکانی لە شارەکانی کوردستان پێشانگا رێکبخەن بۆ ئەم مەبەستە.

بۆ پەیوەندییکردن بە هونەرمەند ''ساڵح نەجار'': ٠٧٧٠١٢٠٣٢٢٤