دوای تیرۆرکردنی سۆران مامه‌حه‌مه‌

هه‌ڕه‌شه‌ی کوشتن له‌سۆران عومه‌ر ده‌کرێ.

ئه‌مشه‌وی ڕابردوو 25.7.2008 له‌کاتژمێر 12:42 به‌کاتی کوردستان له‌ڕێگه‌ی ته‌له‌فونه‌وه‌ به‌ 4 ژماره‌ی جیاوازی نه‌ناسراو له‌ 10 کاتی جیاوازدا هه‌ڕه‌شه‌ی کوشتن له‌ "سۆران عومه‌ر" سه‌رنوسه‌ری گۆڤاری "ڕێگا"و " سایتی کوردستانیوز" کرا به‌بیانوی ئه‌وه‌ی ده‌ست له‌لڤین‌و گۆڤاری ڕێگاو نووسین هه‌ڵبگرێت ئه‌گه‌ر نا ئه‌وه‌ به‌ده‌ردی سۆران مامه‌ حه‌مه‌ی ده‌به‌ن.

 ئێمه‌ له‌لای خۆمانه‌وه‌ پارێزگاریمان به‌کاتی ته‌له‌فونه‌کان‌و ئه‌و ژمارانه‌وه‌ کردووه‌ که‌ئه‌و کاره‌ی پێ ئه‌نجام دراوه‌.

لێره‌وه‌ له‌دوای تیرۆر کردنی سۆران مامه‌ حه‌مه‌ی به‌رپرسی نوسینگه‌ی گۆڤاری لڤین له‌شاری که‌رکوک بۆ ڕای گشتی‌و لایه‌نه‌ په‌یوه‌ندیداره‌کانی وه‌ک سه‌رۆکایه‌تی هه‌رێم‌و حکومه‌ت‌و په‌رله‌مان‌و سه‌ندیکای ڕۆژنامه‌نوسان‌و وه‌زاره‌تی ناوخۆو سه‌رجه‌م ڕۆژنامه‌نوسان ڕایده‌گه‌یه‌نین ئه‌مه‌ زه‌نگی دووه‌می مه‌ترسیداره‌ که‌ڕوو له‌ڕۆژنامه‌نوسان ده‌کات‌و ئه‌گه‌رله‌وه‌ زیاتر لێی بێده‌نگ بن ئه‌وا هه‌موو ئازادی‌و دیموکراسی ئه‌م هه‌رێمه‌ ده‌خاته‌ ژێر پرسیارو تروسکاییه‌کا ناهێڵێته‌وه‌ بۆ قسه‌کردن له‌باره‌ی ئازادی کاری نوسین‌و وتن.

 بۆیه‌ ئه‌رکی خه‌مخۆرانی ئه‌م دۆخه‌یه‌ که‌چیتر ڕێگه‌ نه‌ده‌ن به‌ڕشتنی خوێنی ئازادیخوازان‌و لێکۆڵینه‌وه‌ له‌و مه‌ترسیه‌ گه‌وره‌ بکه‌ن که‌ڕوی له‌ژیانی ڕۆژنامه‌نوسان کردووه‌ ئه‌ویش کوشتن‌و هه‌ڕه‌شه‌ی کوشتنه‌، ئه‌گه‌ر نا ئه‌وا کاره‌ساتی گه‌وره‌تر له‌وه‌ ڕووده‌دات که‌له‌که‌رکوک به‌کوشتنی سۆران مامه‌حه‌مه‌ ڕویدا، وه‌ک ده‌بینین ڕێکخراوه‌ ناودارو گه‌وره‌کانی جیهان له‌ئاست کوشتن‌و هه‌ڕه‌شه‌ی مه‌رگ بۆ سه‌ر گیان‌و ژیانی ڕۆژنامه‌نوسان بێده‌نگ نین‌و به‌رده‌وام له‌هه‌وڵی دروست کردنی فشاردان بۆسه‌ر ده‌سه‌ڵات تاکو به‌ته‌نگ پارێزگاری ژیانی ڕۆژنامه‌نوسانه‌وه‌ بێت، داواش ده‌که‌ین لێکۆڵینه‌وه‌ی جدی له‌م مه‌ترسیه‌ گه‌وره‌یه‌ بکرێت ئه‌گه‌ر نا په‌نا ده‌برێته‌ به‌ر ڕێکخراوه‌ نێوده‌وڵه‌تیه‌کان.

تێبینی : ئه‌و ژمارانه‌ که‌هه‌ڕه‌شه‌ی پێکراوه‌و ناناسرێنه‌وه‌ :

07507953342
07507945480
07507953347
+442086
جگه‌ له No number ێکیش.‌

گۆڤاری ڕێگا
25.7.2008
سلێمانی