٢٣\١٢\٢٠١٧ گەرماو.
فەرھاد ئەحمەد
ڕۆژێک لە کاتی خۆشوشتندا کەف چووە چاوەکانی، بۆیە بەدەم ھاوارەوە و بە پەلە ئاوی کرد بە سەری خۆیدا، بەڵام پەڵە کەفێک بەسەر شانیەوە مایەوە و دایەقاقای پێکەنین و وتی:
- دارۆ ئەوە بۆچی ھاوار دەکەی؟؟؟؟ - چونکە تۆ چوویتە ناو چاوەکانمەوە. - دارۆ گیان من سوودبەخشم و دەمەوێت تۆ لە چڵک و پیسی ڕزگار بکەم، بەڵام پێویستە کاتی سەر شوشتن چاوەکانت و دەمت دابخەی تا زیانت پێنەگا. - ئەی تۆ ناڵێی من سوودبەخشم ئیتر بۆچی زیانم پێدەگا؟؟؟ - من لە مادەی کیمیایی دروستدەکرێم دژی چڵکم و بۆ پاکژکردنەوەی لەشت بەسوودم لە ھەمان کاتدا زیانبەخشم بۆ چاو و گەدەت، بۆیە دەبێ بزانی چۆن بەکارمدەھێنی.
پاش ئەوەی دارۆ لە بێزاریی خۆشوشتنەکەی تێگەیشت، بڕیاری دا لەمەودوا رۆژانە خۆی بشوات و لە کاتی سەرشوشتندا چاوەکانی و دەمی دابخا تا زیانی پێنەگا.
|