بەرواری ١٣\١١\٢٠١٥ بۆ یەکەمین جار، پەرتووکێکی کوردی لە نووسینی نووسەر و رۆماننووس" یوسف عزەدین" بە زمانی ئەمازیغی لە وڵاتی مەغریب چاپ و بڵاوکرایەوە.. " کۆتایی" ناونیشانی پەرتووکەکەیە، کەکۆمەڵێک تێکستی تایبەت بە "ھونەری گێڕانەوە-سردیات" لەخۆ دەگرێت.. وەرگێڕ و نووسەری مەغریبی "سەعید بلغربی" لە عەرەبییەوە وەریگێڕاوەتە سەر زمانی ئەمازیغی و پاش کێشمانکێشێکی زۆر بۆ تێپەڕکردنی لە سانسۆر و وەرگرتنی مۆڵەتی فەرمی، دواجار توانرا بە پشتگیری کۆمەڵەی "کەڵچەر و گەشەپێدانی خانەی کەبەدانی"، چاپ بکرێت.. شایانی باسە ئەم پەرتووکە لەنمایشی پێشانگای پەرتووکی ئەمساڵی مەغریب-دا بەشدار دەبێت و بۆ یەکەمجار پەرتووکێکی کوردی بە زمانی ئەمازیغی، کورد بەخوێنەرانی مەغریب و ئەمازیغ دەناسێنێت.