په‌یوه‌ندیپه‌رتووکخانه‌رۆشنبیرییلینکئه‌رشیفنووسه‌رانده‌سپێک

٣\٥\٢٠١١

پێشانگای هونهریی - دارا ئارم - و - بروس ستینۆف -.

 

 

   

تابلۆیه‌کی بروس ستینۆف                                   تابلۆیه‌کی دارا ئارام     


کارەکانم لهم پێشانگایه دا، زیاتر گەشتێکی بیوگرافیین بە نێو هەردوو جیهانی، زیهنیی هونەریی و پراکتیکیی گوزەرانمدا، کە ساڵەهای ساڵە لە نێوان چوار دیواری، بە ئەندازەی جیوگرافیا بچووک و بە ئەندازەی رامانیش هێندەی ئاسمان، بەردەوام و بێ وچان ڕەنگیان دەکەم، هەڵبەت هەڵبژاردنی ژیانی تاراوگە و ووردبوونەوە لە هەر دیاردە و سیستەمێکی نایەکسانیی و گەندەڵیی و هه‌تا دوایێی ئەم جیهانە، لە هەرکوێ بن، ئەوە بۆ مرۆڤی هونەرمەند، زیاتر لە هەمووان مایەی باجدانێکی هزریی و فیزیکیی ئێجگار سەخت، بەڵام کەمێک خۆشبەختانەتر و لایەنی کەم، هەمیشە قەرەبووی مشتێک لە خەرواری ئەو ئازارە خودیی و مرۆییانه‌ لای من، بریتیی بوون لەو پەیوەندییە ڕۆحییەی، کە لە ئەزەلەوە بۆ ئەبەد لەگەڵ جوانیی و پیرۆزییەکانی سرووشت دا گرێم داون و هەرگیز لە هیچ ئیشێکی هونەریشمدا ئەو لایەنە گرنگ و سەبووریی بەخشەی دۆستایەتیی سروشتم فەرامۆش نەکردووە، بەڵێ دیاریی من بۆ میوانان هەمیشە ئەو دەنگ و رەنگانە بوون، کە زۆر جار چوون هاوسەفەرێک و رووە و قووڵایی واتاکان، سەرباری ئەوەی زۆربەیان خۆیان لەگەڵ رازەکانی مندا دیوەتەوە، هەر هاودەمییش هەستم بەو هەقیقەتە کردووە کە زۆر لەو مرۆڤانە بێ هیچ جیاوازییەکی زیهنیی و بۆدی تەکنیکیی و هتد، پێکڕا دەست لە ملانی سرووشتی ناوبراو، خۆم ئاسا و وەک کەمێک راکردن لە سەر ئێشە زۆرەکانی گووزەرانی سەخت، بەختەوەرانە لەگەڵ نەسیمی رەنگ و هاژەی پلووسکی خۆر و سەمای بالێی شەپۆلەکاندا، مەودایەکی زۆر هێوریی و رامانی سپیی بێ سنوور ئاوێتەی رۆحمان بووە...

 

زۆر بەختەوەر دەبین، ئەگەر دیاریی ئەمجارەشمان هەمان گەشتی بێ سانسۆری رۆتین و بێ فیزەی بیرۆکراتییەتی ئەم ژیانە جەنجاڵەمان بۆ ساز بداتەوە.

 

شوێنی نماییش:
EARLS COURT GALLERY MAY 5 - JUNE 4، 2011
215 Ottawa Street N. Hamilton، On. Canada
www.earlscourtgallery.ca

رۆژی نماییش:
THURSDAY، MAY 5، 2011. 7:00 9:30 PM

 

ماڵپه‌ڕی دارا ئارام

 

 

 

په‌یوه‌ندیپه‌رتووکخانه‌رۆشنبیرییلینکئه‌رشیفنووسه‌رانده‌سپێک