|
١٥\٣\٢٠١٦
پیاوە ناودارەکان و پەیامبەری ئیسلام!
جەمال عەزیز
- بەشی دووەم -
هەرچیمان نووسیبوو لەبەشی یەکەمدا لەسەر کەسایەتی محەمەد قسەی پیاوە
بەناوبانگەکانی جیهانە،ئەوکەسانەی داهێنان ونووسینەکانیان تاکو ڕۆژگاری
ئەمڕۆش سوودی هەیە بۆ مرۆڤایەتی،هەریەکەیان لەبوارێکدا ڕۆڵ وکاریگەریان
هەبووە هەربۆیە کتێب ونووسینەکانیان وەک سەرچاوە بەکاردەهێنرێ، ناکرێ
هەموو ئەمانە گەمژەبن، ناکرێ هەموو زانایەکی ئاینی پڕاوپڕبن لەزانست،
لەکاتێکدا نەیانتوانیوە دەرزیەکیش دروست بکەن بۆ ئەوەی مرۆڤایەتی
شانازیان پێوەبکات، هەروەها ناکرێ هەرکەس ئیسلام و پەیامبەرەکەیانی
بەدڵ نەبوو ئیتر بکەوێتە بەر نوکی تیغیەکانیان، وەک بەشی یەکەمی
نووسینەکە هەموو قسەی پیاوەناودارەکان دەنووسم هەروەها سەرچاوەش دیاری
دەکەم، بۆئەوەی هیچ قسەیەک لەگیرفانی خۆمان دەرنەهێنین بۆئەوەی مەلاو
بانگخوازی ئیسلامی تانە نەدەن ، بابزانین پیاوەناودارەکان چیان وتووە
دەربارەی کەسایەتی محەمەد و ئیسلام،لە بەشی یەکەمدا وتەیەکمان نووسی
مەلا و بانگخوازی ئیسلامی زۆر جار دەیڵێنەوە گوایە بڕنادشۆ باسی توانا
و کاریگەریەکانی محەمەدی کردوە بۆ چارەسەری کێشەکانی هەموو جیهان تەنها
لە ماوەی قاوە خواردنەوەیەکدا، بەڵام ئێمە سەرچاوەکەی دەنووسین دوای
ئەوەی زانیمان بڕنادشۆ چی دەڵێ دەربارە یئیسلام.
+ جۆرج بڕنادشۆ خەڵکی ئێرلەندایە نووسەرو شانۆنوسێکی بەناوبانگی جیهانە
لە٢٦/٧/١٨٥٦-١٩٥٠(George Bernard shaw)ساڵی ١٩٢٥خەڵاتی نۆبڵی وەرگرتووە
لەبواری ئەدەب دا ساڵی ١٩٣٨ خەڵاتی ئۆسکاری بۆ ڕەخنەی مۆسیقی وەرگرتووە
دەربارەی ئیسلام ئەڵێ( الاسلام مختلف جدآ فهو غیر متسامح بشکل شرس ،
وصار التسامح مجرد هراء اما ان تٶمن باللە او یتم قطع عنقک من طرف، من
یٶمن بە فیذهب للجنة لآنە ارسلک للنار)( دینی ئیسلام هیچ لێبووردە نیە
زۆر دڕندەیەکی جیاوازە، لێبووردەی تەنها درۆیە، یان دەبێت باوەڕ بەخودا
بهێنی یان گەردنت لەلاوە دەبڕن، ئەوەی باوەڕی بەخوداکەیان هێنا دەچێتە
بەهەشت لەبەر ئەوەی تۆی ناردوە بۆ دۆزەخ) سەرچاوە(Letter to the
Reverend Ensor walters 1933 as Quoted in Bernard shaw; Collected
letters, 1926-1950 , 1988 by Dan H. Laurence P.305 ئەوەش سەرچاوەی
بابەتەکەی بڕناردشۆ، ئەم هەستکردنەی بڕدناشۆ بەتووندوتیژی ئیسلام پێش
چەندین ساڵ وێنەی داعش مان بۆدەکێشێ، ئیتر کەس نیە بتوانێ بڵێ داعش
ئیسلام نیە.
+ ئێرناست ڕانان نووسەرو فەیلەسوفێکی بەناوبانگی فەرەنسی یە
شارەزاییەکی باشی هەبووە لەزمان وئاینە کۆنەکان ساڵی ١٨٢٣- ١٨٩٢ ژیاوە
دەربارەی ئیسلام ئەڵێ( الاسلام هو اثقل سلسلة حملتها البشریة) ئیسلام
قورسترین پێوەندە کە مرۆڤایەتی هەڵیگرتبێ،(Islam and science Sorbonne
29 march 1883) دەڵێ( المسلمون هم اول ضحایا الاسلام،،، تحریر مسلم من
دینە هو افضل خدمة یمکن للمرء ان یقدمها لە) مسوڵمانان ئەوان یەکەم
قوربانی ئیسلامن، ڕزگارکردنی مسوڵمان لەدینەکەی لەوانەیە باشترین خزمەت
بێت مرۆڤ پێشکەشیانی بکات،(Ernest Renan,Journal des debats, 19 mai
1883) ئەم کابرایە دەرکی بە قورسایی وکێشەی ئیسلام کردبوو هەربۆیە
ڕزگارکردنی مسوڵمانێک بەباشترین خزمەت دادەنێ بەرامبەر بەمرۆڤایەتی،
پرسیارەکەمان لێرەدایە ئایە بۆ هیچ مەلاو بانگخوازێکی ئیسلامی
قسەیەکیان دەربارەی ئەم کافرە نەکردوە، یان ئاگادار نین، یان خۆیان گێل
دەکەن، بەڵام ئەگەر بەیەک وشەی چاکە باسی ئیسلامی بکردایە هەموو جیهان
دەیزانی.
+ ڕۆژهەڵاتناسی ئسکتلاندی ولیام مویرSir Will lam Muir ساڵی ١٨١٩-١٩٠٥
ژیانی لەلێکۆڵینەوەی ئیسلامدا بەسەربرد، درێژترین کتێبی ژیاننامەی
محەمەدی بەئینگلیزی نووسیوە، دەربارەی سەرکەوتن، شەڕ، خەلیفەکانی
ئیسلام کتێبی نووسیوە، مرۆڤ ئەتوانێ بڵێ تاقە ڕۆژهەڵات ناسە
کەتایبەتمەند بووە بەئیسلام، زمانی عەرەبی زۆر باش زانیووە دەربارەی
محەمەدو قورئان دەڵێ( ان سیف محمد والقران هما اکثر الاعداء فتکا
بالحضارة والحریة والحق ، من ای شیء عرفە عالم حتی الان) شمشێرەکەی
محەمەد وقورئان لەهەموو شتێک زۆرتر دوژمنی هەتک کار بوون بە شارستانیەت
وماف و سەربەستی تاڕۆژگاری ئەمڕۆشمان.(Will lam Muir, the life of
Mahomet, VOL,4, 1861-P-322)، ئەم ڕۆژهەڵاتناسە ئەگەر بەتەواوەتی لە
ژیانی محەمەد و قورئان تێنەگەشتبێ قسەیەکی لەم چەشنە ناکات ونانووسێ،
هەموو ئەو قسانەی لەکتێبی ژیانی محەمەد نووسیوە.
+ مارک تواین نوسەرێکی ئەمەریکی یە دەربارەی قورئان ئەڵێ( هذە قاعدة
بسیطة، ومن السهل تذکرها، عندما امتحن القران، آعرف انە مامن شک ان کل
محمدی هو مجنون، لیس فی کل شیء، ولکن فی امور الدین) ئەمە یاسایەکی
سادەیە، تێگەشتنی ئاسانە، هەرکاتێک لێکۆڵینەوە لەقورئان ئەکەم بەبێ
گومان ئەزانم هەموو محەمەدیەکان شێتن، نەک لەهەموو شتێکدا بەڵکو
لەکاروباری ئاین( Twain Mark- Christian Science; Book 1 chapter V. ).
+نووسەرو بیرمەندی فەرەنسی ئەلێکس ساڵی ١٨٠٥- ١٨٥٩ دەربارەی قورئان
وئیسلام ئەڵێ( درست القران باهتمام شدید وخرجت من هذە الدراسة بقناعة
انە الی حدکبیر، کانت هناک دیانات قلیلن فی العالم قاتلة للبشر کدیانة
محمد، بقدر مااستطیع ان اری، انها السبب الرئیسی للانحطاط الواضح الیوم
فی العالم الاسلامی)، ئەم کابرایە لەسەدەی نۆزدەهەمدا دەڵێ قورئانم
بەگرنگیەوە دەخوێند، بەباوەڕێکی باشەوە تێگەشتم کەلەجیهاندا زۆرکەم
ئاین هەیە، وەک دینەکەی محەمەد دژی مرۆڤ بێت، هەروەها دەڵێ هێندەی من
تێدەگەم محەمەد هۆی دابڕان وداخورانی ئیسلامە لەجیهانی ئیسلامیدا،(
Alexis de Tocqueville; Oliver ZunZ, Alan S,Kahan 2002 the
Tocqueville Reader, Blackwell Publishing,P,229).
+ توران دورسون مووفتیەکی تورک بوو لەشاری سیواس تورکیا لەئیسلام
هەڵگەڕایەوە ساڵی ١٩٩٠ کوژرا، دەربارەی محەمەد دەڵێ،(اذا کان هناک الە
فهو حتما لیس الە محمد)ئەگەر خودایەک هەبێت بەدڵنیاییەوە خوداکەی
محەمەد نیە،( آشخاص کثیرون جدا لایمکنهم عیش طفولتهم بشکل صحیح بسببە
محمد، اشخاص کثیرون جدا یعانون من کوارثە) چەندین کەس هەیە ناتوانن
بەشێوەیەکی تەندروست سەردەمی منداڵیان بەڕێبکەن بەهۆی محەمەدەوە،
خەڵکانێکی زۆر دەناڵێنن بەدەست کارەساتەکانیەوە،(Perincek S Turan
Dursum Hayatini Anlatiyor Kaynak yayinlari) تۆران دورسون مووفتی
شارەزای ئیسلام بوو نەک کافرێکی بێباوەڕ، ئەگەر بەشێوەیەکی زۆر باش
شارەزای ئیسلام و کارەکانی مسوڵمانان نەبێت ناتوانێ جودای بکات لەنێوان
خودای پەروەردگاری ئاشتی خوازو خوداکەی محەمەد، توران کوژرا لەلایەن
مسوڵمانانی تووندڕەو بەڵام ناتوانن ناڕەزایەتی و ڕاستی بێدەنگ بکەن.
_________________________________
سەرچاوە:
(سوال الجریء
- تلفزیون الحیاة).
_________________________________
بەشی یەکەم:
www.emrro.com/piyawenawdarekan1.htm
٤\٣\٢٠١٦
ماڵپه‌ڕی جه‌‌مال عه‌زیز
|
