سپی و ڕەش!*
بۆ: بەڕێز هەفتەنامەی هاولاتی.

سەرکەش    

لە چەند هەفتەی بووری لەمالپەڕی هاولاتی ئاگاداریەکم خوێندەوە بۆ هاولاتیان و خوێنەران، کە مالپەڕی هاولاتی بەهۆی تەنگژەی ئابووری و بۆ درێژەدان بە ڕەوتی کاری ڕۆژنامەگەریان بەنیازن سیستێمی (بینین، چوونە ناو، لۆگ ئین) ی مالپەڕەکەیان کە تا ئەمڕۆ، بە خۆڕایی و بێ بەرامبەر بووگە، بیکەنە پارە، واتە سیستێمی بەشداری کردن لە 2008.9.1 بەکاربەرن، هەر لە دامێنی ئاگاداری نامەکەشدا دەرگای دەنگدان و ڕاپرسی بە نووسینی ڕاو بۆچوون کراوەتەوە، من یەکسەر بە (نا) دەنگم داو لە کورتیلە نامەیەکیشدا ڕاوسەرنجی خۆم نارد، هیوادارم گەیشتبن، بەلام دیارە وەک دۆست و لایەنگیرێکی پرۆژە مۆدێرنەکەی هەفتەنامە هاولاتی، هەر لە دەستپێک و چاوهەلێنانی تا ئەمڕۆ، بە پێویستی دەزانم ڕاو سەنجی خۆم وەک نامەکی کراوە بۆ تەواوی ستافی کاربەدەستانی هەفتەنامەی هاولاتی و خوێنەرانی هێژا بخەمە ڕوو، بەمەبەستی دەربڕینی هاو خەمیێک ئەگەر بچووکیش بێ.
بەڕێزان سەر نووسەر و دەستەی نووسەران و تەواوی ستافی بەێوەبردن و چاپ و بلاوکردنەی دەزگای هاولاتی لە بەر هەر هۆکارێک بێ ئەنجامدانی ئەم پرۆسە نوێیەی بڕیارە لە مانگی ئایندە بخرێتە بواری پراکتیک، کارێکی ناتەندرووستە و لەگەل سەرەتاگاکانی خودی هاولاتیش نامۆ و ناتەبایە، هەر وەک لە کورتیلە نامەکەشما نووسی بووم ڕەنگە ئەم هەنگاوە لە کورتماوە کۆمەک بە ڕەوتی ناگزووری باری ئابووری بکا، بەلام لە درێژماوەدا، کەسایەتی دیار و تایبەتمەندێتی ناسراوی هەفتەنامەکە دەخاتە ژێرپرسیار و لەکەداری دەکا.

دلی ناسکی خوێنەرانی تینووی پەیڤی ڕستگۆ، ئازاد، بوێر** لە هاولاتی دەڕەنجێنی، ئەوکات مالپەڕەکە سیمای ناسراوی خۆی وون دەکا و دەبێتە ماپپەڕی ئیلیت، من ئەگەر بەهەلە دانەچووبم تا ئێستا نەمبیستووە و نەمزانیوە، ماپپەڕێکی هاوشێوەی هاولاتی دەستی بۆ ئەلتەرناتیڤێکی هاوشێوە بردبێ.
ئەگەر فرۆشی ژمارەکانی هەفتەنامەی هاولاتی و بلاوکراوەکانی، ئەگەر داهاتی ڕیکلامی ناو هەفتەنامەکە و سەر مالپەڕەکە نەتوانێ بژێوی درێژەدان بە ژیان دابینکا، بێ گومانم کە ئەم سیستێمی بەشداری کردنەش دادێک نادا، سەرەنجام ڕەنگە پەژیوانیش ببنەوە، بەلام ئەوسا پەشیمان بوونەوە بێ ئاکام دەبێ.

................................................................................
* تێبینی: ئەم چەند ووشەیەم لە هەولێر، باشووری کوردستان هاوینی ئەمسال نووسی، بەلام بەهۆی، نا پوختەیی تەکنیکی ئینتەرنێت و سەرقالی خۆم درەنگ ناردم بۆ هەفتەنامەی هاولاتی بەڕێز، جا نازانم ئەوسا لەوێ بلاوکرایەوە یانا، ستافی هاولاتی بۆ چەند مانگێک، بڕیارەکەیان دواخست لەبەر هەر هۆکارێک بووبێ و ئێستا لەسەرەتای ئەم مانگە 1 نوڤێمبەر بڕیارەکەیان خستە واری پراکتیک، بۆیە بەچاکی دەزانم بۆ بەرچاوی هەمووان جارێکی تر لێرە بلاوی بکەمەوە.
** خوێنەری کورد بە ژمارە و بە ڕێژە لەگەل خوێنەری گەلانی تر یەکجار کەمە و بۆ دەستگیرۆیی و هاندان دەشێ نەک دەرگا داخستن بە ڕوویاندا، کەدلنیام پرۆژەی خودی هاولاتی بەو ئاراستە و مەبەستە لە دایک بووە..

2008.08.16

هەولێر/باشووری کوردستان

a_sarkash@hotmail.com