٧\٥\٢٠١١
تۆ مامۆستا نیت..
تۆ کەسێکى دەروون نەخۆشى.
(ئەو.. تهنیا منداڵێک بوو چۆن وێرات وەها
بکەى؟)
پێشرەو حەمید
ڕوشاندنى کەرامەتى ئەومنداڵە لەلایەن ( مامۆستا ) کەیەوە توشى شۆکى
کردم بەتایبەتى ئاکارى مرۆیى و ویژدانى و ئەخلاقیى ئەو ( مامۆستا )
یەیە کە بۆبەسەربردنى کاتێکى ( خۆش ) کەرامەتى منداڵێکى بچوک دەڕوشێنێت
و لەنێو پۆلەکەى خۆیدا منداڵەکە ئازارئەدات و بیباکانە چێژلەئازارەکانى
دەرونى ئەو منداڵە وەردەکرێت .
ئەوە چى عەنەتەریاتێکە کە لەنێو یەکێک لەپۆلى قوتابخانەیەکەدا قوتابى
یەکى منداڵ توشى بارگرژییەکى دەرونى ناخۆش بکرێت و بە مۆبایل وێنەى
بگیردرێت و بێباکەنە بڵاوبکرێتەوە ؟ بڵاوکردنەوەى ئەو گرتەیە لەسەر
تۆڕى کۆمەڵایەیتى فیس بوک نەک هەرمن بەڵکو هەزارن کە سى ترى توشى
شۆککرد و دونیایەک پرسیارى لەسەر ڕەوشى پەروەردەیى و فیرکردن
لادروستکردین ، ئایا ئەمەیە سیستەمى پەروەردەى ئەورپى و پێرفێکتى
حکومەتى هەرێم ؟ ئایابەم جۆرە مامۆستایانەو بەم جۆرە دڵ ڕەقیەوە
نەوەکانمان پێدەگەیەنن و فیریان دەکەن ؟ ئایا ئەوە مامۆستابوو ئێمە
بینیمان یان کەسێکى هەزیل و نەخۆش ؟
ئێمە مامۆستا وەها دەبینین کە ئەو وێنەى باوکى هەیە و وەک باوک
منداڵەکان لەئامێز دەگرێت و بەپەرى دڵسۆزییەوە فێریان دەکات و دەیان
کاتە مرۆڤێکى کامل بۆناو کایەجیاجیاکانى کۆمەڵگا ، ئێمە مامۆستا وەک
چرا تەماشادەکەین کە شوێنە تاریکەکانمان بۆڕۆشن دەکاتەوە ، بەلام ئەو
مامۆستایە لەدەروەى ئەو پێناسانەوەن ، ئەوى مامۆستاى ناو ( گرتە ڤدیۆ )
یەکە جگەلە کەسێکى دەرون نەخۆش هیچى ترنیە و گوناهێکى گەرەیە پیى
بوترێت مامۆستا، ئەو هەرچیبێت مامۆستانیە ، هەرچیبێت پەروەردەکارنییە و
خودى خۆیشى پێویستى بە مامۆستایەکە تافیرى بکات کەچۆن هەڵسوکەوت بکات و
چۆن رێز لەئیرادەى قوتابی یەکى منداڵ بگرێت .
گرفتەکانى منداڵان ڕۆژانە لەزیادبوندان و خێزان و کۆمەڵگاو حکومەت و
لایەنەپەیوەندى دارەکان خەمساردانە ئەو گرفتانە تێدەپەرێنن و ئاوڕیان
لێناداتەوە ؟ چونکە کاتێک گەورەکان کێشەکانیان بۆدروست دەکەن بیر لە
چارەسەرکردنەکانى ناکەنەوە وەک کیشەکانى ترمان ، هەررۆژەو بەشێوەیکى
جیاوازتر گوبیستى ئەو چیرۆکانەدەبین کە منداڵان قوربانى و
پاڵەوانەکانیانن وەک ( دزین ، بێ سەرپەرشتى ، ڕفاندن ، دەستدریژى سێکسى
، بەسەربازکردن . نەخۆشکەوتن ، بەکارهینانیان وەک سیخور ، درۆزەکردن ..هتد
) ئەمانە هەمو ئەو دیاردانان کە گەورەکان دروستى دەکەن و منداڵان
باجەکەى دەدەن .
ئەگەر لە کیشەکانى منداڵاندا بەشیون رێگەچارەسەرەوبین دەتوانین بەشێک
لەکێشەکانى کۆمەڵگەیش چارەسەر بکەین ، کۆمەڵگا بەبى پەروەردەکردنێکى
دروستى منداڵان، هەرگیز بەرو پیشەوەناچێت و لەکۆتایدا کۆمەڵگا پردەبێت
لە کارەکتەرى نەخۆش و دورن گەرم و بەئاسانى کۆنترۆڵ ناکرێت ؟ چونکە
ئەوە منداڵان لەئایندەدا کۆمەڵگا بەرێوەدەبەن .
لۆژیکەیە ئەگەر ورترقسە لەسەر پەروەردەکردنەکەبیکەنەوە و گریمانەیەک
بۆئەوە دابنین ، ئەگەر منداڵ توشى نەخۆشى نەبێت رێز لە لەش ساغیکانى
خۆى ناگرێت ، ئەگەر هەمو شتێک بۆحەزو ئارەزوەکانى ئەوبێت ئەوائەو کات
کەسایەتى لاواز دەبێت و فێرنابیت کاربۆنەهیشتنى کێشەکانى خۆى بکات ،
ئەگەر مناڵ سەد دەرسەد چواردەوەرکەى خاڵى بێت لە کێشەو پربێت
لەخۆشیەکانى ژیان ئەوکات بەرگەى بچوکترین ناخۆشیەکانى ژیانى مندالى خۆى
ناگرێت و لەگەرەبونیدا کۆنترۆلى یەک ساتى کێشەدار قبوڵ ناکات ، بەڵام
لەگەڵ ئەوەشدا ( منداڵ ناسکە وەک گوڵ ، ئەگەر دەستى بۆببەت خێرا هەڵ
دەوەرێت ، ئەگەر بەتوندى بۆنى بکەى خیرا سیس دەبێت ، خۆئەگەر بەباشیش
خزمەتى نەکەى ئەوا لەناو دەچێت ) کەواتە پەروەردەکردنى منداڵ یەکێکە
لەهەرکارە قورسەکان کە دەبێت گەوروەکان و خێزان و حکومەت پى هەستێـت و
دەبێت بزانى چۆن پەروەردەى دەکات .
کۆمەڵگەى کوردى و لەناوێدا خێزان وەک دەزگایەکى پەروەردەى بچوک و شوێنى
پارستنى منداڵ ئەرکێکى ویژدانى و ئەخلاقى لەسەرە بۆ چاودێرى کردنى ئەو
بونەوەربچوکەى کە پێى دەوترێت منداڵ ، منداڵە لەبەرئەوەى لەڕوى جەستەى
و دەرونیەوە و ڕۆحییەوەخاوەنى ئەو توانایەنین کە بەرگرى لەخۆیان بکەن و
ململانى لەسەر مانەوەبکەن لەنێو ژیاندا و تەنانەت هۆکارى بونیشیان
نازانن و پەى بەو پرسیارەش نابەن ئەگەر بلێن چۆن و بۆچى ئیمە لێرەین ؟
چونکە لەکۆتایدا ئەو تەنها منداڵێکەوە بەس .
تێبینى: لەڕیگەى کردنەوەى ئەم بەیجەوە
دەتوانن گرتە ڤیدیۆکە ببینن:
http://www.facebook.com/video/video.php?v=2077413375261
ماڵپهڕی پێشڕهو حهمید
|