ئێستا لە سەرجەمی وڵاتانی جیهان کرێکاران و مووچەخۆرانی چینە هەژارارەکان دروشمی ''نا بۆ بڕین و کەمکردنەوەی مووچە'' بەرز دەکەنەوە چونکە لە ئەنجامی ئەوەی کە دەسەڵاتی ستەمگەرانەی سەرمایەداران ئیدی بە کەلکی ژیان نایێ و بەردەوام لە تێکڕای جیهان تووشی قەیرانی یەک لە دوای یەک دەبێتەو.. لە پێناو دانەبەزینی ئاستی سامانەکانیان بەردەوام نرخی کرینی کەلوپەل و پێداویستییەکانی ژیان بەرز دەکەنەوە و لە بەرانبەریشدا کرێ و مووچەی کرێکاران و ئەو خەڵکانە کەم دەکەنەوە کە تێکڕای ژیان لەسەر ماندووبوونی ئەوان دروست دەکرێ، بەڵام لە لای خۆمان بارودۆخەکە زۆر لەوەش خراپترە چونکە سەرەڕای ئەوەی لە سایەی حیزبە گەندەڵ و دڕندەکان کرێ و مووچەی خەڵک زۆر زۆر کەمە و بەشی ژیانێکی مەمرە و مەژیی ناکا.. بە هۆی لایەنداریی سیاسیی و حیزبییش خەڵک نانبڕاو دەکەن و لەسەر کارەکانیان دەردەکەن یان هەر لەسەرتاوە خەڵک ناتوانن بە بێ لایەنگرییکردن لە حیزبێک هیچ کارێک پەیدا بکەن، لەوەش خراپتر ئەوەیە کە لە ئەنجامی ململانێیە پاوانخوازیی و سیاسەتبازییەکانی نێوان حیزبەکان ماوە ماوە مووچەی مانگانەی خەڵکیش دەبڕن و بۆ چەندین مانگ دوای دەخەن!