١٣\٨\٢٠١١
کورته چیڕۆک:
زاوای سۆر.
یاسین برایم
سەرۆ، نەک گوندەکەی خۆی، گوندەکانی دەوروبەریشی تێگەیاندبوو، کە بوویتە
مەمی ئهوه دهڤهره و عاشقی زینی کچە مامی بووە. ئەوەندەی بنێرێتە
خوازبێنی، بێتامی کرد بوو. هەر چۆنی هەبێت دواجار کچەکەیان دایێ، سەرۆ
لە خۆشیان وەک پاڵەوانێکی عاشق دەرکەوت و دوو ئەوەندەی تر لووتی بەرز
بۆوە. گوێی بە کەس نەدەدا، وایدەزانی لە ئاسمان هاتۆتە خوار. هەمیشە
نێوچاوانی گرژ و مۆن بوو، ئەمەش وایکردبوو، کەس خۆشی نەدەویست.
زۆری نەبرد ئامادەکاریی کرد و زینی گواستەوە، خەریک بوو باڵ بگرێ و
خەونی چەندین ساڵەی هاتەدی، کە شەو داهات، بووک بە هێمنیی و بە شەرمەوە
ئەم نهێنییەی، پێگوت: "ئەمشەو دەستم لێمەدە بێنوێژم!!". لە کاتی بیستنی
پەیڤی بێنوێژیی وایزانی گوللە لە دەمی بووک هاتەدەر و بەر سینگی کەوت،
وەک بیبسی هەڵچوو، تا هێزی هەبوو، مستێکی لە نێو دەمی بووک دا و دەم و
ددانی پڕکرد لە خوین. بووک بە بینینی خوینەکەی خۆی، لە سەر جێگایەکە
بوورایەوە. سەرۆ بەوهش نەوەستا، بە جنێودان و هەڕەشەکردن بۆ ماڵی بووک
بەرێکەوت، کە دوو خانوو نێوانیان بوو، دایکی بووکی جنێوباران کرد، کە
بێنوێژیی کچەکەی پێنەگوتووە. باوکی بووکیش، لە بەردەم هێرش و جنێوە
ناشیرینەکانی سەرۆ دەمارەکانی جووت بوون، دەستی گەیاندە گۆپاڵە
تاوکەکەی، تا ماندوو بوو لە سەر و دەم و چاوی سەرۆی دا و خستیە سەرزەوی
و جەستەی لە خوین سۆر کرد. ناڵە و هاواری هەموو گوندی لە خۆ کۆکردەوە.
کاتێک زاوایان بەو شێوەیە بینی، لە بەتانییەکیان پێچا، بە پەلە خستیانە
نێو ئۆتۆمبێلێک و رەوانەی نەخۆشخانەی شاریان کرد. لەوێش پزیشکەکان
زاوایان لە لەفاف کفن کرد!!
ماڵپهڕی یاسین
برایم
|