په‌یوه‌ندیپه‌رتووکخانه‌رۆشنبیرییلینکئه‌رشیفنووسه‌رانده‌سپێک

٨\٣\٢٠٢٤

٨ی ئادار، گەڕانەوە بۆ مێژووی ئەشکەنجە.


ئاواز سامان      


٨ی ئادار گەڕانەوەیە بۆ مێژوو؛ مێژوویەکی پڕ لە ئازار و ئەشکەنجەی بۆ ژن تۆمار کردووە.


ژن لە سێبەری کۆمەڵگەیەکی پیاو سالارییدا بە چەندان کێشە و گرفتدا تێپەریوە.


٨ی ئادار ڕۆژی ژنانی جیهانە، لەو ڕۆژەدا هەوڵی پەرەپێدانی هەموو ئەو بوارانە درا کە پێشتر ژن لێیان بێبەش بوو، کار بۆ گەڕانەوەی شکۆ و ماف و ئازادیی و ڕێزگرتن لە کەسایەتی کرا.


بەڵام پرسیار ئەوەیە، ئایا کۆمەڵگەیەک تا ئێستا پەیوەست بێت بە بیر و تێڕوانینی کۆنەپەرستانە، توانیویەتی ئەو گۆڕانکارییانە بکات؟ لە کاتێکدا کوردستانیش وەک هەر ناوچەیەکی دیکەی جیهان بێبەریی نەبووە لە گۆڕانکارییەکان؟ بۆیێ بەداخەوە نەیتوانی کاری راشکاوانە بۆ پرسی ژن و ئازادیی و ڕزگارکردنی لەو دۆخە ناهەموارە بکات.


هەر بۆیێ ڕۆژانە بە چاوەکانی خۆمان دەبینن ئەو کۆمەلگایە ڕووبەڕووی چ قەیرانێکی دەروونیی و کارەسات و دەرچوون لە هەموو بەهایە جوانەکانی مرۆڤ بووەتەوە. بۆیێ ئەگەری ئەوە هەیە زۆرترین ژن ببنە قوربانی.


٨ی ئادار وەرچەرخانێکی گەورە بوو، بۆ بەشدارکردنی ژنان لە کارکردن تا لەو ڕێگەیەوە کەسایەتی و خواستی ژن پتەوترببێت و باوەڕی بە بوونی خۆی هەبێت.

 

لە دوا دێڕیشمدا پێویستە بڵێم، ماف و ئازادیی ژن پێویستی بە تێگەیشتن و هۆشیارییە لە کۆمەڵگەیەک کە هەموومان تیایدا زیندانیین..

 

 

awazsaman7@gmail.com

 

 

 

 

په‌یوه‌ندیپه‌رتووکخانه‌رۆشنبیرییلینکئه‌رشیفنووسه‌رانده‌سپێک