|
٢٩\١\٢٠١٤
ئافتەنپۆستەن:
کوردستان نێزیکی سەرخوەبوونە.
 ل
راپۆرەکی تایبەتییا رۆژنامەیا ئافتەنپۆستەنیا نۆروەژی، د دەربارێ
پێشکەتنێن ھەرێما کوردستانێیا ل ھەموو واران دە، ئەوە خستیە روو کو
ئەوێ ل کوردستانێ و ب تایبەتی ل باژارێ ھەولێر کو پایتەختا وێ ھەرێمێیە
تێ دیتن، تشتەکی بالکێشە و پێشکەتن ئەوقاس ب لەز ھەنگاڤ داڤێژن کو جھێ
بالکێییێیە و ھیچ پێناچێ کو ئەڤ ھەرێم ئراق بێ، ژ بەر کو جووداھیەکە
مەزن ل ناڤبەرا وان دوو جیھان دە تێ دیتن.
ھەر ل ڤێ راپۆرێ دە، بەھسا خانیێن خوەشک و بالکێش و ھۆتەلێن نووژەن و
رێ و بانیێن نوو ب واتەیا کوردستانێ ل سەر چیا و گوندەکی بچووکێ بێ
پەیوەندی و رێ و بانی ژ بۆ لەزترین ئابۆریا پێشکەتیا جیھانێ ب واتەیا
دوبا یەکی دنێ جیھانێ دروست بوویە.
د دەربارێ رەوشا ئارامی و ئاساییشێ، ئەشکەرە کریە کو ھکوومەتا ھەرێما
کوردستانێ کاریە گەلەک ب بالداری و رێکوپێکی پارێزگەریێ ل وەلاتێ خوە
بکن و ل ڤر دە ھکوومەت و خەلک ھەڤدەنگن ل ئارامی و ئاساییشێ دە. ھەر
ئەڤە وھا کریە کوردستان ببێ ناڤچەیەکی بێ گیر و گرفت و ب ڤێ ژی بوویە
وێستەگەھەکی ئارام ژ بۆ ھەموو ھەموەلاتیان و ھەموو چین و تووێژەک و
ئۆلان جیھێ وان لێ دبێ. ھەولێر ھەموو پێدڤیەکە پێشکەتی تێدا تێ دیتن،
باژارێن نوو و بازارێن نووژەن و ھەر وھا ھەموو جوورە خوارنەکی چینی و
ئیتالی تێدا ھەیە.
ھاتن و چوونا رۆژانە د ناڤبەرا ھەولێر و ڤیانا و ستۆکھۆلم ل رێیا
فرۆکخانەیان ھەیە، ئەڤە ژی گەشبوونەکە دنێ پێشکەتنا ڤێ ھەرێمێیە. ئەوێ
ل ڤر دە ب روونی دەردەکەڤێ ئەوەیە کو کورد ب زیرەکانە ھەول و ھەنگاڤان
ژ بۆ دامەزراندنا دەولەتا کوردی ددن کو ب شیانەکە مەزن ڤە نێزیکی خەونا
خوە بوونە کو ھەموو پێدڤیەکی وێ دەولەتا وان ھەیە.
ھەر وھا رۆژنامە بالکشاندیە ل سەر وەلاتێن جیرانێن کوردستانێ و دبێژە
ھەر چەندە بەرێ ترکیە ب ھەموو ئاوایەکی دژایەتیا کورد دکر، لێ بەلێ
ئیرۆ بەرەڤاژیا بەرێیە، ژ بەر کو نھا بەرژەوەندیەکی باش ل گەل کورد دا
ھەیە و ژ بۆ وان بوویە پالپشت.
www.rojevakurd.com/rojev/14995-Aftenposten-Kurdistan-nzk-serxwebne.html#sthash.06k3Dt70.dpuf
botankurdistani@gmail.com
|
