|
عامودا هێمایەک بۆ
دڵڕەقی داگیرکەران ، ڕۆژێک بۆ یەکخستنی نەتەوەی کورد
.
47 ساڵە لە بەرواری 13-11 ی هەموو ساڵێک ، یادی کارەساتێکی جەرگبڕی
دیکەی گەلەکەمان دەکرێتەوە ، 5 ساڵیشە لە ناوەندی چاکەوە ،ساڵانە
گوێبیستی یادکردنەوەی ئەمکارەساتە جەرگبڕە دەبن ، کە لە جەرگەیدا زیاتر
لە 250 زارۆکی کوردی شاری عامودا ، لە ڕوداوێکی پڕ لە تەم و مژاوی
گوماناویدا لە سینەمای ئەو شارەدا گیانیان لەدەست داو سوتان ، پێشتر بە
نەخشە 600 قوتابی منداڵی شار بردرابوون بۆ هەمان سینەما ، کەچی لە کاتی
سوتانی سینەماکە ،دەسەڵاتداران فریای ڕزگارکردنی منداڵەکان نەکەوتن ،
لە بەرامبەردا کەسایەتی خۆشەویستی شارەکە ، محەمەد سەعید ئاغا ، بە
هەوڵی خۆی 252 منداڵی لەو 600 منداڵەی لەناو سینەماکە بوون لە مەرگ
ڕزگارکرد ، تاکو ئێستاش خەڵکی شار بەڕێزەوە یادی ئەو کەڵە پیاوە لەگەڵ
قوربانییەکانیان دەکەنەوە .
لەو زارۆکانەی لە کارەساتەکە ڕزگاریان بوو، ژمارەیەکی زۆر پسپۆر و
کەسانی تێکۆشەریان تێدایە ، هەموو مرۆڤی بەکەڵکن بۆ گەلەکەیان ، بێشک
ئەوانەی گیانیان لەدەستدا ، بمانایا هەمان پلە و پایەی کۆمەڵایەتی و
هەڵوێستی نیشتمانیان دەبوو ، بۆیە ڕژێم نەخشەی لەناودانیانی داڕشت .
پارساڵ لە یادی 46 ساڵەی کارەساتی عامودا وتمان " یه‌کگرتووانه به‌ڕوی
نه‌خشه چه‌په‌ڵه‌کانی داگیرکه‌ران بوه‌ستینه‌وه ، یه‌کگرتووانه
تاوانکارانیان په‌لکێشی دادگا نێوده‌وڵه‌تییه‌کان بکه‌ین .
هه‌روه‌ها پێویسته یه‌کگرتوانه له هه‌موو پارچه‌کانی کوردستان
پشتگیری له داخوازه ڕه‌واکانی گه‌له‌که‌مان بکه‌ین .
هه‌ر به‌م بۆنه‌یه‌وه ، به بۆنه‌ی سوتانی 250 زارۆکی کورده‌وه ،
داوا له حکوومه‌تی کوردستان ده‌که‌ین ، به‌هه‌موو شێوه‌یه‌ک پاڵپشتی و
پشتگیری مادی و مه‌عنه‌وی له‌و قوتابیانه بکه‌ن ، له پارچه‌کانی دیکه‌ی
کوردستانه‌وه به تایبه‌ت باشووری بچوکه‌وه ، بۆ درێژه‌دان خوێندن
هاتوونه بۆ کوردستان ، به خوێندن ده‌توانیین شوێنه‌واری سیاسه‌ته
شۆفینییه‌کانی داگیرکه‌ران بسڕینه‌وه و نه‌خشه‌کانیان پوچه‌ڵبکه‌ینه‌وه
.
له یادی کاره‌ساتی عامودا نه‌فرت له تاوانکاران ، ئاواته خوازی
نیشتمانێکی ئازاد و گه‌لێکی یه‌کگرتوو هوشیارین . "
ئەمساڵ لە کاتێکدا یادی ئەم کارەساتە دەکەینەوە ، هێشتا نەتوانراوە پاش
47 ساڵ لە تاوانەکە ، بەشێوەیەکی زانستی توێژینەوەیەک زانستی ، لەسەر
هۆکاری سوتانی سینەماکە و ئاماری تەواوی قوربانیان ئامادە بکرێت ، جگە
لە دیاریکردنی 125 ناوی قوربانیان ، ئەوانی دی تاکو ئێستا نەناسراون .
چاک لە دامەزراندنیەوە تاکو ئێستا ، ساڵانە یادی ئەم کارەساتەی
کردۆتەوە ، ڕۆژی 13-11 بە ڕۆژێکی گرنگ لە دیرۆکی کورد و ڕۆژمیری
کۆمەڵکوژی کوردان لە بەرنامەی خۆیدا داناوە ، ساڵانەش بێ پچڕان
ئەمکارەساتە یاددەکاتەوە .
مەخابن کێشەکانی گەلەکەمان بە تایبەت لەم کات و ساتە ئەوەندە مەزنن ،
هەڕەشەکان ئەودیو سنوور ئەوەندە مەترسیدارن ، گەلەکەمان تەنانەت فریای
یادکردنەوەی کارەساتەکانیشی ناکەوێت ، دەسا ئەمساڵ لەبەرنامەماندا بوو
لەگەڵ هەندێک کۆڕوکۆمەڵەی باشووری بچووک ، بەشێوەی سەرانسەری لە ئاستی
ناوخۆو دەرەوە یادی ئەم کارەساتە جەرگبڕە بکەینەوە .
پێویستە یادی 47 ساڵەی کارەساتی عامودا زیاتر هانمان بدات بۆ یەکڕیزی
ڕۆڵەکانی نەتەوەکەمان لە دژی نەخشە هاوبەشەکانی داگیرکەرانی کوردستان .
نەفرەت لە تاوانبارانی سینەمای عامودا
ناوەندی چاک
1-11-2007
www.chak.be
chak_org@yahoo.com
تێبینی : جگە لەم ئیمەیل و ماڵپەڕە ، هیچ ماڵپەڕو ئیمەیلێکی دیکەمان
نییە بەناوی ناوەندی چاکیشەوە بێت .
|
