|
|
|
ئاى لەو گێژاوە واى لەو هەڵڵایە!
ملیۆنان دۆلار بۆ شوققەکانى پەرلەمانتارانى کوردستان تەرخانکرا بەڵام کێشەى کرێچیانى ئەم وڵاتە هەرچارەسەر نەکرا،لێبوردنى گشتى بۆ هەزاران مستەشار و ئامر مەفرەزەى جاش و ئەمن و موخابەرات دەرکرا بەڵام لە نێو حزبەکانى کوردستان بەدەستوورنەکرا،سەدان پۆست و پلەى چاک بە کۆنە بەعسى و کۆنەجاشى خراپ درا بەڵام خەباتى سەدان پێشمەرگەى دێرین لە سایتى بەرپرسە فێرست کلاسەکان هاک کرا، سەدان باڵاخانە و بەرزەتەلار لەو کوردستانە بنیات نرا بەڵام کێشەى کارەبا و سووتەمەنى بەوادەکارى تەعمیمکرا، ملیۆنان دۆلار و ملیاران دینار لە فیستیڤال وئاهەنگێڕانا فرتەى هات و کەوتە خەبەرى (کان)ەوە بەڵام سەدان خێزانى ئەنفال و شەهید و هەژار موچەى پێرەژنى بە قسمەتکرا،دەیان رێککەوتن و پەیماننامە مۆرکرا بەڵام دەرەنجامیان فى سفر کرا،بە دەرزەن کۆمپانیا هاتنە کوردستان بەڵام بە موفرەد کارى خاوێن کرا، هەزاران پارچە زەوى دابەشکرا بەڵام سلفەى عەقار هەرنەدرا،هەزاران بابەت و راپۆرت لە سەر کێشەى هاووڵاتیان نووسرا بەڵام کێشە لەم وڵاتەدا هەر نەبڕا،هەزاران وتار لە سەر گەندەڵى نووسرا بەڵام گەندەڵێک دادگایى نەکرا،دەریایەک رەخنە و پێشنیارى باش کرا بەڵام وەک رۆینى کیسەڵ جێبەجێکرا،چى و چى و چى کرا بەڵام چى و چى و چى نەکرا،ئاى لەو گێژاوە واى لەو هەڵڵایە سیاسەتى ئەمڕۆ چى لێقەومایە؟!
Muhammad_mushir@yahoo.com
|
