|
١٠\٤\٢٠١١
ئازارەکانی ڤان
کوخ!
نەهرۆ
ئیستا دەزانم ڤان کوخ چەند ئازاری هەبووە ، ئەم هونەرمەندە دیوانەیەکی
رووت نەبوو کاتی گویچکەی خوی بری و بۆ خوشەویستەکەی نارد ، لە تاوی
ئازاری ناخ وای کردبوو ، هەندی لە نەخوشەکان جەستەی خویان بریندار
دەکەن بەو نیازە ئازارەکانی ناخیان بیر بچیتەوە! ئەمەش خوی لەخوی دا
کارەساتە ئازاریک بەئازاریکی دیکە بگوریتەوە! ئازاری نەخوشی دەروونی
لەئازاری جەستە خەست ترە ،ئازاریکی هەمیشەیی و بەردەوام و بی برانەوە
وبی ئاسو ، واهەست دەکەیت لەکاروان بەجی ماویت ،دونیا بەهای تیا نەماوە
! هەست بە پووچی سەراپای بیرکردنەوەت دائەپوشی.
بیروکەی خوکوژی لەمیشکت ئامادە دەبی بەلام نازانی چون و بەچ شیوەیەک .چاک
دەزانی ژیان ئەرکە لیپرسراویەتی یە..بەلام ساتەکانی تۆ ئەوەندە قورس
دەبی تەنانەت لە بەرامبەرئەرکی تایبەتی ژیانی خوت دوش دادەمینی دەلی
هەر وەکو همنگوای ، کامو سنوریک بو ژیانی قورس و بی ئەندازەم دانێم.
خەلک ،خیزان ، دەوروبەرگوللە بەتاریکی یەوە دەنین کاتی کە دەلین تۆ
هیچت نیە جاران ساغ بوویت چیاو دەشت ودولت دەپیوا قسەی خوشت دەکرد ،ئیستا
بۆ لیمان زویر بووی ،پشتت کردوتە ژیان ،بەقورسی گرتوتە بەلام لەراستی
دا ئەوە من نیم ژیانم بەقورس گرتوە بەلکو رۆژگار خیانەتی لی کردم ..وزەکانی
دزیم..ورەی دابەزاندم..خەمە پەنگخواردووەکان بەرووم دا تەقاندەوە ،ئیستا
خەمەکانم بۆ کۆ ناکریتەوە.. تادی وزە ئەدورینم ، هەموو ساتیکم دۆزەخیکە
بۆ خوی ، دەلین واخوت دابنی کە ئینسانیکی ئیفلیجی بەلام من ئیفلیج نیم
دەروونم ماندوو بی ئۆقرەیە ! ساتم لی ناروا هەر سەعاتەو سالیکە لای من
، خۆمیش نازانم بۆ چی دووچاری ریگای هات و نەهات بووم!
ئیستاش زوو زوو سەردانی کتیبخانە دەکەم کتیبەکانی پاپلو کویلهو..ئورهان
پەموک دەهینم و دەخوینمەوە بۆ چەند روژیک سەرقالم دەکەن بەلام روژی وا
هەیە تاقەتی خویندنەوەشم دەچی ،ئورهان پەموک لە رومانی (قەلای سپی)
دەلی ( شیتەکان ناتوانن خویان بخافلینن!) خۆ خافلاندنیش دوو لایەنە
یەکەمیان پەیوەستە بەهوشیاریەتی یەوە وەک ئەندازیاریک پلان دائەنیت
دووەمیان دەبی حەزو ئارەزویک لەناخت دا چرو بکا ،من هوشیاریەکەم هەیە
بەلام هەندی جار حەزو ئارەزولەلام نامینی! زور خوشحال بووم کاتی ئورهان
پەموک لەرومانی ژیانیکی نوی باسی تارمایی گوندە کوردەکان دەکا دەلی
شەریکی رانەگەینراو لەدژیان بەرپاکراوە هەروا باسی ناوچەیەک دەکا دەلی
نفوزی پەکەکەی تیایە! زور سەیرە نووسەریکی تورک دان بەو راستیانە
دابنیت.
خوینەری بەریز کاتی کە من تیکەلی تۆ بووم خەمەکانی خوم بیر دەچیتەوە
عەرەب راست ناکا کە دەلی: (لاتشکو للناس جرحا انت
صاحبە فلا یولم الجرح
الا من بە الالم). دلنیا بن تەنیا تەنیاییە باری ئیمەی قورس کردووە
ئەوانەی لە هەندەران دەژین زۆر تەنهان رەنگە ئیش بکەن یاخود مال
ومندالیان هەبی بەلام لە کوتایی دا بەتەنهایی دەمیننەوە ،ئینسان بریتی
یە لە هەست و نەست ، لەولاتە ئەوروپیەکان بە نیگا بریندارمان دەکەن بە
قسە توانجمان لی دەدەن ،هەناسەکانمان دەژمیرن. پرسیاری ناقولا
رووبەروومان دەکەنەوە وادەزانن هەموو سەر رەشیک نەوەی بن لادن
ومەلاکریکارە ! ئەم ولاتانە مروڤی ناسک نەخوش دەخەن پرسیارەکانیان وەک
بزمار ئەچەقی بەدلا ،توانجەکانیان وەک راژدییەک وایە لەپرخەی خەودا
ئاراستەت بکەن!
ئەوروپا چەشنی ڤان کوخی زورە کە لەرووی مینتالتیتەوە سەقەتن بەلام
بەدەست بەهرەمەندن چ لە بواری موزیگ یا نیگار کیشان یا وردە چالاکی تر.
لیرەدا من دەمەوی ئەوە بخەمە روو کە لە ئەوروپا مروڤی دەروونی وەک عەیب
و شورەیی تەماشا ناکری بەلکو تەقدیری ئازارو ئەشکەنجەی ناخی ئەو مروڤە
دەکەن ،ئینسان خودی خوی بریاری نەداوە نەخوش بی ،ئەگەر بەیەک دوو سی
بووایە هە موو کەس حەزی دەکرد چاک بیتەوە تەمبەلی و بی غیرەتی روژیک
دوو رۆژ! بەلام نەخوشی وەک دیاردەکی سروشتی باو باران بومەلەرزە
لەتەمەنیکی دیاریکراودا تووشت دەبی پیوە دەنالینی!
لەمیشکی ئینسان دا دەماری گواستنەوە هەیە هەلگری مادەی (سیروتونین) و
(دوبائین ) بە حوکمی پالەپەستوی روژگار زیادو کەم دەکا ئاکام مروڤ
تووشی شلەژان دەبی ، بەلام خوشبەختانە ئیستا بەحەب ودەرمان بەلانسی ئەو
مادانە دەهیننەوە شوینی خوی بەلام حالەتی خەموکی و ئانگست بی ئایندەیی
کیشمەکیش لەگەل نەخوشیەکە و ئیلتزاماتی ژیان ناخوشە..
بەتایبەتی لەروژهەلات بزانن یەکی نەخوشی دەروونی هەیە هەزارو یەک
پرسیاری لەسەر دا ئەنین!!!
ماڵپەڕی نەهرۆ
|
