٢٦\٧\٢٠١٨

با هاوپشتیى بۆ تێکۆشان بۆ بەدیهێنانى مافەکان بنیادبنێن.

عەبدولڕەحمان رەسول  

کاتێک سیستەم نابەرابەرى و چەوسانەوە و گەندەڵى و دزى لە کارگەکانى دا بەرهەم دەهێنێت و گەشەى پێدەدات,چارەسەر تەنها تێکۆشان و شۆڕشە بۆ بەدیهێنانى ماف و ئازادى و بەرابەرى ,هیچ تێکۆشانێکیش بەبێ یەکگرتوویی و هاوخەباتى و هاوپشتى چینە چەوساوەکان و خەڵکى ناڕازى لە چەوسانەوە و نابەرابەرى و کۆیلایەتى هەرگیز شۆڕش و ڕاپەڕینەکان سەرکەوتوونەبوون بەڵام پاش سەرکەوتن و گۆرانکارى لەجۆرى سیستەم ئەى بۆچى دیسان سیستەمى بەناو تازە خەڵک دیسان و کۆیلە وچەوساوە دەکات ,دیسان هەروەک سیستەمى کۆن خەڵکى هەژار و کرێکار و ئازادیخواز ئازاردەدرێت و زیندانى دەکرێ و تیرۆر دەکرێ و لە سێدارە دەدرێت ,دیسان گەندەڵى و دزى دەکرێ لەسامانى گشتى کۆمەڵگا .ئەزانن بۆچى ؟ لەبەرئەوەى هەڵەیەک هەیە بەدرێژایی مێژوویی شۆڕش و ڕاپەڕینەکان ئەویش ئەوەیە خەڵکى چەوساوەو هەژار و کۆیلە نا ووشیاربووە لەوەى کە شۆڕش و ڕاپەرینى لەسەردەستى ئەوچینە هەژار و چەوساوە کراوە بەڵام فێڵى لێکراوە هەڵ خەڵەتێندراوە بە جۆرێک کە نەیان هێشتووە خۆیی بەشدارى دەسەڵاتدارى لە ڕوویی کارگێرى ئیدارى و دابەشکارى سامانى گشتى بکات.

ئەگەر هەر لەسەرەتاوە لەکاتى شۆڕش و ڕاپەڕینەکان دا خۆیی لە گەرەکەى خۆیەوە دەستى پێ بکردایە و بەشدارى دەسەڵاتى بکردایە لە نەخشە و پلانى داهاتوویی شار و کۆمەڵگاى دا ئەوا بە دڵنییایەوە لەقۆناغى دوایی گۆڕانى سیستەم خەڵک لەسەر هەبوونى بیروباوەڕى جیاواز و بەشدارى کردن لە خۆپیشاندانەکان دادگایی نەدەکراو سزا نەدەدرا و هەروەک تاونبار سەیر نەدەکرا !
ئەگەر بەشدارى کردنى سەڵات و حکومەتى کردبایە مامۆستا و فەرمانبەر لەسەر داواکردنى ماف و ئازادى بەرشەق نەدەدرا و سوکایەتى پێ نەدەکرا و دوایش دادگایی نەدەکرا .ئەگەر خەڵکى چەوساوە بەشداربوایە لە دەسەڵات گەنجان و لاوان لە سەر داواکردن و مافەکانیان ڕەشە کوژ نەدەکران لە ناو خۆپیشاندانەکاندا .
ئەگەر خەڵک بەشداربوایە لەدەسەڵات و حکومەت ژنان و کچان لەسەر خۆشەویستى نە دەکوژران و تەرمەکانیان لە قەراغ و ڕێگاکان و دۆڵ و شاخەکان فڕێندەدرا و دۆسى یەکانیشان دا نەدەخرا و لە گۆڕەستانى بێ کەسان بەبێ ناو و ناونیشان ژێر خاک نە دەکران .
ئەگەر خەڵک لە بەشداربوایە لە حکومەت و دەسەڵات بە سەدەها و هەزرارەها گەنج و لاو و منداڵ ئاوارەى دەوڵەتان نە دەبوو یاخود لە دەرەیاکاندا تەرمەکانیان نەهەنگ و قرشەکان نە یان دەخوارد .بۆ یە ئەگەر خەڵک بەشداربوایە لە دەسەڵات پارە و داهاتى زۆرى کۆمەڵگا نەدەدزرا و گەندەڵى نە دەکرا و وڵات و کۆمەڵگا پارەو داهاتى گشتى کۆمەڵگا ئاوەدان دەکرایەوە و هەنگاو بەهەنگا بەرەو پێشکەوتنى شارەستانى و نوێ بوونەوەى زیاتر و جوانتر دەڕۆیشت ,ماف و ئازادى یەکان بەبێ جیاوازى دینى وقەومى و حیزبى بۆ هەمووان دەبوو .

هەر بۆیە گرینگە لە تێکۆشانى داهاتوویی خەڵکى ناڕازى لە چەوسانەوە و نابەرابەرى و سەرکوت و کوشتن هەنگاو بەهەنگا و زۆر بە جدى و بەجۆرى کردارى بە نەخشە و پلانى هاوبەشى شارەستانى و سیکۆلارى و ئازادیخوازى بەشداربێت خەڵک لە هەنگاوەکانى دەسەڵاتدارێتى و حکومەتدارێتى بە جۆرێکى مەدەنى و ئازادانە تەنها بۆ ئەوەى لەخۆشى و شادى و ناخۆشى و گرفتەکانى داهاتوویى کۆمەڵگا هەموومان بەشداربین .

ڕێگاچارەى پێویست و نەخشە ڕێگاى دروست بۆ هێنانەدى ماف و ئازادى یەکان بەهێزکردنى تێکۆشانى هاوبەش و پشتیوانى هاوبەشە .کاتێک لە خۆپیشاندانەکاندا یەکێک زیندانى دەکرا هەموولایەک بەبێ جیاوازى لەپشتى بین وهیچ شەڕێکى دەروونى لایەنىدەسەڵاتدار کاریگەرى لەسەر کەس دانەنێت بۆ کەم کردنەوەى پشتیوانى بەکردار ,لەبەرئەوەى لەکاتى خۆپیشاندان و نارەزایەتى یەکاندا دەسەڵاتداران بەردەوام نەخشە وپلانى خۆیان بۆکەپکردنەوە و پاشکەشە پێ کردنى خەڵکى نارازى و خۆپیشاندەر جێبەجێ دەکەن بۆناو زڕاندنى هەڵسوڕاوانى خۆپیشاندەر هەتاوەکو دەستگیریان بکەن و تۆمەتیان بۆ دروست دەکەن ,پێویستە خەڵک لە هیچ کات و قۆناغێکدا پشتى یەکترى بەرنەدات و بەردەوام گەشە بە تێکۆشانى هاوبەش بدرێت بۆ هێنانەدى ماف و ئازادى یەکان .

بە دڵنییایەوە ئەگەر یەکگرتووبن خەڵکى چەوساوە و ماف خوراو سەرکەوتوو دەبن بەڵام ئەگەر یەکگرتوونەبن دیسان شکست دەهێنن .هەربۆ یە کارڵ مارکس گووتوویەتى یەتى (ئەى کرێکارانى جیهان یەکگرن ) ئە گەر نەتواندرێت سەرجەم کرێکارانى جیهان یەکگرتووبن لەتێکۆشان و مەحاڵ بێت بەڵام پێویستە خەڵکى چەوساوە و ماف خوراو و ناڕازى لە سیستەمى چەوسێنەر و گەندەڵکارو دزى کۆمەڵگاکان هەر یەکەیان بۆ خۆیان یەکگرتووبن و گەشە بە یەکێتى و هاوخەباتى خەڵکى ناڕازى و چەوساوەبدرێت . لەئێستاشدا لە باشوورى کوردستان هەلومەرج و بارودۆخ لە باروگونجاوە بۆ گەشەدان بەتێکۆشانى هاوبەش لە بەرئەوەى تاکە ڕێگا چارەیە بۆ ڕزگارى لە دەچەوسانەوە و بەدیهێنانى ماف و ئازادى یەکان ,سەرجەم ڕێگاکانى تر تاقى کراونەتەوە .

ماڵپه‌ڕی عه‌بدوڕه‌حمان رەسول