|
١١\٢\٢٠١١
با مۆراڵی سیاسی هه‌ڵبژێرین.
فەرەیدون حەمەڕەشید
بەیاننامەکەی بزوتنەوەی گۆڕان به‌هه‌رخوێندنه‌وه‌یه‌ک
هەرڕەخنەوتێبینیەک لەسەری هەبێت بەڵام ڕاستییەکی تێدا هەیە کەحکومەتی
هەرێم تابینەقاقای لەبەردەم ملکەچکردنی حیزبدا زەلیلە و ئەوەندی حکومەت
خراوەتە خزمەت کەسایەتیەسیاسیە فیرعەونییەکان و بنەماڵە هیچ کات وەک
پێویست حکومەت بۆچین وتوێژەکانی خوارەوە نەبووە، ئەمەش ڕاستییە ونابێت
خۆڵ کەینە چاوی جەماوەری خەڵک، ئیدی هەموومان وەک تاکی ئەم کۆمەڵگایە
بە هەموو چین وتوێژەکانەوە لە هەر ئینتیمایەکی سیاسیدابین وەک پرەنسیبێکی
مەبدئی و مۆراڵی سیاسی لەگەڵ سەروسامان پێدانین بەپاراستنی دەسەڵات
وحکومەتێکی کوردی ،بەڵام خەڵکی کوردستان و ئۆپۆزیسیۆنیکی جەماوەری مافی
ئەوەی هەیە بوێرانە ناعەدالەتی وبەتاڵانبردنی سامانی گشتی و
بیرۆکراتیەت لەسەرپارو و قوتی خەڵکی زەحمەتیکشی ئەم هەرێمە بێنێتە
سەربەڕەو بەدواداچوونی بۆبکات وبیکاتە سکانداڵی سیاسی ، چوون تاگەندەڵی
سیاسی وئابووری ومۆنۆپۆلکردنی کایەکانی ژیان لەحکومەتەوە نزیک بێت
ئەوەندەش شەبەحی لەدەستدانی حکومەت نزیک دەبێتەوە جاهەر تارماییەک
بەسەر تێکدانی حکومەتەوە بگەڕێت خودی دەسەڵات لێ بەرپرسیارە..
ئەوەی جێگەی تێرامانە ئەوهەراوهۆریایەیە کەڕاگەیاندنی دەسەڵات دەیکات و
کوردستانی کردۆتە وێنەی مەیدانی جەنگ لەکاتێکدا دەکرا بە گوتارو
وملمالانێی عەقڵانی وەڵامی بەیاننامەی گۆڕان بدرایەتەوە نەک بەجنێوی
سیاسی و دەستەواژەی ( سەرلێشێواو وئاژاوەگێڕ وکودەتا ) دەکرێت هەموومان
لەسەرئەوە کۆک وتەبابین کە پێگەوجێۆپۆلتیکی کوردستان لەبەرامبەر پلان
ودەستتێوەردانە ئیقلیمییەکان لەوپەڕی هەستیاری سیاسیدایە و دەکرێت
هەموولا پشتیوانی لەسەقامگیرییەکەی بکەین،بەڵام ئەوەی ئەرکی سەقامگیری
و ئارامی ئەم هەرێمەی بەئەستۆیە و وەک مێژووی باش یان خراپ بۆی
تۆماردەکرێت دەسەڵاتی سیاسییە وهەموو دەستپشخەری ودەست بردنێکیش بۆ
بەرخووردی باش ونیهەتی یەکترقبوڵکردن لەسەرپرەنسیبی گەڕانەوە بۆلای
جەماوەری خەڵک لە ئه‌ستۆی دەسەڵاتە .بەڵام ئەوەی بینمان لەکاردانەوەی
دەسەڵات خۆگیڤکردنەوە بوو بەسەر بزووتنەوەیەکی سیاسی کەنوێنەرایەتی
نیوملێۆن خەڵک لەکوردستان دەکات ئەمەش ئەو ئەرگۆمێنتتەمان پێدەدات کە
تائەمڕۆ دەسەڵات نەیتوانیوە لەگەڵ ئازادی سیاسی و گەمەی دیموکراسی
ڕاهێنان بکات وتوانای بەربەرچدانەوەی گووتاری نیە بەشێوەیەکی عەقڵانی
و دوور لەتووندو تیژی و زمانی جەنگ،ئەمەش ئەومەترسی و مۆتەکەیەیە کەتا
ئەمڕۆ دەسەڵات خۆی له‌عه‌قڵی چه‌ک وململانێی تووندوتیژی خاڵی
نەکردۆتەوە .
کەس ناتوانێت نکوڵی لەوە بکات که کوردستان هەمووکات پێویستی بەئارامی
و سەقامگیری سیاسی هەیە،بەڵام هیچ کات ناکرێت بەهانەی سەقامگیری سیاسی
وترس لەئەزموونی هەرێمی کوردستان بکرێتەهۆکاری شه‌رعیه‌تدان بۆ دەست
بەسەراگرتنی دەسەڵات لەلایەن کەسایەتی وبنەماڵەوە و ڕۆچوونی حیزب بۆناو
هەمووکایەکانی ژیانی خەڵک بەکارێکی ئاسایی و سرووشتی وەربگرین و سەبری
( نوح ) ی بۆبگیرێت ..
خەڵکی کوردستان لەپەتای جەنگ و ململانێی ناشەریفانەی سیاسی بێزارو
ماندووە خوازیارە لەتەک قۆناغێک لەئاشتی وئازادی و وەدیهێنانی
مافەکانیدا پشوویەک بدات،تکایە باچیدی کوڕوکچی نیشتیمان نەبێتە
سوتەمەنی سیاسەت ، دەکرێت لەم هەرێمە سیاسەت بەجۆرێکی شەریفانە فۆرمات
بکرێته‌وه و لەسەربنیاتی ماف و ڕێزگرتن لە هاوڵاتی و بەهەمان شێوەش
خۆشەویستی هاوڵاتیش بۆنیشتمان ،کەئەوەش دەکرێت دەسەڵات دەستپێشخەربێت
وده‌سه‌ڵات زه‌مینه‌سازی بۆبکات، نه‌ک خستنه‌گه‌ڕی ماشێنی ڕاگه‌یاندنی
حیزب و تووندوتیژی دژی به‌یاننامه‌یه‌ک که‌ته‌نها به‌تێکست به‌ده‌سه‌ڵات
ده‌ڵێت ده‌کرێت بیرله‌ڕێگه‌چاره‌ی باشتر بۆسیاسه‌ت له‌م هه‌رێمه
بکرێته‌وه.بامۆراڵی سیاسی هه‌ڵبژێرین بۆپێکه‌وه‌ژیان له هه‌رێمێک که‌قه‌تماغه‌یه
له‌زام و له‌ئه‌نفال وله‌قوربانی وله‌جه‌لاد نه‌وه‌ک به‌رگریکردنێک له‌هه‌لومه‌رجێک
که‌له‌خزمه‌ت هیچ که‌س نیه جگه له‌چه‌ند سیاسییه‌کی چاوچنۆک.
ماڵپه‌ڕی فه‌ره‌یدون حه‌مه‌ڕه‌شید
|
