٢٦\١\٢٠١١

با ناره‌زایه‌تی جیهانی رۆژی ٢٩ی جانیوه‌ری دژ به‌ سزای له‌ سێداره‌دان له‌ ئێران،

بکه‌ینه‌ سه‌نگه‌رێکی پته‌و له‌ پێناو قه‌ده‌غه‌کردنی سزای له‌ سێداره‌دان له‌ هه‌موو ناوچه‌که‌! سه‌نته‌ری دژی له‌شێداره‌دان.

رژێمی ئیسلامی ئیران یه‌کێک له‌ ره‌شترین ئه‌و رژێمانه‌یه‌ له‌ جیهاندا که‌ که‌ ته‌نها به‌ سه‌رکوت و ئه‌نجامدانی ده‌یان هه‌زار سزای له‌سێداره‌دان توانیویه‌تی ده‌سه‌ڵاتکه‌ی رابگرێت به‌سه‌ر سه‌ری خه‌ڵکی ئازدیخوازی ئیرانه‌وه‌.

ئه‌م رژێمه‌ ته‌نها له‌ماوه‌ی چه‌ند مانگی رابردوودا ده‌یان که‌سی له‌ زیندانیان و هه‌ڵسوڕاوانی سیاسی له‌سێداره‌داوه‌ و ده‌یانی تری له‌ هه‌ڵسوراوانی کرێکاری و خوێنداکاران و هه‌ڵسوراوانی بواری مافه‌کانی مرۆڤ و ژنانی ده‌ستگیرکردوه‌ و زیندانی کردوون، ئه‌مه‌ش به‌مه‌به‌ستی ترساندنی خه‌ڵک و تۆقاندنی کۆمه‌ڵگا تا به‌ر به‌ناره‌زایه‌تی خه‌ڵک بگرێت.

له‌ به‌رامبه‌ر ئه‌م شالاوه‌ دڕنده‌یه‌دا ناره‌زایه‌تییه‌کی جیهانی و سه‌راسه‌ری به‌شێوه‌ی خۆپیشاندان و کۆبوونه‌وه‌، له‌به‌رده‌م باڵوێزخانه‌کانی ئیران و ناوه‌ندی شاره‌کاندا له‌ رۆژی 29 جانیوه‌ری 2011 دا له‌ لایه‌ن ده‌یان رێکخراو و لایه‌نی سایسی و جه‌ماوه‌ری و که‌سایه‌تی ئازدیخواز و دژ به‌ سزای له‌ سێداره‌دان له‌ ناوچه‌که‌و ده‌یان ووڵاتی تر له‌ ئاستی جیهاندا دژ به‌م تاوانانه‌ی رژێمی ئیسلامی و دژ به‌ سزای له‌ سێداره‌دان و بۆ به‌رگریکردن له‌ زیندانیانی سیاسی له‌ ئێران ئه‌نجام ده‌درێت.

ئێمه‌ وه‌ک سه‌نته‌ری دژی له‌سێداره‌دان سه‌ره‌رای ئه‌وه‌ی خۆمان به‌ به‌شێک له‌م ناره‌زایه‌تیه‌ جیهانییه‌ ده‌زانین له‌ هه‌مان کاتدا هاوپشتی خۆمان بۆ ئه‌م ناره‌زایه‌تییه‌و هه‌موو ئه‌و لایه‌نانه‌ ده‌رده‌برین که‌ له‌هه‌وڵی به‌رێخستنی ئه‌م ناره‌زایه‌تیه‌دان دژ به‌ رژێمی ئیسلامی و سزای له‌ سێداره‌دان له‌ 29ی جانیوه‌ریدا. هه‌روه‌ها به‌ ته‌واوی توانامانه‌وه‌ له‌م ناره‌زایه‌تی و چالاکیانه‌دا به‌شداری ده‌که‌ین. هه‌ر لێره‌شه‌وه‌ بانگه‌وازی سه‌رجه‌م جه‌ماوه‌ری ئازادیخواز و ته‌واوی لایه‌نه‌ سیاسی و جه‌ماوه‌ری و رۆشنبیری و که‌سایه‌تیه‌کان و چالاکه‌وانانی بواری مافی مرۆڤ و دژ به‌ سزای له‌ سێداره‌دان و لایه‌نگر له‌ ئازادی سیاسی له‌ عیراق و هه‌رێمی کوردستان ده‌که‌ین که‌ چالاکانه‌ له‌م ناره‌زایه‌تی و چالاکیانه‌دا به‌شداری بکه‌ن.

به‌شداریکردن و به‌هێزکردنی ئه‌م ناره‌زایه‌تییه‌ جیهانییه‌ دژ به‌ شاڵاوی له‌ سێداره‌دانی رژێمی ئیسلامی ئیران ده‌توانێ ببێته‌ هه‌نگاوێکی پته‌و وگرنگ له‌ پێناو یه‌کخستنی هه‌وڵه‌کان و خه‌باتمان له‌ پێناو قه‌ده‌غه‌کردنی ئه‌م سزا دڕنده‌و دژی مرۆڤایه‌تیه‌ له‌ ئیران و عیراق و هه‌رێمی کوردستان و هه‌موو ناوچه‌که‌شدا.

بۆ په‌یوه‌ندی زیاتر به‌ سه‌نته‌ری دژی له‌ سێداره‌دانه‌وه‌:

anti.execution@gmail.com
www.antiexecution.org/ku

کوردستان:
ئاکۆ خه‌لیلزاد: 009647707698822 ،

009647701105690
 

دانیمارک:
هیدایه‌ت مه‌لا عه‌لی: 004540318544

به‌ریتانیا:
هیوا ئه‌حمه‌د: 00447837902098
کات وشوێنی ناره‌زایه‌تییه‌کان

نەرویج:
شاری ئۆسلۆ بەردەم باڵوێزخانەی ئێران کاتژمێر 1 بۆ 2 ی پاش نیوەڕۆ
کاتژمێر 2 بۆ 3 ی پاش نیوەڕۆ بەردەم وزارەتی دەرەوەی نەرویج

ئەڵمانیا:
فرانکفۆرت 2 پاش نیوەڕۆ لە بەرامبەر کۆنسڵگەری کۆماری ئیسرمی ئێران(Raimundstraße 90 )، کاتژمێر 4 ی پاش نیوەڕۆ ناوەندی شار (هاویت واخە) بریمن :29-1 کاتژمێر 2 تا 5ی پاش نیوەڕۆ لە Marktplatz 

کۆڵن:

 29-1 کاتژمێر 1بۆ 3 پاش نیوەڕۆ مەیدانی دۆم پلاتە هامبۆرگ :29-1 دریژەی دواتر رادەگەیەنرێت

کانادا:
تۆرنتۆ:29-1 کاتژمێر 2 بۆ 4 ی پاش نیوەڕۆ
شوێن :تەقاتعی یانگ و دانداس بەرامبەر ئیتۆن سەنتەر
ڤانکۆڤەر :29-1 کاتژمێر 2 ی پاش نیوەڕۆ بەرامبەر ئارت گەلەری
ئۆتاوا :29-1 کاتژمێر 12 بۆ 2ی پاش نیوەڕۆ بەرامبەر پارلەمانی ئۆتاوا

سوید:
مالمۆ :29-1 کاتژمێر 1 بۆ 3ی پاش نیوەڕۆ
: Davidhallsbron
ستۆکهۆڵم :29-1 کاتژمێر 2 بۆ 4ی پاش نیوەڕۆ لە گۆڕەپانی سرگڵ
یۆتۆبۆری :29-1 دواتر وردەکارییەکانی بڵاو دەکرێتەوە

بەریتانیا:
لەندەن :29-1 کاتژمێر 2 بۆ 4ی پاش نیوەڕۆ گۆڕەپانی ترافالگار بەرامبەر ناشنال گەلەری
Trafalgar Square، North Terrace (outside the National Gallery)

هۆڵەندا:
لاهای:هەینی 28-1 لە بەرامبەر پارلەمان کاتژمێر 3 بۆ 5ی پاش نیوەڕۆ

ئەفغانستان:
کابول ،هەرات ، مەزار شەریف ، قەندەهار 29-1"

ئەمەریکا:

واشتنۆن :30-1 کاتژمێر 12-3ی دوانیوەڕۆ لە بەرامبەر مەکتەبی پاراستنی بەرژەوەندییەکانی کۆماری ئیسلامی ئێران (ویسکانسین ئۆنیۆ – واشتنۆن

هەولێر:
29-1 بەرامبەر کونسڵییەی کۆماری ئیسلامی ئێران

24\1\2011

سه‌نته‌ری دژی له‌سێداره‌دان