|
٩\٣\٢٠١١
بانگەواز بۆ
پێکهێنانی یەکێتی ئۆپۆزیسیۆنی چەپ و دیموکرات و پێشکەوتنخواز لە
باشووری کوردستان.
لە راپەرێنەکانی تونس و میسر ئەگەر زیادەرۆییمان نەکردبێت چەپ و
دیموکرات و پێشکەوتنخوازەکان لە پێشی پێشەوەی جەماوەری بێکار و
هەژارەوە بوون و رۆڵی پێشەنگانەو شەرافەتماندانەیان بینی ، دواتر لە
هەموو راپەرینەکانی مەغریب و بەحرێن و جەزائیر و یەمەن و... دیسانەوە
چەپ و دیموکراتەکان بە رۆڵی پێشەنگانەی خۆیان هەڵستان و هەڵدەستن ، لە
پێشەوە جەماوەردان دژ بە دەسەڵاتی گەندەڵ و دکتاتۆر و هەلپەرستان و
بەرژەوەند پەرستان ، رۆڵی پێشەنگانەیان لە قولکردنەوەی داوا
هەقخوازییەکانی رەنجدەرانی بیرو بازودا هەبووەو هەیە.
لە کوردستان هەست بەوە دەکەین لە نێوان دەسەڵاتی گەندەڵ و لایەنەکانی
ئۆپۆزیسیۆنی ناو پارلەمان (گۆڕان و کۆمەڵ و یەکگرتوو) کە مۆرکی ئاینی
نا دیموکراتیان بە ناڕەزایەتییەکانەوە داوەو هەموو ئامانجیان ئەوەیە لە
بەرژەوەندی سیاسی خۆیان سواری ملی داواکارییەکانی جەماوەری هەژار و
بەشمەینەتی کوردستان بن ،ئێمە پێمان وایە بۆشاییەکی سیاسی لە غائیب
بوونی کاراو یەکگرتووی ئێمە لە گۆڕەپانی سیاسی و خەباتی جەماوەری لە
باشووری کوردستان بە دی دەکرێت.
بۆ ئەوەی ئەم توێژە بەرینەی ئێمەش لە کوردستان بە رۆڵی خۆی لە چاکسازی
سیاسی و فەرهەنگی و بە دەست هێنانی دادپەروەری هەڵبستێت ، بانگەوازی
هەموو ئەو کەس و لایەنانە دەکەین کە بۆ ئۆپۆزیسیۆنێکی چەپ و دیموکرات و
پێشکەوتنخواز لە خزمەتی هەژاران و بەشمەینەتانی کوردستان خەبات دەکەن
لە دەوری یەکتر کۆببینەوە ، بۆ ئەوەی بە ریزی سەربەخۆی خۆمان بەشداری
لە راپەرینی خەڵکی کوردستان بکەین و بە ئاراستەی بەرژەوەندی هەژاران و
ئازادی و دیموکراسیەت و پێشکەوتنخوازی ببەین و جێگایەک بۆ سازشی کورسی
پەرستانی کۆنەپارێز و بورژوا رەنگاو رەنگەکان و گەندەڵکاران نەمێنێت و
جێگای شایستە بۆ ئەم توێژە پێشەنگە وەکو رابردوو لە جەرگەی ناڕەزایەتی
هەژارانی کوردستان ببینینەوە ، بۆیە لێرەوە بانگەوازی هەموو پارت و
رێکخراو لایەن و کەسایەتیەک دەکەین کە ناسنامەی سیاسیان چەپ و دیموکرات
و پێشکەوتنخوازەو پێی وایە دەتوانین پێکەوە لە خزمەت هەژاران و
پێشکەوتنخوازی بە پاراستنی تایبەتمەندی (ئایدۆلۆژی و رێکخراوەیی) لە
چوارچێوەی بەرنامەکانی راپەڕین کۆببینەوە کە داخوازی هەژارانی
کوردستانە بۆ یەکخستنی ریزەکانمان لە چوار چێوەی ئۆپۆزیسیۆنی خاوەند
بەرنامە و هێڵی سیاسی بە ئاراستەی ئازادی و یەکسانی بۆ بەشداری
کاریگەرانەتر و چالاکانەتر لە راپەڕین و ژیانی سیاسی باشووری کوردستان
، بۆ ئەم مەبەستەش بانگەوازی هەموو لایەک دەکەین بۆ کۆبوونەوە لە دەوری
یەکتر لە پێناو یەکێتی کاری هاوبەش.
ناوەکان:
1- عەلی مەحمود محەمەد، هەولێر - کوردستان
2- نەجیبە عومەر، هەولێر - کوردستان
3- سەلام عەبدوڵا، خانەقین - کوردستان
____________________________________
بۆ پەیوەندیکردن:
009647704600169،
dwaroj@yahoo.de
تێبینی: لە سەر
داوا و رێکەوتنی هەموو لایەک لە ماوەی نزیکدا کۆبوونەوەیەک رێک دەخەین.
|
