١٩\٦\٢٠١٩

بانگەوازی فیستیڤاڵی نێونەتەوەیی فیلمەکانی منداڵان و مێرمنداڵانی ئێران بڵاوکرایەوە.

مەنسوور جیھانی

 
یاسا و رێساکان و بانگەوازی سی و دووھەمین خولی فیستیڤاڵی نێونەتەوەیی فیلمەکانی منداڵان و مێرمنداڵانی ئێران بە مەبەستی بردنەسەرەوەی بەرھەمەکانی سینەمای منداڵ و مێرمنداڵ و ناساندنی باشترین بەرھەمەکانی ئەم بەستێنە لە بواری نەتەوەیی و نێونەتەوەییدا لە لایەن نووسینگەی فێستیڤاڵ بڵاو کرایەوە.

بە پێی راپۆڕتی لێژنەی پەیوەندییەکان و راگەیاندنی سی و دووھەمین خولی فێستیڤاڵی نێونەتەوەیی فیلمەکانی منداڵان و مێرمنداڵانی ئێران، بە پێی رێککەوتننامەی رێکخراوی کاروباری سینەمایی و بیسراو و بینراوی ئێران، شارەوانیی ئیسفەھان و دامەزراوەی سینەمایی فارابی، سی و دووھەمین خولی فیستیڤاڵی نێونەتەوەیی فیلمەکانی منداڵان و مێرمنداڵانی ئێران لە رۆژانی ٢٨ی گەلاوێژ تا ٤ی خەرمانانی ١٣٩٨ی ھەتاوی رێکەوتی ١٩ تا ٢٦ی ئابی ٢٠١٩ی زایینی لە دوو بەشی نەتەوەیی و نێونەتەوەییدا بەپێی مەرجەکان و یاسا و رێساکانی خوارەوە لە شاری مێژوویی ئیسفەھان بەڕێوەدەچێت.

لەم خولەی فێستیڤاڵەکەدا بەرھەمە لەبەر چاوگیراوەکان بەپێی فێرکراوەگەلی بیر و باوەڕی، ئەخلاقی باش، شێوازی ژیان، رێزگرتن لە دامەزراوەی بنەماڵە و ھاوتوێژەکان، جۆش و خرۆش و شادی، ھیوا و باوەر بەخۆ بوون، ھەوڵدان بۆ پێشکەوتن، وەرگرتنی بەرپرسایەتی کۆمەڵایەتی، دۆستایەتی لەگەڵ سروشت و ئامادەبوونی بەردەنگ بۆ بەرەوڕووبوونەوە لەگەڵ کێشە و پرسەکانی دونیای داھاتووە.

دەقی تەواوی بانگەوازی سی و دووھەمین خولی فیستیڤاڵی نێونەتەوەیی فیلمەکانی منداڵان و مێرمنداڵانی ئێران بەم پێیەی خوارەوەیە:

١ ـ ئامانجەکانی فێستیڤاڵ
١ ـ ١ ناساندنی باشترین بەرھەمەکانی سینەمای منداڵ و مێرمنداڵ لە بواری نەتەوەیی و نێونەتەوەییدا
١ ـ ٢ رەخساندنی بوار بۆ پەرەپێدانی بەردەوام و ھاوسەنگی سینەمای منداڵ و مێرمنداڵ
١ ـ ٣ رەخساندنی بوار بۆ ئاڵوگۆڕی ئەندێشە و ھاوکاریی کارگێڕانی سینەمای منداڵ و مێرمنداڵ، خاوەنڕایان و ھەموو لایەنەکانی زنجیرەی بەرھەمھێنان، بڵاوکردنەوە و بڕەوپێدانی پیشەگەلی فەرھەنگی
١ ـ ٤ ھەوڵدان بۆ بەرزکردنەوەی چۆنایەتی و پەرەسەندنی رێژەی دزەکردنی سینەمای منداڵ و مێرمنداڵ لە رێگای ناساندنی دەفرایەتییەکان و دۆزینەوەی سەرمایەکانی مرۆڤایەتی و فەرھەنگی

٢ ـ بەشە سەرەکییەکانی فێستیڤاڵ
٢ ـ ١ کێبڕکێی سینەمای نێونەتەوەیی
٢ ـ ١ ـ ١ کێبڕکێی فیلم گەلی سینەمایی
باشترین سیناریۆی فیلمی سینەمایی
باشترین دەرھێنانی فیلمی سینەمایی
باشترین فیلمی سینەمایی
باشترین فیلمی سینەمایی ئەنیمەیشن
خەڵاتی تایبەتی ئەندامانی لێژنەی دادوەران
٢ ـ ١ ـ ٢ کێبڕکێی کورتە فیلمەکان
باشترین کورتە فیلمی چیرۆکی
باشترین کورتە فیلمی ئەنیمەیشن

٢ ـ ٢ کێبڕکێی سینەمای ئێران
٢ ـ ٢ ـ ١ کێبڕکێی فیلم گەلی سینەمایی
باشترین ئەکتەری فیلمی سینەمایی
باشترین سیناریۆی فیلمی سینەمایی
باشترین دەرھێنانی فیلمی سینەمایی
باشترین فیلمی سینەمایی
باشترین فیلمی سینەمایی ئەنیمەیشن
خەڵاتی تایبەتی ئەندامانی لێژنەی دادوەران

٢ ـ ٢ ـ ٢ کێبڕکێی کورتە فیلمەکان
باشترین کورتە فیلمی چیرۆکی
باشترین کورتە فیلمی ئەنیمەیشن

٢ ـ ٢ ـ ٣ کێبڕکێی فیلم گەلی درێژی سینەمایی
باشترین سیناریۆی فیلمی درێژی سینەمایی
باشترین دەرھێنانی فیلمی درێژی سینەمایی
باشترین فیلمی درێژی چیرۆکی
٢ ـ ٢ ـ ٤ خەڵاتەکانی تایبەتی دەبیری فێستیڤاڵ

٢ ـ ٣ خەڵاتی سیفژ
دەستەیەکی دادوەریی نێونەتەوەیی پێکھاتوو لە (ناوبژیوانێکی ئێرانی و دوو ناوبژیوانی بیانی) ناسێندراو لە لایەن رێکخراوەی "سیفژ" واتە (رێکخراوەی نێودەوڵەتی فیلمەکانی منداڵان و مێرمنداڵان) خەڵاتی سەرەکیی ئەم رێکخراوە جیھانیە بە باشترین فیلمی درێژی فێستیڤاڵ پێشکەش دەکەن. ئەم خەڵاتە بە بۆچوون و بڕیاری دەستەی دادوەران، بە دەرھێنەر و یا بەرھەمھێنەری فیلمەکە پێشکەش دەکرێت. ھەروەھا ئەم دەستەیە یەک دیپلۆمای شانازی بە یەک کورتە فیلم یا ئەنیمەیشێنی کورت دەبەخشن.

٢ ـ ٤ خەڵاتی تایبەتی دەستەی دادوەرانی منداڵ و مێرمنداڵی نێونەتەوەیی
لەم بەشەدا گرووپێکی دادوەری، پێکھاتوو لە منداڵان و مێرمنداڵانی و بیانی کە لە لایەن نووسینگەی فێستیڤاڵەوە ھەڵدەبژێردرێن، بە باشترین فیلمی سینەمایی ئەم بەشە "پەپوولەی زێڕین" پێشکەش دەکەن.

٢ ـ ٥ خەڵاتی تایبەتی زاون قۆکاسیان
لەم بەشەدا گرووپێکی دادوەری، پێکھاتوو لە رەخنەگران، چالاکانی فەرھەنگی و ھونەری و سینەماکارانی ئیسفەھان کە لە لایەن نووسینگەی فێستیڤاڵ لە پارێزگای ئیسفەھان ھەڵدەبژێردرێن، بە باشترین فیلم لە بەشی سینەمای ئێران ئەم خەڵاتە پێشکەش دەکەن.

٢ ـ ٦ خەڵاتی تایبەتی دەستەی دادوەرانی منداڵ و مێرمنداڵی ئێران
لەم بەشەدا گرووپێکی دادوەری پێکھاتوو لە منداڵان و گرووپێکی دادوەری پێکھاتوو لە مێرمنداڵان کە لە لایەن نووسینگەی فێستیڤاڵ لە پارێزگای ئیسفەھان ھەڵدەبژێردرێن، بە باشترین فیلمی سینەمایی دەستەی بەردەنگی خۆیان خەڵاتی "پەپوولەی زێڕین" پێشکەش دەکەن.

٢ ـ ٧ نمایشە تایبەتەکان

٣ ـ ناوبژیوانی
٤ ـ یاسا و رێساکانی فێستیڤاڵ
٥ ـ ناردنی فیلم بۆ فێستیڤاڵ

سی و دووھەمین خولی فیستیڤاڵی نێونەتەوەیی فیلمەکانی منداڵان و مێرمنداڵانی ئێران بە بەرپرسیاریی "عەلیڕەزا تابێش" و بە ھاوکاریی رێکخراوەی سینەمایی ئێران، شارەوانی ئیسفەھان و ناوەندی سینەمایی ئێران و ھەروەھا بە بەشداریی بەرھەمی وڵاتانی جیھان لە چەندین بەشی جۆراوجۆری پێشبڕکێ و دەرەوەی پێشبڕکێ، بەشی "کۆڕ و کۆبوونەوە پسپۆڕانەی ھونەریی سینەما" و ھەروەھا بەشی "رێزلێنان و بیرئانین" بۆ ماوەی ھەشت رۆژ لە سینەما "نقش جھان"، پەردیسی سینەمایی "چھارباغ"، سینەما "فەلەستین" و سینەما "سێپاھان" لە شاری مێژوویی ئیسفەھان لە وڵاتی ئێران بەڕێوەدەچێت.

ماڵپه‌ڕی مه‌نسوور جیهانی