خەڵکی کوردستان نەک هەر پێویستییان بە بارزانی و دەسەڵاتە گەندەڵکار و ستەمگەرەکەی نییە بەڵکە ئەوە ٢٣ ساڵە وەک نووسەنەک بەو میللەتەوە نووساوە و ئامادەیە هەموو کوردستان لە خوێن هەڵبکێشێ ئەگەر خۆی یان بنەماڵەکەی لەسەر کورسیی دەسەڵات لابدەن.. ئەوە تەنیا حیزبەکانن پێویستیان بە بارزانیی هەیە چونکە بانگەشەی دەستاودەستکردنی دەسەڵات و دژە بنەماڵەیی لە لای ئەوان تەنیا قسەی پووچن و سەرکردەکانیشیان وەک بارزانی و بنەماڵەکەی گەندەڵ و دوور لە ئامانجەکانی میللەتن.. واتە هەر یەکەیان بارزانییەکی گچکە و گرگنن! ئەگەر نا لە پاش ٢٣ ساڵ سەرۆکبوونی کەسێک و پێداگریی لەسەر درێژکردنەوەی سەرۆکایەتییەکەی هیچ بیانوویەک هەڵناگرێ مەگەر لە پێنج شەش ملیۆن کەسی خەڵکی کوردستان کەسێکی وەک بارزانی تێدا نەبێ و تێکڕایان لە بارزانی بێ ئاستتر و بێ تواناتر بن!!!