به‌ به‌شداریی شاندی '' پاک ''

 ته‌رمه‌کانی بنه‌ماڵه‌ی ئه‌نوه‌ر پاڵانی به‌رێکرانه‌وه‌ .

سه‌عات 12:30 ده‌قیقه‌ی رۆژی سێشه‌ممه‌ 16 رێبه‌ندانی 2707 رێکه‌وتی 5 فێورییه‌ی 2008، شاندێکی پارتی ئازادیی کوردستان که‌ پێکهاتبوون له‌ هه‌ڤاڵان شه‌ماڵ پیران کۆردیناتۆری کۆمیته‌ی ناوه‌ندی و خاتوو هامنۆ نه‌قشبه‌ندی سکرتێری مه‌جلیسی گشتی و فه‌ریبورز کرماشانی ئه‌ندامی مه‌جلیسی گشتیی PAK، له‌ رێوره‌سمی به‌رێکردنی ته‌رمی 7 که‌س له‌ خێزانی ئه‌نوه‌ر پاڵانی، که‌ شه‌وی‌ هه‌ینی 1/2/2008  له‌ که‌مپی ئاوه‌ره‌کانی رۆژهه‌ڵاتی کوردستان ناسراو به‌ به‌ که‌مپی کاوه به‌هۆی گازی زۆپاوه‌ گیانیان له‌ ده‌ستدا بوو، ئاماده‌بوون. شاندی PAK له‌م رێوره‌سمه‌دا چاویان به‌ دانیشتوانی که‌مپه‌که‌ و که‌سوکاری ئه‌و بنه‌ماله‌ لێقه‌ڵماوه‌ که‌وت و هاوخه‌میی پارتی ئازادیی کوردستانیان پێراگه‌یاندن.

هه‌ر له‌ هه‌مان رۆژ شاندێکی نوێنه‌رایه‌تی PAK له‌ سلێمانی که‌ پێکهاتبوو له‌ هه‌ڤاڵان رزگار عه‌باسزاده‌ و هه‌ڵۆ ره‌مشتی له‌ ده‌روازه‌ی شاری سلێمانی پێشوازییان له‌ ته‌رمه‌کان و که‌سوره‌کانیان کرد و تاجه‌ گوڵینه‌ی ڕێزیان پێشکه‌ش کردن.

پارتی ئازادیی کوردستان

کۆمیته‌ی راگه‌یاندن

17 رێبه‌ندانی 2707

6 ژانویه‌ی 2008