|
٦\٣\٢٠١٣
بە بێ ئازادیی
ژنان، هیچ مرۆڤێک لە جیهاندا بە ئازادیی ناژی!
عوسمان رەحمانی
با پێکەوە بە پێشوازی ٨ی
مارس رۆژی هاوپشتیی ژنانی جیهان بچین!
ئازادیی و رزگاری بەشەریەت لە گرەوی ئازادیی ژنان داێە!
تا ژن ئازاد و سەربەخۆ نەبێ، جیهان ڕووی ئاشتی و ئازادی بە خۆێەوە
نابینێ!
توندوتیژیی و کوشتاری ژنان بەرهەمی سیستەمی سەرمایەداریە. ئەم سیستەمە
لە سەر بنەمای پیاوسالاریی و مڵکاێەتی تایبەت دامەزراوە. حەز و خواستە
جنسی و ئابوریەکانی پیاوان کراوەتە یاسا و نەریت و کولتوری زاڵ بە سەر
کۆمەڵگادا. ئەم سیستەمە بە پاڵپشتی دەوڵت و دین هەم پاساو کراوە و هەم
سەپێندراوە. ژن لەم سیستەمەدا کۆیلە و کالاێەکی جنسیە و بەشێکە لە ماڵ
و مڵکی پیاو. بەم شێوەیە لە پێناو خواستە جسنی و دەسەڵاتی ئابوری
پیاواندا بەشێک لە عەقڵ و توانایی و مەعریفەی کۆمەڵگای بەشەری کراوەتە
قوربانی و بی کەڵک کراوە. توندوتیژی و کوشتار لە دژی ژنان تەنها تەنها
لەش و جەستە و باری حقوقی ژن نیە، بەڵکو کوشتن و نابود کردنی بەشێکی
گرنگ و کارسازی عەقڵ و شعور و لێوەشاوەییەکانی کۆمەڵگای ئینسانیە!
بەشێک لە توانایی فکری و ئەخلاقی و ئینسانی و ئابوری و مەعریفیەکانی
بەشەریەت لە زیندانی جەهالەتی سەرماێەداری و نێرسالاریی دینی داێە.
بەشێک لە لێوەشاوەییەکان و تواناییەکان و بیردۆزەکان و دانشەکانی
کۆمەڵگای بەشەری تەنها لە بەر بەرژەوەندی کەمایەتیەکی سەرماێەدار بێ
کەڵک و هەرز کراوە.
کە واێە، ئازادی ژن بە هەمان شیوە تەنها جەستە و لەش و باری حقوقی ژن
ناگرێتەوە، بەڵکو ئازادی بەشەریەت و کۆمەڵگای مرۆییشی پێوە گرێ دراوە!
ئەمڕۆ کۆمەڵگای بەشەری بە هۆی دەسەڵاتی یەک لایەنەی پیاوسالاریی دینی و
ناسیونالیستی، بە هۆی حاکمیەتی عەقڵیەتی پیاوانە و کۆنەپەرەستانەی
پیاوسالارییەوە لە ناو خوێن و شەڕ و کوشتار و ناعەدالەتی و دەربەدەریدا
دەگفەوزێت و دەناڵێنێت. بە دڵنیاییەوە بە بێ ئازاد بونی ژنان و وەگەڕ
کەوتنی تواناییە فکری و عەقڵیەکانی ژن، کۆمەڵگای مرۆیی قەت ڕوی خۆشی و
ئاشتی و ئازادی بە خۆێەوە نابینێ.
جیاواز لەوەیکە بە پاڵپشتی دینەکان و خوداکان و عەقڵیەتی نێرسالاری کە
هەمان یاساکانی دارستانە، بەشێک لە شعور و عەقڵ و لێوەشاوەیی کۆمەڵگا
کە ژنان پێکی دێنن لەکار خراوە و سەرکوت دەکرێ. لە هەمان کاتدا سەرماێە
و سامان و تواناییەکی یەکجار زۆری کۆمەڵگای بەشەری کە دەتوانی هەمو
جیهانی مرۆییمان لە برسیەتی و هەژاری و دواکەوتویی و نەخۆشی و
نەخوێندەواری رزگار بکات، سەرفی کونترۆڵ کردن و سەرکوتی هەمان نیوەی
کۆمەڵگا دەکرێ کە ژنانن. سەرفی داڕشتن و نوسینەوەی یاسا نێرسالاری و
سەرماێەداریەکان دەکرێ کە مرۆڤ و مرۆڤاێەتیان نابود کردوە، سەرفی
پاراستنی دەسەڵاتی نێرینە، سەرکوتی ژنان، پاراستنن و بوڕێوەچونی ئەو
یاسانە، سەرفی ناوەندەکانی بەرهەم هێنەرەوەی پیاوسلاری دەکرێ، سەرفی
مەلا و شێخ و کتێبە بە ناو ئاسمانیەکان دەکرێ کە هەمو بۆ دەمکوت و
سەرکوتی ژنانە و بێجگە لە بەدبەختی و شەڕ و ماڵوێرانی هیچ بەرهەمێکیان
نەبوە، سەرفی هەڵخراندنی ڕقی پیاوانە و ناموس پەرەستی دەکرێ بۆ کوشتاری
ژنان.
ئەم عەقڵیەت و بیر و باوەڕە نێرسلاریی و سەرماێەداریە بە تەواوی
کۆمەڵگای بەشەری سەقەت و خاپوور و خوێناویی کردوە و ژیانی لە خودی
پیاویش تاڵ کردوە. هەر بۆێە دەبێ دان بنێین بەم راستیە دا کە بە بێ
ئازادی و سەربەخۆیی ژنان وەک ئینسان و تاکی خاوەن مافی یەکسان لەگەڵ
پیاوان و بە بێ وەگەڕ کەوتنی لێوەشاوەییە مرۆییەکانیان، بە بێ وەگەڕ
کەوتنی عەقڵ و هزر و تواناییەکانی ژنان، کۆمەڵگای بەشەری قەت لەم شەڕ و
کوشتار و ناعەدالەتیانە ررزگاری نابێ.
ژنانی کورد دەبێ ئەم ڕاستیە بزانن کە بە سەربەخۆ بونی کوردستانیش نەک
هەر ڕزگاریان نابێ، بەڵکە دەبێ باجی دەوڵەتێکی دیکەی پیاوسالار و
سەرماێەداری بدەن. نەک هەر هیچ دەردێکیان چارەسەر نابێ، بەڵکو
دەوڵەتێکی دیکەی ژن کوژ و دژی ئینسان و پیاوسالار بەم دەوڵەتانەی ئێستا
زیاد دەبێت کە رۆژانە ژن دەکوژن و وەک کالای سێکسی و جنسی لە
بازاڕەکانی کڕێن و فرۆشتن دا، چی لە ڕێگای زەواجی دینیەوە کە هەمان
کڕین و فرۆشتنە و چی بە ناوی ئازادی لە وڵاتانی سکۆلار کە وەک بوکە
شوشەی جل و بەرگ فرۆشتن و وێنە و فلیمی سێکسی و کالای سێکسی تیجارەت و
سات و سەوداێان پێوە دەکرێ. کوردستانی عێراق نمونەی حاشا هەڵنەگری ئەم
راستیەێە. لە ماوەی ٢٢ ساڵ دەسەڵاتی دەوڵەتی کوردیدا گەورەترین تاوان و
جیناێەت دەرحەق بە ژن کراوە کە لە مێژوودا وێنەی نەبووە.
جا کە واێە، دەبێ ژنان بە یەکگرتویی خۆێان لە دژی سەرتاپای ئەم نیزام و
سیستمە پیاوسالاریی و سەرماێەداریە ڕاپەڕن و شان بە شانی پیاوانی
کومونسیت و ئازادیخواز و یەکسانیخواز لە ڕیزی چیناێەتی خۆماندا دەست
بەکار بین بۆ دونیاێەکی شایستەی مرۆڤی و بەرابەر و عادل، دونیاێەک کە
تێدا ژن و پیاو، دیندار و بێ دین، گەورە و بچوک، رەنگ و ڕەگەز بێ
ماناتریننەکان بن و پێوەر و مێحوەری نرخەکان تەنها مرۆڤ بێ و بەس!
دونیاێەک کە تێیدا ماف و شکۆی مرۆیی و گیان و ژیانی هەمووان وەک یەک
دابین و پارێزراو بێ!
بژی ٨ی مارس رۆژی هاوپشتیی ژنانی جیهان و مرۆڤایەتی!
بژی ئازادیی و یەکسانیی ژن و پیاو!
osman_r@hotmail.no
|
