|
٨\١٠\٢٠١١
به هۆی
کۆششه‌کانی فیدراسیۆنه‌وه،
سبه‌ینێ
کێشه‌ی گه‌ڕاندنه‌وه‌ی په‌نابه‌ران ده‌خرێته
نێو به‌رنامه‌کاری
په‌رله‌مانی عێراقه‌وه.
عێراق
7-10-2010:
پاش ئه‌وه‌ی فیدراسیۆنی سه‌راسه‌ری په‌نابه‌رانی عیراقی نامه‌یه‌کی
ئاراسته‌ی سه‌رۆکی په‌رله‌مان وئه‌ندام په‌رله‌مانه‌کانی عیراق کرد .
به‌رێز سه‌ردار عبدولا، یه‌کێک له‌په‌رله‌مانتاری عێراق به‌پیر داوا
ونامه‌که‌ی فیدراسیۆنه‌وه هات وپاش هه‌وڵدانێکی چڕو پڕی ئه‌و هه‌واله‌ی
به‌‌سکرتیری فیدراسیۆن راگه‌یاند که:
"دوای ئه‌وه‌ی نامه‌ی فیدراسیۆنم به‌ده‌ستگه‌یشت هه‌مان رۆژ ئه‌و نامه‌یه‌م
گه‌یانده سه‌رۆکی په‌رله‌مانی عیراقی و له‌گه‌ل چه‌ند ئه‌ندام په‌رله‌مانی
دیکه‌ش داوای هاوکاریمانکرد وسه‌رئه‌نجام به‌یانی پێشنیارمانکردوه
کیشه‌ی په‌نابه‌رانو داواکاریه‌کانیان له‌نیو په‌رله‌مان باسی لیبکریت".
هه‌روه‌ها به‌ریز سه‌ردار عبدولا ئه‌وه‌شی ووت"ئێمه به‌یانی داواکاری
ئه‌وه ده‌که‌ین که په‌رله‌مان داوا بکات له ته‌واوی فرۆکه‌خانه‌کان
که هیچ په‌نابه‌رێکی به‌زۆر نیراوه وه‌رنه‌گریته‌وه...لیجنه‌یه‌ک
پێک بهینریت له هه‌رسێ لیجنه‌ی مافی مرۆڤی و کۆچ وکۆچه‌ران،وپه‌یوه‌ندیه‌کانی
په‌رله‌مان وبه‌چاودیری فیدراسیۆن بۆ ئه‌وه‌ی به‌دوادا چوونبکات له‌گه‌ل
رێکخراوه جیهانیه‌کانی وه‌ک نه‌ته‌وه‌یه‌کگرتووه‌کانو په‌رله‌مانی ئه‌وروپا
و وولاته ئه‌وروپیه‌کان له‌پێناو چاره‌سه‌رکردنی کیشه‌کانی په‌نابه‌ران".
ده‌شتی جه‌مال سکرتیری فیدراسیۆن ووتی"په‌نابه‌ران نمونه‌ی ئه‌و هه‌ولانه‌ی
وه‌ک به‌ریز سه‌ردار عبدولایان پێویسته که‌له‌پال داخوازیه‌کانیاندا
رابوه‌ستیت...ئێمه چاوه‌روانیمان هه‌یه له‌ته‌واوی په‌رله‌مانتاره‌کانی
عیراقی به‌ئاراسته‌ی پشتیوانی له‌داخوازیه ره‌واکانی په‌نابه‌راندا
ڕاوه‌ستن و بۆهه‌ڵوه‌شاندنه‌وه‌ی سیاسه‌تی هاوکاری کردنی ده‌وله‌تانی
ئه‌وروپایی بۆ ناردنه‌وه‌ی به‌زۆری په‌نابه‌ران بۆ عێراق که تا ئێستا
له‌لایه‌ن حکومه‌ته‌که‌ی نوری مالیکیه‌وه ده‌برێته پێشه‌وه".
فیدراسیۆنی په‌نابه‌رانی عێراقی به‌ته‌واوی توانایه‌وه تێده‌کۆشێت بۆ
ڕاوه‌ستان وهه‌لوه شانه‌وه‌ی بڕیاری به‌زۆر ناردنه‌وه‌ی په‌نابه‌ران...
فیدراسیۆنی سه‌راسه‌ری په‌نابه‌رانی عێراقی
___________________________________________
IFIR:PO.BOX1575، ILFORD، IG1 3BZ، LONDON
ifir@hotmail.co.uk
،00447856032991
www.federationifir.com
|
