|
بەرەنگاربوونەوەى
کێشە خێزانیەکان .
فه‌رهه‌نگ جه‌لال
هیچ خێزانێک بێ کێشە نییە ، زۆرەبەى کێشەکان لە ئەنجامى جیاوازى بیر و
ڕاو خوو ڕەوشتەکانەوە دروست دەبێت و دەتوانرێت بە گفتوگۆ لەگەڵ یەکتر
کۆتایى پێبێت ، بە مەرجێک ژن و مێرد بە سنگێکى لە خۆ بووردوانەوە باس
لە کێشەکان بکەن ، ئاکام یەکێک لە هاوسەرەکان لە ڕاستى و باشى بیرو ڕاى
بەرامبەرەکەى دڵنیا دەبێت ، بەم شێوەیە پێکدێن و بە ئاڕاستەى چارەسەردا
هەنگاو هەڵدەگرن .. زانایانى دەروونى و کۆمەڵایەتى لە مبارەیەوە
پێیانوایە کێشەکانى خێزان لە خۆوە دروست نابێت ، بەڵکو چەندین هۆکار
هەیە ، کە هەندێکیان ئەمانەن :
• درۆکردن لەگەڵ بەرامبەر ،
کەللەڕەقى و ڕقەبەرایەتى یەکتر .
• قسەى ناشرین و سووکایەتى
پێکردنى هاوسەر یان کەس و کارەکەى .
• هەست نەکردن بە لێپرسراوێتى
بەرامبەر بە ماڵ و هاوسەر .
توێژینەوەکان ئەوەیان دەرخستووە کەللەڕەقى هاوسەرەکان لەگەڵ یەکتر
هۆکارێکى سەرەکییە بۆ ڕوودانى چەندین حاڵەتى جیابوونەوە ، پێداگرتنى ژن
یان مێرد لەسەر هەڵوێستێکى دیاریکراو بە جۆرێک کە تەنیا قسە قسەى خۆ
بێت ، زۆر جار کێشەکان زیاتر قوڵدەکاتەوەو دەیگەیەنێتە دەرگایەکى
داخراو کە کەس نازانێت کلیلەکەى لاى کێیە ؟!
ڕەنگە پێشتر کێشەکە بە کەمێک سازشکردن و دەستهەڵگرتن لە ماف و
بیروڕایەکى دیاریکراو چارەسەر بکرایە ، سازشکردنى تۆ بۆ هاوسەرەکەت یان
سازشى ئەو بۆ تۆ هیچ نەنگییەکى تێدا نییە ، بەڵکو بەڵگگەیە بۆ گەورەیى
و خۆشەویستى و سۆزى بێپایان .
ئافرەت دەتوانێت وا لە هاوسەرەکەى بکات هەرچى بووێت بۆى بکات و لە زۆر
شتدا بە قسەى بکات بە شێوەیەکى نا ڕاستەوخۆ بە بێئەوەى پیاوەکە
هەستبکات لە ئاستى پیاوەتى کەمبوەتەوە . لەمەشدا دەتوانێت بیر لەو
کاتانە بکاتەوە کە پێش گواستنەوە چەند خۆشەویستى و ڕێز و دڵسۆزى لە
نێوانیان بەهێز بووە ، دەشێت هەمان هەست و مامەڵە بۆ پاش گواستنەوەش
بەردەوام بێت .
بڕیارى خێزان لە لاى کێ بێت ؟
تاکڕەوى لە بڕیارداندا بێئەوەى بەرامبەرى بەشدار بکات بە تایبەت لە
بەڕێوەبردنى کاروبارى خێزاندا ، دەبێتە هۆى دروست بوونى کێشە ، بە
تایبەت ئەگەر بزانرێت ئاکامى هەر بڕیارێک زیان و خۆشییەکانى کاریگەرى
لەسەر هەردوولا دادەنێت ، لە خۆشى و ناخۆشیدا هەردوولا بەشدار بن .
ئافرەت چۆن ڕووبەڕووى کێشە دەبێتەوە ؟
نۆرمان رایت کە پزیشکێکى دەروونییە لە مبارەوە چەندین هەنگاوى پێشنیاز
کردوە :-
• چاکەو خاڵە باشەکانى مێردەکەت
لە بیر نەچێت و لە بەر چاوى خۆتى گەورە بکە ، بەمەش زۆر لە هەستکردنى
توڕەى نیگەتیڤت بەرامبەرى هێور دەبێتەوە کە لە کاتى کێشەکاندا
بەرامبەرى پەیدا دەبێت .
• چاکە بەرامبەر هاوسەرەکەت بکە
و ڕێزى زۆرى لێبگرە چونکە سەرەنجام سوپاست دەکات و ئەوەى پێت خۆش بێت
بۆتى دەکات .
• ئەوەت لە یاد نەچێت چەند کات
بەسەر کێشەو ناکۆکیەکانتاندا بڕوات ئەوەندە زیاتر کێشەکان سەخت و قوڵتر
دەبێتەوە .
• بەدواى هەلێکدا بگەڕێ قسەر
لەسەر ئەو باس و کێشەیە بکرێت لە گەڵیدا ، هیچکات بێ ئومێد مەبە لەوەى
ڕاو بۆ چوون و قەناعەتى نەگۆڕدرێت .
سلێمانى
Farhang_jalal@hotmail.com
Farhang_jalal@yahoo.com
|
