د. خەیروڵا حەسەن (وەزیری بازرگانیی عێراق) کە گوایە یەکێکە لە نوێنەرانی کورد لە نێو حکومەتەکەی مالیکی لە بەغدا، لە لێدوانێکی سەبارەت بە راگرتنی بودجەی کوردستان لە لایەن مالیکییەوە گوتی: ''مالیکی گوشاری دەرکیشی لەسەرە''، کە لێیان پرسی کێن ئەو گوشارەیان خستۆتە سەری؟ ئەویش زۆر راشکاوانە وەک خەسڵەتی تێکڕای سیاستەبازە خۆ بە نوێنەرزانەکانی میللەت کە گوایە سیاسەت دەکەن و لە پێناو بەرژەوەندییە تەسکەکانی خۆیان هەر زانیارییەک دەشارنەوە کە پەیوەستە بە ژیان و گوزەرانی میللەت.. گوتی: ''من ناتوانم لە راگەیاندنەکان باسی بکەم''!!! جا ئەوە تەنیا وەزیرێکی کارتۆنییە و تەنیا ناوێکی بێ ناوەرۆکە - دەیەوێ بەو جۆرە نابەجێیە سادەترین زانیاریی کە هەر کەسێک دەیزانێ بکاتە نهێنیی و لە میللەتەکەی خۆی بشارێتەوە، ئەدی دەبێ سیاسەتبازەکانی دیکە کە کاریگەریی بەهێزیان لەسەر رەوشی سیاسیی کوردستان هەیە چ نهێنییەکیان لە ژێر سەردا بێ و چ فێل و تەلەکەبازییەک بەرانبەر بە خەڵک ئەنجام بدەن و چ بازرگانییەک بە چارەنووسی میللەتەوە بکەن لە بەغدا و چ جۆرە پەیوەندییەکی سیخوڕییان هەبێ لەگەڵ وڵاتانی دەرەوە!؟!؟!؟!؟