بۆ پشتگیریی لە بەرگریی قارەمانانەی شەرڤانانی یەپەگە و یەپەژە و گەنجانی کۆبانی چەند رۆژێکە بە تایبەتییش لە دوێنێوە کوردانی سەرتاسەری جیهان بە شێوازی جۆراوجۆر لە خۆپیشاندان و راپەڕین دان، هەر لە ئامەد و هەولێر و رۆژهەڵات و تێکڕای شارە کوردییەکانی باکوور و ئیستەنبۆڵ و ئەنقەرە و قوبرسەوە تا دەگاتە تێکڕای رەوەندی کوردی لە شارەکانی ئەڵمانیا و فەرەنسا و بەریتانیا و سوێد و رووسیا و هۆلەندا و نەمسا سویسرا و دانیمارک و... هتد هەموویان بە یەک دەنگ هێرشی داعشە تاریکپەرستەکان و هاوکارییەکانی حکومەتی تورکیای فاشیست و شۆڤێنیست بۆ ئەو چەتە تیرۆریستانە ریسوا و شەرمەزار دەکەن و داوا لە هێزە ئاشتییخوازەکانی جیهان دەکەن بە هانای کۆبانییەوە بچن. تا سەرلەسپێدەی ئەمڕۆش هەر پەیوەستبوون بە خۆپیشاندانەکان و رێکخستنی شەپۆڵی ناڕەزایەتییەکان لە سەرتاسەری جیهان فراوان فراوانتر دەبێتەوە.