عێراق دەوڵەتێکی داگیرکەرە و تا ئێستاش هەر بە پێی یاسایە رەگەزپەرستییەکانی پەرلەمانەکەی و جێبەجێکردنی لە لایەن حکومەتەکە دیکتاتۆرەکەی بەشێکی زۆری کوردستانی باشوور هەر بە داگیرکراویی ماوەتەوە و رەواییشی پێ دەدەن! بۆیە بەشدارییکردن لە پەرلەمانی عێراق لە لایەن هەر کەسێکی خەڵکی کوردستان:

- بەشدارییکردنە لە ناردنی کۆمەڵێک سیاسەتبازی نێو حیزبە بێ کەلکەکانی کوردستان بۆ بەغدا تا بەرژەوەندیی تەسکی حیزبەکانیان بپارێزن و خۆشیان لەسەر سامانی گەل ببنە مشەخۆر و گاڵتە بە چارەنووسی گەل و سەربەخۆیی کوردستانەوە بکەن.

- بەشدارییکردنە لە هێشتنەوەی ناوچە بەزۆر داگیراکراوەکانی کوردستان بە داگیرکراویی.

- بەشدارییکردنە لە دوورترخستنەوەی سەربەخۆیی کوردستان و بەهێزکردنی حکومەتی داگیرکەر و رەگەزپەرستی عێراق.

- بەشدارییکردنە لەوەی سامانی زۆروزەوەندی کوردستان بڕڕژێتە دەستی داگیرکەران و هێندەکی زۆر کەمی وەک خێر بە ناوی مووچە بدەنە خەڵكی کوردستان و هەر کاتێکیش لەگەڵ بنەماڵە سیاسەتبازە دەسەڵاتدارەکانی کوردستان بکەونە ناکۆکیی ئەوە بە ئاسانیی بیبڕن.

- بەشدارییکردنە لە درێژەدانی ئەو دەسەڵاتە گەندەڵ و دژەمرۆییەی حیزبەکانی کوردستان کە ئەوەی بۆیان گرنگ نییە میللەت و ماف و ئازادییەکانی میللەتە.

- بە کورتییەکەی بەشدارییکردن لەو هەڵبژاردنە لە لایەن هەر کەسێکەوە خۆ دۆڕاندن و ماف دۆڕاندن و ئازادیی دۆڕاندن و دۆڕاندنی نیشتیمان و دۆڕاندنی تێکڕای میللەتە.