بەدواى عەشقدا مەگەڕێ، عاشقانە بگەڕێ.

* * * * * * * *

بۆ دەسگیرانەکەت باسى عەشق مەکە، عاشقانە قسەى بۆ بکە.

* * * * * * * *

بۆ یارەکەت باسى گۆرانییە عەشقاوییەکان مەکە، عاشقانە گۆرانى بۆ بڵێ.

* * * * * * * *

لە عەشقدا، بە دواى موعجیزە و شعر و گۆرانى و فەلسەفە دا مەگەڕێ، بە دواى ئەقڵ و

ئەخلاق و ئەو شتانەش مەگەڕێ، تەنیا و تەنیا عاشقانە رێگەکان ببڕە.

* * * * * * * *

ئەگەر دەسگیرانە جوانەکەت شووى بە کەسێک کرد، دڵتەنگ مەبە، ئەگەر نا

عەشقەکەى لەدەست ئەدەیت و دڵتەنگییەکەت بۆ ئەمێنێتەوە.

* * * * * * * *

ئەگەر یارەکەت بە جێهێشتى نائومێد مەبە، ئەگەر نا تەنیا نائومێدیت بۆ ئەمێنێتەوە و

عەشق ون ئەکەیت.

* * * * * * * *

ئەگەر وەک هەولێرییەکان ئەڵێن "قلەکەت"، تۆى هەرزان فرۆشت و بە یەکێکى دیکەى

دایت، عەشق هەڕاج مەکە. ئەگەر نا خۆت ئەکڕییەوە و عەشق هەرزان ئەفرۆشیت.

* * * * * * * *

ئەگەر یارەکەت لە جێژوان دواکەوت، توڕەمەبە و جێژوانەکە بە جێمێڵە، ئەگەر نا

حێژوانەکە هەر ئەمێنێت و عەشق کۆچ ئەکات.

* * * * * * * *

ئەگەر بە یارەکەت گووت " کچێ لێگەڕێ با ماچت کەم" و ئەویش گووتى "نەیکەى

شەرم ئەکەم" پێى بڵێ : عەشق بۆ من و شەرمەکە بۆ تۆ و یەکسەر لێوانى بگرە!

* * * * * * * *

ئەگەر بە دەسگیرانەکەت گووت ئێوارێ لە باخچەکە چاوەڕێت ئەکەم، ئەگەر گووتى

نایەم، دایکم لێناگەڕێ، پێى بڵێ هەموو باخچەکان بۆ دایکت و من و تۆش بۆ یەک.

* * * * * * * *

ئەگەر نازدارەکەت پێى گووتى: کوڕە تیم دایکت گووتوویەتى من جوان نیم ، تۆ پێى

بڵێ: با هەموو جوانییەکان بۆ دایکم بن و تۆش بۆ من     !

* * * * * * * *

ئەگەر حەیرانەکەت پێى گووتى: نەیێتە خوازبێنیم شوو بە ئامۆزاکەم ئەکەم!، پێى بڵێ

ژنایەتیت بۆ ئامۆزاکەت و عەشقت بۆ من!

* * * * * * * *

ئەگەر بە شیرینەکەى خۆتت وت، ئەمشەو دێمە ماڵتان و لە فرسەتێکدا ماچت ئەکەم،

ئەگەر گووتى نەکەى هەتیم براکەم ئەمانکوژێ، "براکەت بۆ کوشتن و ئێمەش بۆ عەشق."

* * * * * * * *

عەشق سەفەر ناکات، بەڵام پڕە لەسەفەر.

* * * * * * * *

عەشق دەریا نیە، بەڵام پڕە لە شەپۆڵ.

* * * * * * * *

عەشق پیرۆز نیە، بەڵام پڕە لە خودا.

* * * * * * * *

عەشق شار نیە، بەڵام پڕە لە رێگا.

* * * * * * * *

عەشق چیا نیە، بەڵام پڕە لە بەرزایى.

* * * * * * * *

عەشق باخچە نیە، بەڵام پڕە لە رەنگ و بۆن.

* * * * * * * *

عەشق سۆزانحانە نیە، بەڵام پڕە لە ماچ و ئاه و تێکەڵاوبوون.

* * * * * * * *

عەشق ماڵ نیە، بەڵام پڕە لە دەرگا.

* * * * * * * *

عەشق ئاسمان نیە، بەڵام پڕە لە باران.

* * * * * * * *

عەشق باران نیە، بەڵام پڕە لە تەڕایى.

* * * * * * * *

عەشق هەور نیە، بەڵام هەمیشە ئاوسە.

* * * * * * * *

عەشق فەلسەفە نیە، بەڵام تژى پرسیارە.

* * * * * * * *

عەشق جەنگ نیە ، بەڵام پڕە لە شەڕ.

* * * * * * * *

عەشق سیدى نیە، بەڵام پڕە لە گۆرانى.

* * * * * * * *

عەشق وێستگە نیە، بەڵام پڕە لە رێبوار.

* * * * * * * *

عەشق ساڵ نیە، بەڵام پڕە لە وەرز.

* * * * * * * *

عەشق کات نیە، بەڵام پڕە لە شەو و رۆژ.

* * * * * * * *

عەشق دنیا نیە، بەڵام پڕە لە ژیان.

* * * * * * * *

عەشق کتێب نیە، بەڵام پڕە لە شعر.

* * * * * * * *

عەشق شعر نیە، بەڵام پڕە لە وێنە.

* * * * * * * *

عەشق موعجیزە نیە، بەڵام پڕە لە ئەفسانە.

* * * * * * * *

عەشق ئەفسانە نیە، بەڵام پڕە لە خەیاڵ.

* * * * * * * *

عەشق خەیاڵ نیە، بەڵام پڕە لە بڕوا.

* * * * * * * *

عەشق بڕوا نیە، بەڵام پڕە لە وەڵام.

* * * * * * * *

عەشق وەڵام نیە، بەڵام پڕە لە راستى.

* * * * * * * *

عەشق راستى نیە، بەڵام پڕە لە ئازادى.

* * * * * * * *

عەشق ئازادى نیە، بەڵام هەقیقەتە.

* * * * * * * *

عەشق هەقیقەت نیە، بەڵام پڕە لە ئیمان.

* * * * * * * *

عەشق ئیمان نیە، بەڵام خواوەندییەتى تێدایە.

* * * * * * * *

عەشق خواوەندییەتى نیە، بەڵام پڕە لە پەیام.

* * * * * * * *

عەشق پەیام نیە، بەڵام پڕە لە مرۆڤایەتى.

* * * * * * * *

عەشق مرۆڤایەتى نیە، بەڵام پڕە لە ماف.

* * * * * * * *

عەشق ماف نیە، بەڵام پڕە لە دەستوور.

* * * * * * * *

عەشق دەستوور نیە، بەڵام پڕە لە هەنگاو.

* * * * * * * *

عەشق هەنگاو نیە، بەڵام پڕە لە دروشم.

* * * * * * * *

عەشق دروشم نیە، بەڵام پڕە لە جەنگاوەر.

* * * * * * * *

عاشق جەنگاوەر نیە، بەڵام پڕە لە شادى.

* * * * * * * *

عەشق شادى نیە، بەڵام پڕە لە چێژ.

* * * * * * * *

عەشق چێژ نیە، بەڵام پڕە لە خۆشى.

* * * * * * * *

عەشق خۆشى نیە، بەڵام پڕە لە بەختەوەرى.

* * * * * * * *

عەشق بەختەوەرى نیە، بەڵام پڕە لە مەستبوون.

* * * * * * * *

عەشق مەستبوون نیە، بەڵام پڕە لە تلیاک.

* * * * * * * *

عەشق تلیاک نیە، بەڵام پڕە لە بێهۆشى.

* * * * * * * *

عەشق بێهۆشى نیە، بەڵام پڕە لە بزربوون.

* * * * * * * *

عەشق بزربوون نیە، بەڵام پڕە لە ونبوون.

* * * * * * * *

عەشق ونبوون نیە، بەڵام پڕە لە گەڕان.

* * * * * * * *

عەشق گەڕان نیە، بەڵام پڕە لە دۆزینەوە.

* * * * * * * *

عەشق دۆزینەوە نیە، بەڵام پڕە لە خەون.

* * * * * * * *

عەشق خەون نیە، بەڵام پڕە لە فڕین.

* * * * * * * *

عەشق فڕین نیە،بەڵام پڕە لە ئاسمان.

* * * * * * * *

عەشق ئاسمان نیە، بەڵام پڕە لە شینایى.

* * * * * * * *

عەشق شینایى نیە، بەڵام پڕە لە جوانى.

* * * * * * * *

عەشق جوانى نیە، بەڵام پڕە لە سەرسامى.

* * * * * * * *

عەشق سەرسامى نیە، بەڵام پڕە لە بروسکە.

* * * * * * * *

عەشق بروسکە نیە، بەڵام پڕە لە رووناکى.

* * * * * * * *

عەشق رووناکى نیە، بەڵام پڕە لە گەشانەوە.

* * * * * * * *

عەشق گەشانەوە نیە، بەڵام پڕە لە پڕشنگ.

* * * * * * * *

عەشق پرشِنگ نیە، بەڵام پڕە لە کازێوە.

* * * * * * * *

عەشق کازێوە نیە، بەڵام پڕە لە سپێدە.

* * * * * * * *

عەشق سپێدە نیە، بەڵام پڕە لە سەحەر.

* * * * * * * *

عەشق سەحەر نیە، بەڵام پڕە لە سروە.

* * * * * * * *

عەشق سروە نیە، بەڵام پڕە لە فێنکایى.

* * * * * * * *

عەشق فێنکایى نیە، بەڵام پڕە لە ئاسوودەیى.

* * * * * * * *

عەشق ئاسوودەیى نیە، بەڵام پڕە لە شادمانى.

* * * * * * * *

عەشق شادمانى نیە، بەڵام پڕە لە پێکەنین.

* * * * * * * *

عەشق پێکەنین نیە، بەڵام پڕە لە درۆ.

* * * * * * * *

عەشق درۆ نیە، بەڵام پڕە لە فرتوفێڵ.

* * * * * * * *

عەشق فرتوفێڵ نیە، بەڵام پڕە لە سوێندخواردن.

* * * * * * * *

عەشق سوێندخواردن نیە، بەڵام پڕە لە پەیمان.

* * * * * * * *

عەشق پەیمان نیە، بەڵام پڕە لە نوێژ.

* * * * * * * *

عەشق نوێژ نیە، بەڵام پڕە لە پاڕانەوە.

* * * * * * * *

عەشق پاڕانەوە نیە، بەڵام پڕە لە خۆزگە.

* * * * * * * *

عەشق خۆزگە نیە، بەڵام پڕە لە ویستن.

* * * * * * * *

عەشق ویستن نیە، بەڵام پڕە لە هێز.

* * * * * * * *

عەشق هێز نیە، بەڵام پڕە لە تەماهى.

* * * * * * * *

عەشق تەماهى نیە، بەڵام پڕە لە داگیرکردن.

* * * * * * * *

عەشق داگیرکردن نیە، بەڵام پڕە لە هێڕش.

* * * * * * * *

عەشق هێڕش نیە، بەڵام پڕە لە پلان.

* * * * * * * *

عەشق پلان نیە، بەڵام پڕە لە سیاسەت.

* * * * * * * *

عەشق سیاسەت نیە، بەڵام پڕە لە هونەر.

* * * * * * * *

عەشق هونەر نیە، بەڵام پڕە لە تێنەگەیشتن.

* * * * * * * *

عەشق تێنەگەیشتن نیە، بەڵام پڕە لە لێکدانەوە.

* * * * * * * *

عەشق لێکدانەوە نیە، بەڵام پڕە لە بۆسە.

* * * * * * * *

عەشق بۆسە نیە، بەڵام پڕە لە نزا.

* * * * * * * *

عەشق نزا نیە، بەڵام پڕە لە خەڵوەت.

* * * * * * * *

عەشق خەڵوەت نیە، بەڵام پڕە لە زیکر.

* * * * * * * *

عەشق زیکر نیە، بەڵام پڕە لە هاوار.

* * * * * * * *

عەشق هاوار نیە، بەڵام پڕە لە فریا.

* * * * * * * *

عەشق فریا نیە، بەڵام پڕە لە حاڵگرتن.

* * * * * * * *

عەشق حاڵگرتن نیە، بەڵام پڕە لە شکۆداریى.

* * * * * * * *

عەشق شکۆداریى نیە، بەڵام پڕە لە سەرفەرازى.

* * * * * * * *

عەشق سەرفەرازى نیە، بەڵام پڕە لە شانازى.

* * * * * * * *

عەشق شانازى نیە، بەڵام پڕە لە گەورەیى.

* * * * * * * *

عەشق گەورەیى نیە، بەڵام پڕە لە وزە.

* * * * * * * *

عەشق وزە نیە، بەڵام پڕە لە رۆح.

* * * * * * * *

عەشق رۆح نیە، بەڵام پڕە لە سەرمایە.

* * * * * * * *

عەشق سەرمایە نیە، بەڵام پڕە لە دەوڵەمەندى.

* * * * * * * *

عەشق دەوڵەمەندى نیە، بەڵام پڕە لە گەنجینە.

* * * * * * * *

عەشق گەنجینە نیە، بەڵام پڕە لە زێڕ.

* * * * * * * *

عەشق زێڕ نیە، بەڵام پڕە لە بریسکانەوە.

* * * * * * * *

عەشق بریسکانەوە نیە، بەڵام پڕە لە رۆشنایى.

* * * * * * * *

عەشق رۆشنایى نیە، بەڵام پڕە لە نیگا.

* * * * * * * *

عەشق نیگا نیە، بەڵام پڕە لە سحر.

* * * * * * * *

عەشق سحر نیە، بەڵام پڕە لە ئەفسوون.

* * * * * * * *

عەشق ئەفسوون نیە، بەڵام پڕە لە جادوو.

* * * * * * * *

عەشق جادوو نیە، بەڵام پڕە لە کاریگەرى.

* * * * * * * *

عەشق کاریگەرى نیە، بەڵام پڕە لە هێز.

* * * * * * * *

عەشق هێز نیە، بەڵام پڕە لە بزاف.

* * * * * * * *

عەشق بزاف نیە، بەڵام پڕە لە جوڵە.

* * * * * * * *

عەشق جولە نیە، بەڵام پڕە لە نەوەستان.

* * * * * * * *

عەشق نەوەستان نیە، بەڵام پڕە لە چاوەڕێ بوون.

* * * * * * * *

عەشق چاوەڕێ بوون نیە، بەڵام پڕە لە وێستگە.

* * * * * * * *

عەشق وێستگە نیە، بەڵام پڕە لە سەفەر.

* * * * * * * *

عەشق سەفەر نیە، بەڵام پڕە لە گەڕان .

* * * * * * * *

عەشق گەڕان نیە، بەڵام پڕە لە نوێبوونەوە.

* * * * * * * *

عەشق نوێبوونەوە نیە، بەڵام پڕە لە تازەیى.

* * * * * * * *

عەشق تازەیى نیە، بەڵام کۆن نابێت.

* * * * * * * *

عەشق کۆن نابێت نیە، بەڵام پڕە لە لەیادچوونەوە.

* * * * * * * *

عەشق لە یادچوونەوە نیە، بەڵام پڕە لە لێبووردن.

* * * * * * * *

عەشق لێبووردن نیە، بەڵام پڕە لە میهرەبانى.

* * * * * * * *

عەشق میهرەبانى نیە، بەڵام پڕە لە بەخشندەیى.

* * * * * * * *

عەشق بەخشندەیى نیە، بەڵام پڕە لە سۆز.

* * * * * * * *

عەشق سۆز نیە، بەڵام پڕە لە حەز.

* * * * * * * *

عەشق حەز نیە، بەڵام پڕە لە کودەتا.

* * * * * * * *

عەشق کودەتا نیە، بەڵام پڕە لە عەرش.

* * * * * * * *

عەشق عەرش نیە، بەڵام پڕە لە دەسەڵات.

* * * * * * * *

عەشق دەسەڵات نیە، بەڵام پڕە لە وڵات.

* * * * * * * *

عەشق وڵات نیە، بەڵام پڕە لە شۆڕش.

* * * * * * * *

عەشق شۆڕش نیە، بەڵام پڕە لە شەهید.

* * * * * * * *

عەشق شەهید نیە، بەڵام پڕە لەمردن.

* * * * * * * *

عەشق مردن نیە. بەڵام پڕە لە فەنابوون.

* * * * * * * *

عەشق فەنابوون نیە، بەڵام پڕە لە هەنیسک

* * * * * * * *

عەشق هەنیسک نیە، بەڵام پڕە لە هەناسە

* * * * * * * *

عەشق هەناسە نیە، بەڵام پڕە لە هەڵمژین.

* * * * * * * *

عەشق هەڵمژین نیە، بەڵام پڕە لە ئاوێتەبوون.

* * * * * * * *

عەشق ئاوێتەبوونە، ئاوێتە بوون، ئاوێتە بوون.

* * * * * * * *