''به‌دره‌فتاری سێکسیی له‌ چوارچێه‌وی خێزاندا''

ناونیشانی کۆڕێکه‌ بۆ بێریڤان جه‌مال حه‌مه‌سه‌عید له‌ هۆله‌ندا.

یانەى کوردى "میدیا "  لە رۆتردام  و یەکێتیى ژنانى کوردستان لە هۆڵەندا کۆڕێک بۆ راوێژکار بێریڤان جه‌مال حه‌مه‌ سه‌عید لە رۆژى یەک شەممە 08 / 02 / 2009  سازدەکەن .کۆڕەکە لە ژێر ناونیشانی ( به‌دره‌فتاری سێکسی له‌ چوارچێوه‌ی خێزاندا).

خۆشحاڵین بانگهێشتنتان بکەین بۆ ئەو ئێوارە کۆڕەمان ، بابەتی کۆڕەکە کێشەیەکی کۆمەڵایەتی لەخۆگرتووە کە لە ناو کۆمەڵگای کوردیدا چ لە دەرەوە و چ لە ناوەوەی کوردستان رەنگدانەوە و لێکەوتەی ترسناکی هەیە..

بێریڤان جه‌مال بابەتەکە زانستیانه‌ و به‌ پێی ئازموونی کارکردنی  ... کۆڕێکی زانیاری به‌خش پێشکه‌ش ده‌کات.

چاوەڕێی ئامادەبوونتان دەکەین ، هەروەها چاوەڕێی بەشداریتان دەکەین بە وتووێژ و راگۆڕینەوە..

هیوادارین بابەتی کۆڕەکە بەسوود بگەڕێتەوە بۆ هەموو لایەک..

ئامادەبوونتان سیمینارەکە دەوڵەمەند دەکات..

کات و شوێن:

کات: ده‌مژمێر 13:00، رۆژی یەکشەممە 08 / 02 / 2009

شوێن: هۆڵى یانەى کوردى میدیا لە رۆتردام

‘s – Gravendijkwal 28             

3014  EC  Rotterdam             

بۆ گەیشتن بە شوێنى مەبەست لە سەنتراڵ ستاشیۆنى رۆتردامەوە بە ترامى ژمارە 21 و 23  بە ئاڕاستەى A سخیدام و لە دووەمین وێستگە ((Tiendplein  دادەبەزی و لەوێشەوە پێنج خولەک بە پا دەڕۆیت.

یەكێتی ژنانى کوردستان لە هۆلەندا

___________________________________________________________________

K.V.K : 24403695                                                                   Girorek.: 2744511

Adres: ‘s – Gravendijkwal 28                                   3014 EC  Rotterdam – Holland

------------------------------------------------------------------------------------------------------------------

کۆتایی ڤیستیڤاڵی که‌لتووری کوردستان له‌مانچسته‌ر - به‌ریتانیا.
 

بنکه‌ی هونه‌ر و که‌لتووری کوردی له ‌مانچیسته‌ر سه‌ر له‌ئێواره‌ی دوێنێ ٣١\١\٢٠٠٩ کۆتایی به ‌ڤیستیڤاڵی که‌لتووری کوردستان هێنا که ‌کۆمه‌ڵێک به‌رهه‌م و چاڵاکیی وه‌ک مۆسیقا و هه‌ڵپه‌ڕکێ ی کوردی و پێشانگای شێوه‌کاریی و کۆڕی شیعریی و نمایشی فلیم و وۆرک شۆپی گرتبووه‌خۆ و خواردنی کوردیش پێشکه‌ش به‌ ئاماده‌بووان کرا، ئه‌وه‌ی جێگای باسه ‌که‌ ڕۆژی یه‌که‌م پێشانگایه‌کی شێوه‌کاریی بۆ هونه‌رمه‌ندان ( سامی، ئامانج کامڵ، سه‌ردار عه‌بدوڵا‌، شۆڕش ساڵح، چنار بوڕهان، مه‌ریوان مه‌خمووری، ئاری ئه‌حمه‌د، عوسمان ئه‌حمه‌د) ساز درا‌.

ڕۆژی دووه‌م له‌ بڕگه‌ی یه‌که‌مدا: سێ کورته‌ فیلمی کوردی: (پۆستاڵ - کاری فیلمساز تابان یاسین ، دڵشاد - کاری فیلمساز ئاکۆ سریانی ، فیلمی کارتۆنیی - کاری هه‌شت مناڵی کورد به‌سه‌رپه‌شتیی ئامانج کامڵ) پیشاندران، له‌ بڕگه‌ی دووه‌میشدا: به‌ هاوکاریی مۆسیقاژه‌نینی که‌مانچه‌ژه‌ن (ئازاد ساڵح) کۆڕێکی شیعریی بۆ شاعیران ( ساجیده‌ فه‌یلی، شۆڕش حه‌مه‌‌ساڵح، گه‌شبیر ئه‌حمه‌د، شۆڕش له‌تیف)ساز درا.

ڕۆژی سێیه‌م دوو فیلمی کوردی له‌ کاره‌کانی فیلمساز (هیشام زه‌مان) پیشاندران - پاشان تیپی مۆسیقای کازیا ( به‌ سه‌رپه‌رشتیی سامان هیرانی)دووپارچه‌ ئاوازی ( ئاکۆ سریانی) و سێ پارچه‌ ئاوازی (سۆران هیرانی) ژه‌نی، ئیدی گۆرانیبێژ (یاسین هه‌ولێری) به‌ چه‌پکێک گۆرانی شایی ئاهه‌نگه‌که‌ی پڕ له‌ جۆشوخرۆش کرد.

شایانی باسه‌ (ته‌زره‌ عه‌زیز سه‌عید)یش به‌ شێوه‌یه‌کی رێکوپێک و هونه‌رییانه‌ به‌رنامه‌کانی ڤیستیڤاڵه‌که‌ی پێشکه‌شکرد.

زانا کوردستانی
toecd@yahoo.com
 

------------------------------------------------------------------------------------------------------------------

نا بۆ گاڵته‌جاری هه‌ڵبژاردن

(نا)یه‌که بۆ ئاواره‌یی و ده‌ربه‌ده‌ری.

ئه‌لقه‌یه‌کی تر له‌ زنجیره‌کانی پرۆسه‌ی سیاسی له‌عیراقدا، خه‌ریکه‌ ده‌کریته‌ گه‌ردنی خه‌ڵک. هه‌ژاری مه‌تله‌ق، نائارامی و کوشتار، نه‌بوونی لانی که‌می خزمه‌تگوزارییه‌کان، شه‌ر له‌سه‌ر ده‌سه‌لات و سه‌رمایه‌. کۆمه‌ڵگای عیراقی کردووه‌ به‌ جه‌نگڵستان.

به‌شیکی یه‌کجار زۆر له‌و لایه‌ن و هیزه‌ سیاسیانه‌ی که‌ به‌شداری له‌ هه‌ڵبژاردنی ئه‌نجومه‌نی پارێزگاکاندا  ده‌که‌ن، خۆیان هۆکاری په‌ره‌پیدانی جه‌نگ و نائارامین و له‌ڕێگای سه‌رکوت وبه‌کرێگیراوییه‌وه‌ هاتوونه‌ته‌ نیو مه‌یدانی شێواوی سیاسه‌تی عیراقه‌وه‌.

شه‌ر له‌سه‌ر ده‌سه‌لات و سه‌رمایه‌، له‌سه‌ر به‌ش و کورسی ، نابیت به‌ شانۆگه‌ری هه‌ڵبژاردن، خه‌ڵک شه‌رعیه‌تی پێبدات. ئه‌و هیزانه‌ هیچ کامیان باوه‌ڕییان به‌خودی پرۆسه‌که‌ نیه‌ و ئاماده‌ن هه‌موو کارێک ئه‌نجامبده‌ن تا له‌ جێگه‌یه‌کی باڵاتر وفراوانتر جیگا بگرن. پێشتر کۆمه‌ڵگای عیراقیان خاپوورکرد وتاڵانیان کرد وهه‌زارانیان به‌کوشتدا، ئیستاش بۆ که‌مپینی هه‌ڵبژاردن ، هه‌مان سیناریۆ دووباره‌ ده‌که‌نه‌وه‌. سامانی خه‌ڵک سه‌رفی قاره‌مانه‌تی خۆیان ده‌که‌ن، که‌مپینی نه‌فره‌ت له‌یه‌کتر وهه‌ڕه‌شه‌ی پاکتاوکردنی یه‌کتر ده‌که‌ن. ده‌سه‌ڵاتی سوپاو ده‌زگاکانی سه‌رکوت له‌ته‌نیشت خۆیانه‌وه‌ داده‌نینن. سفره‌ ئه‌م هه‌ڵبژاردنه‌و فورسه‌تی هه‌لسوڕانی ئاشکرای به‌ره‌ی مه‌ده‌نیه‌ت وڕزگاریخوازی و نوێنه‌رانی به‌رژه‌وه‌ندییه‌کانی خه‌ڵکیه‌کجار به‌رته‌سکه‌.

ئیوه‌ وه‌ک دیلکراون به‌ده‌ستی خۆتان ئه‌ڵقه‌یه‌کی تر مه‌که‌نه‌ مه‌چه‌کتانه‌وه‌. ده‌نگ مه‌ده‌ن و ره‌دی ئه‌م پرۆسه‌یه‌ بکه‌نه‌وه‌. خۆتان به‌داواکاری باشترکردنی ژیان وکری و ته‌ندروستی و ئازادی سیاسیه‌وه‌، ده‌نگیان پێمه‌ده‌ن له‌ په‌نجه‌ مۆری ئیوه‌ که‌ڵک وه‌رده‌گرن  تا شه‌رعيت بده‌ن به‌ ناردنه‌وه‌ی به‌زۆری په‌نابه‌ران و بلێن عیراق ئامن و دیموکراسییه‌.

ده‌نگیان پیمه‌ده‌ن  تا ده‌ستی وولاته‌ ئه‌وروپاییه‌کان  بؤ ناردنةوةی په‌نابه‌ران درێژتر نه‌بیت  .. . سیاسه‌تی دژی په‌نابه‌ری ده‌وله‌تانی ئه‌وروپایی  به‌سه‌ر که‌س و کارو نه‌وه‌کانتدا  دامه‌سه‌پینن.  په‌رچه‌می داواکارییه‌کانتان به‌رزتر بکه‌نه‌وه‌. گه‌نده‌ل به‌تاوانبارو جه‌لاد به‌دیکتاتۆرو شیخ به‌ مه‌لا مه‌گۆڕنه‌وه‌ . ئه‌م دیموکراتیه‌ته‌  جگه‌ له‌ ئاواره‌یی و ده‌ربه‌ده‌ری زیاتر هیچی تری لێ سه‌وز نابیت.

سکرتاریه‌تی سه‌راسه‌ری فیدراسیۆنی په‌نابه‌رانی عیراقی

27.01.2009

____________________________________________________________________

 IFIR:PO.BOX1575, ILFORD, IG1 3BZ, LONDON UK:CONTACT Dashty Jamal,  d.jamal@ntlworld.com, Mobile:00447856032991 ,Aso Goran: asobalabarz116@hotmail.com, Jamal-hasan@hotmail.com    ...0041787557786 ifiraqirefugees@googlemail.com

www-federationifir.com         www.csdiraq.com

------------------------------------------------------------------------------------------------------------------

کۆنفرانسی زانستی ته‌ندروستی له شاری لینشۆپینگ له‌ سوید.

له ژێر دروشمی (با تواناکانمان بخه‌ینه‌کار بۆ ته‌ندروستیه‌کی باشتر) سه ند یکا ی کارمه ندانی ته ندروستی کورد له ئه‌وروپا به هاوکاری کۆمیته‌ی هاوکاری کۆمه ڵه کوردییه‌کان وهێزه سیاسیه‌کان له شاری لینشۆپینگ له‌سوید هه‌ڵده‌ستێ به‌به‌ستنی کۆنفرانسێکی ته‌ندروستی له‌به‌رواری‌‌-2-7 ، کاتژمێر (12-17).

به به‌ژداری چه‌ند پسپۆڕێکی بواری ته‌ندروستی، ئه‌وانیش:

1- ئازاد ڕه‌وف
2- عه‌بدوڵا تۆفیق
3- نیاز جوجه
4 -په‌رێز عه‌بدولستار
5. هه‌ڵمه‌ت ئه‌مین

له‌گه‌ڵ چه‌ندچاوپێکه‌وتنێکدا له‌گه‌ڵ چه‌ند که‌سایه‌تیه‌کی تر.
هه‌ر بۆیه ‌به‌ناوی سه‌ندیکاو سه‌رجه‌م ئه‌و ڕێکخراوانه‌وه‌داوا له‌سه‌رجه‌م کارمه‌ندانی ته‌ندروستی کورد له‌ئه‌وروپا به‌تایبه‌تی وه‌هه‌مو لایه‌ک به‌گشتی ده‌که‌ین که‌ئه‌م ڕۆژه ‌به‌رز ڕابگرن و به‌ژداریمان له‌گه‌ڵدا بکه‌ن.

هاتن بۆ هه‌موانه.

بۆ زیاتر زانیاری سه‌باره‌ت به‌کۆنفرانسه‌که ده‌توانن په‌یوه‌ندی بکه‌ن به‌م دوو ژماره‌یه‌ی خواره‌وه‌
0046762320400 ، 0046707365885
abdullahtawfik@hotmail.com ، niazjuja@hotmail.com

Sweden
Linkِping
Rydskolan
2009-02-07 کاتژمێر 12-17

سه‌ند‌یکای کارمه‌ندانی ته‌ندروستی کورد له ئه‌وروپا به هاوکاری کۆمیته‌ی هاوکاری کۆمه‌له کوردییه‌کان و هێزه سیاسیه‌کان له شاری لینشۆپینگ.

------------------------------------------------------------------------------------------------------------------

به‌یاننامه‌ی كۆتایی كۆبۆنه‌وەی ساڵانه‌ی ناوەندی چاك.

(پلینۆمی شه‌هید سۆرانی مامه‌ حه‌مه‌)

له‌ ژێر ناوی (پلنیۆمی ڕۆژنامه‌نووس و شه‌هیدی ناوه‌ندی چاک سۆران مامه‌حه‌مه) و دروشمی [به‌ره‌و دانپانانی نێونه‌ته‌وه‌یی به‌ ژینۆسایدی گه‌لی کورددا]، ناوەندی چاک کۆبۆنه‌وەی ساڵانه‌ی خۆی به‌ ئاماده‌بوونی ژماره‌یه‌کی زۆری میوان له‌ شاری (ئاڕنھێم) له‌ ھۆڵه‌ندا سازکرد، که‌ ماوەی دوو ڕۆژی 24 و 25 مانگی جانیوەری خایاند.
ئه‌ندامانی ناوەندی چاک له‌ دوو ڕۆژی پلێنۆمه‌که‌دا و ڕۆژانی گه‌یشتنیان و گه‌ڕانه‌وەیان، میوانی که‌سانی دڵسۆز و نیشتمانپه‌روه‌ر و به‌ئه‌مه‌کی کوردانی نیشته‌جێی ھۆڵندا بوون و ھەموو پێویستییه‌کانی حه‌وانه‌وە و خواردن و جێگای کۆبۆنه‌وەیان به‌ بێ به‌رامبه‌ر بۆ دابینکردبوون. ئه‌و کارەی دڵسۆزانی گه‌له‌که‌مان وزه‌ و هێزێکی بێوێنه‌ی به‌ ئه‌ندامانی پلینۆمی ناوەندی چاک به‌خشی، بۆ ئه‌وه‌ی کاروانی خه‌باته‌که‌یان به‌ ھاوکاری جه‌ماوەری کوردستان به‌ره‌وپێش ببات.
له‌ پلینۆمه‌که‌دا نوێنه‌رانی ناوەندی چاک له‌ سه‌رجه‌م کۆمیته‌کانی وڵاتانی ئه‌وروپاوه‌ به‌شدارییان کرد، نوێنه‌رانی ئه‌مریکا و که‌نه‌دا و ڕۆژھەلات و باشووری کوردستانیش به‌ ڕێگای ئینته‌رنێته‌وه‌ به‌شداربوون. ھەر چه‌ندە کۆبۆنه‌وه‌که‌ پلینۆمی ساڵانه‌ بوو وه‌ ئاستی کۆنگرەی نییه‌، به‌ڵام ژمارەیه‌کی زۆر له‌ ڕۆشه‌نبیران، نووسه‌ران، سیاسه‌تمه‌داران و دڵسۆزانی گه‌له‌که‌مان له‌ هۆڵه‌ندا و وەڵاتانی تر له‌ پلینۆمه‌که‌دا به‌شداربوون و وتاریان خوێنده‌وه‌، ھەروەھا که‌ناڵه‌کانی ڕۆژ تیڤی و فه‌یحا تیڤی عه‌رەبی ئامادەبوون.
پلینۆم به‌ مارشی ئه‌ی ڕەقیب و خوله‌کێک وەستان و ڕێزلێنان له‌ گیانی پاکی شه‌ھیدان و قوربانیانی گه‌له‌که‌مان، دەستیپێکرد پاشان نوێنه‌ری کۆمیته‌ی ھۆڵه‌ندا کاک مزه‌فه‌ر عه‌ودل به‌خێرھاتنی میوانان و به‌شداربووانی کرد و وتاری خۆیانی خوێندەوە. ئه‌وجا ئه‌رکی به‌ڕێوه‌بردنی پلینۆم به‌ ده‌سته‌ی ئامادەکار سپێردرا.
سه‌ره‌تا که‌سایه‌تی ڕۆژ هه‌ڵاتی کوردستان یاساناس و نووسه‌ر ماموستا گوران ئه‌یوبزاده به وتارێکی کورت له سه‌ر ژینۆسایدی کورد پلینۆمه‌که‌ی کرده‌وه‌ ، پاشان عه‌لی مه‌حمود ئه‌ندامی دەسته‌ی باڵا وتاری ده‌سته‌ی بالای خوێنده‌وه‌ که‌ تێیدا ئاوڕێکی خێرای له‌ زۆرێک له‌ کاروچالاکیه‌کانی ساڵی رابردوو دایه‌وه‌، دوتر هه‌ندێک له‌ میوانه‌کان وتاریان خوێنده‌وه‌و تێیدا ڕۆڵی چاکیان به‌رزنرخاند، پاشان ڕاپۆرتی به‌شه‌کانی (په‌یوه‌ندییه بیانییه‌‌کان له‌ لایه‌ن عه‌دنان کۆچه‌ر، ڕاگه‌یاندنی گشتی له‌ لایه‌ن هیوا ناسیح، ڕێکخستن له‌لایه‌ن ڕوناک ئه‌حمه‌د، په‌یوه‌ندییه‌ کوردستانییه‌کان له‌ لایه‌ن قادر نادر)ه‌وه‌ پێشکه‌ش کران . ھەروەھا ھیشام ئاکرەیی وتاری (ئه‌نجوومه‌نی چاک) ی خوێندەوە.
ھەڵسه‌نگاندنی کاری لیژنه‌کان و دەسته‌ی باڵا، کارگێر، ئه‌نجومه‌ن و کۆمیته‌کان بڕگه‌یه‌کی دیکه‌ی پلینۆم بوو، که‌ وێرای ئه‌ندامان میوانه‌کانیش به‌شداریان تێداکرد، دەرگای ڕەخنه‌و هه‌ڵسه‌نگاندن له‌ ئۆرگانه‌کانی ناوەندی چاک کرایه‌وە و به‌ شێوەیه‌کی ڕاسته‌وخۆ ڕەخنه‌ له‌ ھەموو ئۆڕگانه‌کانی ناوەندی چاک گیرا و له‌که‌ش و هه‌وایه‌کی ئازاد و دیموکراتیدا ڕەخنه‌ و پێشنیارەکان ئاراسته‌کران.
پاش پشوی نانخواردن و ڕۆیشتنی زۆربه‌ی میوانه‌کان، دواتر و وه‌ک دانرا بوو، بڕگه‌کانی تری به‌رنامه‌ی پلینۆمه‌که‌ به‌رده‌وام بوو، به‌گوێرەی ڕۆژەڤه‌که‌ دەست به‌ هه‌موارکردنی چه‌ند بڕگه‌یه‌ک کرا، که له‌ پرۆگرام و په‌یڕەوی ناوخۆی ناوەندی چاکدا هه‌ن و ئه‌ندامان پێیان باش بوو گۆڕانکاریان تێدا بکرێت .

له‌ کۆبۆنه‌وەکه‌دا چه‌ندین بڕیاری گرنک و چارەنووسساز دران له‌وانه‌:

1- له‌گه‌ڵ ڕێزی بێ پایانی ناوەندی چاک بۆ ئه‌و ناوەی، که‌ بۆ ماوەی 7 ساڵه‌ کار و چالاکی پێوە دەکات به‌ڵام بۆ ئه‌وەی ناوی ڕێکخراو سه‌رتاسه‌ری بێت و ھەموو پارچه‌کانی کوردستان بگرێته‌وە، ھەروەھا بۆ ئه‌وەی ڕێگا له‌ سه‌رلێشێواندنی گه‌له‌که‌مان بگیردرێت، به‌وه‌ی کۆتایی به‌ کێشه‌ی کارکردنی دەسته‌یه‌ک به‌ ھەمان ناوی رێکخراوەکه‌مان بهێنرێت و کاتی ئه‌ندامانیش به‌ شتی لابه‌لا و لاوەکی به‌فیڕۆ نه‌روات و ته‌نها بۆ چالاکی ته‌رخان بکریت، پلینۆم بڕیاریدا ناوی ناوەندی چاک بگۆڕێت له‌ (ناوەندی ھەڵه‌بجه‌ دژ به‌ ئه‌نفالکردن و ژینوسایدی گه‌لی کورد- چاک) بۆ ( چاودێری کوردۆساید- چاک). ھەروەھا ناوەندی چاک له‌ ڕووی یاساییه‌وە دەستبه‌رداری ناوی‌ (ناوەندی ھەڵه‌بجه‌ دژ به‌ ئه‌نفالکردن و ژینوسایدی گه‌لی کورد- چاک) نابێت و بۆ ماوەیه‌ک ئه‌و ناوە له‌گه‌ڵ ناوی تازە له‌ به‌یاننامه‌کان و مالپه‌ره‌که‌دا به‌کار دەھێنێت.
2- له‌کارخستنی ھەردوو مالپه‌ری (chak.be وchaknews.com ) و کردنه‌وەی مالپه‌ڕێکی تازە به‌ ناوێکی تر که‌ له‌ کاتی گونجاودا ڕادەگه‌یه‌نرێت.
3- ئه‌و ئه‌ندامانه‌ی به‌ ھەر ھۆیه‌که‌وه‌ له‌ ناوەندی چاک دوورکه‌وتونه‌ته‌وە، ئه‌گه‌ر بیانه‌وێت دەتوانن به‌ ڕێگای کۆمیته‌ی وڵاته‌کانیانه‌وە سه‌رله‌نوێ داوای ئه‌ندامه‌تی له‌ ناوەندی چاکدا بکه‌ن.
4- لابردنی دەسته‌ی باڵا و دابه‌شکردنی ئه‌رکه‌کانی له‌ دەسته‌ی کارگێردا و به‌م شێوەیه‌ ناوەندی چاک (چاودێری کوردۆساید) دەسته‌یه‌کی به‌ڕێوبه‌ری به‌رفراوانی دەبێت وکاره‌کان سه‌رله‌ نوی له‌نێوخۆیاندا دابه‌ش ده‌که‌ن و پتر به‌ شێوەی‌ (تیم) کار دەکه‌ن.
5- دەسته‌ی لێکۆڵینه‌وە و به‌دواداچوون به‌رفراوانتر کرا، ژمارەی له‌ 3 ئه‌ندامه‌وه‌ کرا به‌ 5 ئه‌ندام . یه‌کێک له‌و ئه‌ندامانه‌ له‌ باشوری کوردستان دەبێت.
6- له‌ دوای دابه‌شکردنی ئه‌رکه‌کان له‌ناو دەسته‌ی کارگێر و لیژنه‌ی به‌داواداچوون و لێکۆڵینه‌وەدا، دەبێ ئه‌و دابه‌شکردنه‌ له‌ لایه‌ن ئه‌نجوومه‌نی ناوەندی چاکه‌وە په‌سه‌ند بکرێت. ئه‌مه‌ش شێوەیه‌کی تازەی کارکردنی ڕێخراوەکانی کۆمه‌ڵگای مه‌ده‌نییه‌ و تاوەکو ئێستا به‌کار نه‌ھێنراوە.
7- به‌ ڕەسمیکردنی ھەموو په‌یوەندیه‌کانی ڕێکخراوەیی له‌گه‌ڵ دەزگا حکومی و حزبییه‌کان و ڕێخراوەکان.ناوەندی چاک سه‌ربه‌خۆیی و ناحزبیی بوونی خۆی بپارێزێت و به‌ پێی پره‌نسیپ و یاساکان و له‌ چوارچێوه‌ی په‌یماننامه‌ نێوده‌وڵه‌تییه‌کانی بواری مافی مرۆڤ و گه‌لکوژیدا به‌رگری له‌ کێشه‌ چارەنووسسازەکانی گه‌لی کورد بکات.
8- سه‌باره‌ت به‌ کێشه‌ و کوشتن و توندوتیژی دژ به‌ ژنان، بڕیار درا ناوەندی چاک له‌و بوارەدا چالاک بێت و له‌مه‌ودوا به‌رگری ته‌واو له‌ کێشه‌کانی ژنان بکات و خاوەن ھەڵوێست بێت.
9- قرکردنی کوردی ئێزدی و لوری (فه‌یلی)، دوو بواری ترن که‌ ناوەندی چاک بڕیارە پلانیان بۆ دابڕێژێت.

له‌به‌ر چه‌ند ھۆکارێک به‌داخه‌وه‌ پلینیۆم بواری نه‌بوو، که‌ باری ڕێکخراوەیی کۆمیته‌کانی‌ باشوری کوردستان ھەڵبسه‌نگێنێت له‌وانه‌:

1- نه‌بوونی توانا بۆدابینکردنی ڤیزە بۆ نوێنه‌رانی باشوور تا وەکوو به‌ شێوه‌یه‌کی ڕاسته‌وخۆ له‌ پلینۆمدا به‌شدار بن.
2- نه‌بوونی ھێڵی باشی ئینته‌رنێت له‌ باشوری کوردستان، که‌ ئه‌مه‌ش‌ گه‌وره‌ترین کێشه ‌بوو له‌ ڕۆژانی پلینۆمدا.
3- نه‌بوونی داراییه‌کی به‌ھێز.

ھەر بۆیه‌ بڕیار درا کۆبۆنه‌وه‌یه‌کی تایبه‌ت به‌ نوسینگه‌ی باشووری کوردستان به‌ ئامادەبوونی نوێنه‌رانی باشور ئه‌نجام بدریت، بۆ ئه‌وەی کارنامه‌ی ئامادەکراو بۆ باشوری کوردستان و شێوازی کار و چالاکیه‌کانیان ومیکانیزمی په‌یوه‌ندیان به‌ ئه‌وروپاوه‌ دەستنیشان بکرێت.
مه‌سه‌له‌ی نه‌بوونی دارایی خاڵیکی دیکه‌ بوو که‌ پلینۆم هه‌ڵوسته‌ی له‌سه‌ر کرد، هه‌مووله‌سه‌ر ئه‌وه‌ کۆک بوون، که‌ نه‌بوونی دارایی بۆ ڕاپه‌ڕاندنی کاره‌کان کێشه‌یه‌کی به‌رده‌وامی ناوه‌نده‌که‌یه‌، چونکه‌‌ جگه‌ له‌ ئابونه‌ی ئه‌ندامان و کۆمه‌کی دڵسۆزان هیچ سه‌رجاوه‌یه‌کی دیکه‌ی دارایمان نیه‌، زۆر جار ئه‌مه‌ش له‌ ئه‌نجامدانی چه‌ندین جالاکی ڕێگر بووه‌. هه‌ربۆیه‌ چه‌ندین پێشنیار بۆ دابینکردنی دارایی خرانه‌‌ ڕوو.
وێرای ئه‌م بابه‌تانه‌ چه‌ندین بڕیارو ڕاسپارده‌ وه‌رگیران و له‌ که‌شوهه‌وایه‌کی دڵسۆزانه‌ کارکردندا پلینۆم کۆتایی به‌کاره‌کانی خۆی هێنا.
جیگای ئاماژەپێکردنه‌، که‌ سه‌رجه‌م نوێنه‌ران له‌سه‌ر مه‌سره‌فی خۆیان ئامادەی پلینۆمه‌که‌ بوون.

ده‌سته‌ی به‌رێوه‌به‌ری پلینۆم

پلینۆمی  ناوه‌ندی چاک

 25.01.2009

چاودێری كوردۆساید - چاك

30.01.2009

------------------------------------------------------------------------------------------------------------------

شه‌وی هاوپشتیی له‌گه‌ڵ په‌نابه‌ران.
 

فیدراسیۆنی سەراسەری پەنابەرانی عێراقی هەڵدەستێت بە ئاهەنێگێکی هاوپشتی لەگەڵ پەنابەران
بەخێربێن بۆ شەو ئاهەنگی
هاوپشتی پەنابەران

لەم شەوەدا هونەرمەندی دەنگ خۆش و دەنگ ناسک" دەروون علی" بەدەنگە ئارام ورۆمانسیەکەی بەشداری دەکات.
لەم شەوەدا دەروون بەچەندین زمانی جۆراجۆر بەدەنگە بەسۆزەکەی لێوان لێومان دەکات بەعشق و ڤالەنتاین..
بفەرموون ئەم شەوە لەگەڵمان بن
هاتــن بۆ هەموانـــە

ڕۆژی شەمە 14-2-2009
کاتژمێر:6 ئێوارە تا 12 شەو
Weston Rise Community Centre
187 Pentonville Road
London WC1X 9ED
نزیکترین ئیستگای قیتار King’s Cross:‌

خواردن و خواردنەوە
دەفرۆشرێت بە نرخێکی گونجاو
نرخی بلیت:5 پاوەندە

بۆ زانیاری زیاتر پەیوەندی بکەن بە
ئاسۆ گۆران بە ژمارەی(07895636633) وە سەمیرە ئەحمەد بە ژمارەی(07877665397)
 

------------------------------------------------------------------------------------------------------------------

کۆرێك بۆ پرسی ژن لە دوو دیدی جیاوازەوه‌.

به‌رێزان ،

پاش سڵاو رێز.....

{پرسی ژن لە دوو دیدی جیاوازەوە لە ئێوارەکۆڕێکدا لە شاری دیڵفت لە هۆڵەندا}

بەمدواییە هەموارکردنی یاسای باری کەسێتی لەناو پەرلەمانی کوردستاندا مشتومڕێکی زۆری‌لێکەوتەوە، ناکۆکیەکیەکان لەنێوان دوو بەرەدا چڕبوبۆوە، هەڵگرانی بیری دینی و بیری عیلمانی..

لەدەرەوەی پەرلەمانیش ناڕەزاییەکی زۆری لەناو رێکخراوەکانی ژنان و ئافرەتان و هەروەها نوسەر و چالاکوانەکانی بواری مافەکانی ژنان و نوسەران نایەوە، بەتایبەت یاسای فرەژنی..

بۆ تاوتوێکردنی ئەو یاسایانە و چەند پرسێکی تری پەیەندیدار بە پرسی ژن و ئازادیەکانی و ماف و ئەرکەکانی لە ناو کۆمەڵگادا، لە چەند دید و گۆشەیەکی جیاوازەوە کۆمەڵەی کورد لە شاری دێڵفت لە هۆڵەندامیوانداری بەڕێز(عەبدول ستار مەجید )،کارگێڕی مەکتەبی سیاسی کۆمەڵی‌ئیسلامی‌کوردستان. لەگەڵ به‌رێز(سەردار عەبدولکەریم) نوسەر و لێکۆڵەرەوە دەکات، هەروەها بە ئامادەبوون و بەشداری چەند چالاکوانێکی بواری ماف و ئازادیەکانی ژن لە هۆڵەندا..

خۆشحاڵ دەبین بانگهێشتتان بکەین بۆ ئەم ئێوارەکۆڕە بە ئامادەبونتان کۆڕەکەمان دەوڵەمەندتر دەبێت، چاوەڕێ بەشداریتان دەکەین لە وتووێژەکاندا.

ئامانجی هه‌ڵبژاردنی بابه‌تی له‌م جۆره‌ چالاكییه‌، كه‌ ریزبه‌ندی كۆمه‌ڵێک چالاكی له‌و جۆره‌یه‌ كه‌ کۆمه‌له‌ی کورد له‌شاری دێلفت  سازی ده‌كات به‌گرنگ و هه‌ستیاری ده‌زانێت.

خۆشحاڵ ده‌بین به‌ئاماده‌بوونتان له‌كاتی دیار كراودا هاتن بۆ هه‌مووانه.

کات:  ده‌مژمێر:  30: 18 ی  ئێواره‌، رۆژی چوارشه‌مه‌ ، رێکه‌وتی  04- 02- 2009

شوێن: buurthuis De Vleugel

Aart van leeuwlaan 4     

2624 LD      Delft            

بۆ زانیاری زیاتر په یوه‌ندی بکه‌ن بم ژماره‌ ته‌لفونه‌وه.  ‌   0643251665      

کۆمه‌ڵه‌ی کورد له‌ دێڵفت

http://kvd-koerdische.piczo.com

     Email: k_v_delft@hotmail.com      

------------------------------------------------------------------------------------------------------------------

فیدراسیۆن له‌کۆبونه‌وه ‌و دیداری

له‌گه‌ڵ په‌نابه‌رانی سویسرا به‌رده‌وامه‌و درێژه‌ به‌ که‌مپینه‌که‌ی ده‌دا.

فیدراسیۆنی په‌نابه‌رانی عێراقی له‌سویسرا درێژه‌به‌که‌مپینی دیفاع له‌په‌نابه‌رانی عێراقی له‌سویسرا و ڕاگرتنی هێرشی ده‌وڵه‌تی سویسرا بۆ سه‌ر په‌نابه‌رانی  کوردی عێراق،ده‌دات. له‌ماوه‌ی ڕابردودا فیدراسیۆن کۆمه‌ڵێک چالاکی جۆراو جۆرو کاریگه‌ری به‌ڕێخستوه‌.فیدراسیۆن پێی وایه‌هێرشی توندی ده‌وڵه‌تانی ئه‌وروپا بۆ سه‌ر په‌نابه‌رانی کوردستانی عێراق، به‌رگری و هێزێکی فراوان و ڕێکخراوو به‌رده‌وام و خاوه‌ن نه‌خشه‌ی پێویسته‌، فیدراسیۆن بڕیاری داوه‌ئه‌م شه‌ڕه‌ی له‌گه‌ڵ سیاسه‌تی په‌نابه‌ری ووڵاتی سویسرا گه‌وره‌تر بکاته‌وه‌و له‌مه‌یداندا هه‌رچی زیاتر ڕاوه‌ستاوو ئاماده‌بێ .                                                                                            

بۆیه‌له‌هه‌وڵدایه‌بۆ کۆکردنه‌وه‌ی هه‌رچی زیاتر هێزو توانایی په‌نابه‌ران و ڕێکخستنیان. چالاکیه‌چڕوپڕو به‌رده‌وامه‌کانی فیدراسیۆن توانیویه‌تی سه‌نگه‌رو جێگه‌وشوێنی په‌نابه‌ران له‌به‌رامبه‌ر ده‌وڵه‌تدا به‌هێزتر بکا. هه‌ر له‌ماوه‌ی ئه‌م چه‌ن ڕۆژه‌دا کۆمه‌ڵێک چالاکی ئه‌نجامداوه‌له‌وانه‌:

 دوابه‌دوای کۆبونه‌وه‌ی وه‌فدی فیدراسیۆن له‌گه‌ڵ دائیره‌ی کۆچی ناوه‌ند له‌شاری بێرن ...

1/  کۆبوونه‌وه‌ی  (جه‌مال کۆشش و ئه‌حمه‌د عه‌لی) له‌گه‌ڵ( باڵته‌زاڕ گلێتلی) ئه‌ندام په‌ڕله‌مان له‌حزبی سه‌وز که‌پشتیوانی جدی له‌هه‌وڵوکاره‌کانی فیدراسیۆن کردوه‌و به‌ڵێنیداوه‌ده‌وری به‌رچاوی هه‌بێ له‌نه‌خشه‌کاری داهاتووی فیدراسیۆن له‌سویسرا.

2/  کۆبونه‌وه‌ی24/01/2009 ی( ئه‌حمه‌دعه لی و خالد حه‌مه‌) له‌گه‌ڵ به‌شێکی فراوان له‌په‌نابه‌رانی کوردی عێراق له‌شاری لوزێرن.

3/ کۆبونه‌وه‌ی 25/01/09 سکرتاریه‌تی فیدراسیۆن له‌سویسرا، که‌تیایدا پڕۆژه‌کانی داهاتوو بڕیاری له‌سه‌ردرا.

4/ کۆبونه‌وه‌ی نوێنه‌رایه‌تی کانتۆنی زوریخ، که‌کۆمه‌ڵێک بڕیاری گرنگی تیادا دراو چه‌ن ده‌سته‌یه‌ک بۆ کاره‌کانی تیادا پێکهات ،ئاماده‌یی باشتر بۆ کار و هه‌ڵسوڕان وه‌رگیرا.                                                                                              

5/ کۆبونه‌وه‌ی دووه‌می(ئه‌حمه‌د عه‌لی)له27/01/09 له‌‌کانتۆنی لوزێرن له‌گه‌ڵ ئه‌وکه‌سانه‌ی که‌خۆیان بۆ کاری ئاینده‌ناونوسکردبوو.

6/ به‌شداری وه‌فدی فیدراسیۆن(موحه‌مه‌د عه‌بدولکه‌ریم و ئه‌حمه‌د عه‌لی) له‌کۆبونه‌وه‌ی به‌ره‌ی (مافی مانه‌وه‌بۆ هه‌موان) ڕۆژی 28/01/09 که‌تیایدا وه‌فدی فیدراسیۆن پڕۆژه‌کانی بۆ هاوکاری کردن و پشتیوانی خسته‌به‌رده‌م کۆبونه‌وه‌که‌و بڕیاری هاوکاری جدیاندا.

7/  کۆبونه‌وه‌ی گشتی30/01/09 ی (ئه‌حمه‌دعه‌لی و زه‌مان خورشید) له‌گه‌ڵ په‌نابه‌رانی که‌مپی (ئیمبراخ) که‌ئاماده‌یی کارو به‌رگرییان له‌مافه‌کانی خۆیان نیشاندا.                                                                                               

8/  کۆبونه‌وه‌ی فراوانی 01/02/09 ی ( زه‌مان خورشید و ئه‌حمه‌د عه‌لی) له‌گه‌ڵ په‌نابه‌رانی که‌مپی (شڤێرسنباخ) که‌پشتیوانی هه‌وڵه‌کانی فیدراسیۆنیان تیادا ڕاگه‌یاند.                                                                                              

شایانی باسه‌هه‌واڵی چالاکیه‌کانی فیدراسیۆن له‌چه‌ندین ڕادیۆو ته‌له‌فزیۆن و ڕۆژنامه‌و ماڵپه‌ڕی ئینته‌رنێتیدا بڵاو بوه‌ته‌وه‌و چاوپێکه‌وتن له‌گه‌ڵ سکرتاریه‌تی فیدراسیۆنی سویسرا کراوه‌.      

فیدراسیۆن له‌هه‌وڵدایه‌بۆ به‌رگری له‌م هێرشه‌ی ده‌وڵه‌تی سویسرا بۆ سه‌ر په‌نابه‌رانی عێراقی. داوا له‌ته‌واوی په‌نابه‌ران ده‌که‌ین که‌به‌شداری چالاکانه‌و به‌رچاویان له‌و  ناڕه‌زایه‌تیانه‌دا هه‌بی که‌له‌داهاتودا فیدراسیۆن به‌ڕێیده‌خا. داواش له‌هه‌موو لایه‌نه‌سیاسی و ئینسانیه‌کان ده‌که‌ین هاوشانی ئیمه‌له‌سه‌نگه‌ری په‌نابه‌راندا دژی ئه‌م هه‌لومه‌رجه‌ی په‌نابه‌ران بوه‌ستنه‌وه‌.                                                           

فیدراسیۆنی سه‌راسه‌ری په‌نابه‌رانی عێراقی/ سویسرا

01/02/2009

________________________________________________

کۆشش  جه‌مال     0787557786   ئه‌حمه‌د عه‌لی       0788532004

      www.csdiraq.com        www.federationifir.com

IFIR, Postfach 7643, 3001 Bern

ahmadali525@hotmail.com