''به‌رزان هه‌ستیار'' و '' تارا جاف '' و ''ده‌روون عه‌لی''

له‌ شه‌وی ڤاڵانتاین له‌گه‌ڵ په‌نابه‌ران.

فیدراسیۆنی سەراسەری پەنابەرانی عێراقی هەڵدەستێت بە کورێکی شیعر و ئاهەنێگێکی هاوپشتی لەگەڵ پەنابەران.

* کاتژمێر ۴ ‌ تا ٦ ی ئێواره‌ :

وه‌رن با پێکه‌وه‌ له‌گه‌ڵ هارمۆنیای شیعر و مۆسیقادا له‌گه‌ڵ شنه‌کانی عاشقبووندا ئاوێزان بین. بۆ ئه‌وه‌ی ساتێک له‌ جه‌نجاڵییاکانی رۆژگار دوورکه‌وینه‌وه‌ بۆ ئه‌وه‌ی ساتێکی ئارام پێکه‌وه‌بین. بۆ ئه‌وه‌ی چه‌ند ساتێک تێکه‌ڵاوی عه‌سق و جوانییه‌کان بین له‌ ئێواره‌ی رۆژی ڤاڵانتاین بێده‌نگ گوێ له‌ چرپه‌ و سۆزی عاشقانه‌ی ( به‌رزان هه‌ستیار ) بگرین. له‌گه‌ڵیشیدا ده‌ست و په‌نجه‌ هونه‌رییه‌‌ جوانه‌که‌ی( تارا جاف )و هارپه‌که‌ی تێکه‌ڵ ئه‌م ئێواره‌یه‌ ده‌بن.

* کاتژمێر ٦ ی ئێواره‌ تا ١٢ ی شه‌و :

لەم شەوەدا هونەرمەندی دەنگ خۆش و دەنگ ناسک( دەروون عه‌لی) بەدەنگە ئارام‌و رۆمانسیەکەی بەشداری دەکا. لەم شەوەدا دەروون بەچەندین زمانی جۆراجۆر بە دەنگە بە سۆزەکەی لێوان لێومان دەکات بەعشق و ڤاڵانتاین..

بفەرموون ئەم شەوە لەگەڵمان بن . هاتن بۆ هەمووانـە

ڕۆژی شەمە 14-2-2009
Weston Rise Community Centre
187 Pentonville Road
London WC1X 9ED
نزیکترین ئیستگای قیتار King’s Cross:‌
خواردن و خواردنەوە
دەفرۆشرێت بە نرخێکی گونجاو
نرخی بلیت:5 پاوەندە
بۆ زانیاری زیاتر پەیوەندی بکەن بە
ئاسۆ گۆران بە ژمارەی(07895636633) و سەمیرە ئەحمەد بە ژمارەی(07877665397)

------------------------------------------------------------------------------------------------------------------

دیار نه‌مانی فڕۆکه‌وانێکیتر له‌گومانه‌وه ‌بۆ دڵنیا بوون.

به‌پێی هه‌واڵێک که‌له‌ ڕۆژی 11.2.2009 له‌ سایتی سبه‌ی کۆمپانیای ووشه‌بڵاوبۆته‌وه‌، فڕۆکه‌وانێکیتر که‌به‌شداربوه‌له‌کیمیابارانی گونده‌کانی گۆپته‌په‌و عه‌سکه‌ر وقه‌ڵاسێوکه‌و چه‌می ڕه‌زان ، له‌لای یه‌کێتی نیشتمانی کوردستان بوه‌و ئێستا دیار نیه‌، هه‌ر وه‌ک له‌سایتی سبه‌ی هاتوه‌ئه‌و فڕۆکه‌وانه‌ که‌ناوی که‌ریم سه‌بتی و ناسراو به‌(ئه‌بو عروب) ه‌ له‌ڕۆژی 5.5.2003 له‌لایه‌ن ئاسایشیی یه‌کێتی گیراوه‌و پاشان له‌سه‌ر داوای سکرتێری گشتی یه‌کێتی نیشتمانی کوردستان و دکتۆر خه‌سره‌و به‌رپرسی ده‌زگای زانیاری گوازراوه‌ته‌وه‌بۆ قه‌ڵا چوالان . دیارنه‌مانی که‌ریم سه‌بتی ، ئیتر گومان ناهێڵێته‌وه‌که‌تاریق ڕه‌مه‌زانیش ده‌رباز کراوه‌و هه‌موو بڕوبیانۆکانی یه‌کێتی بۆچاو به‌سته‌کی بوو له‌خه‌ڵک . بزوتنه‌وه‌ی ڕابوون داوا له‌سه‌رکردایه‌تی یه‌کێتی نیشتمانی کوردستان و که‌سی سکرتێری گشتی ده‌کات که‌له‌ماوه‌ی ده‌ڕۆژدا ڕوونکردنه‌وه‌ی بڕواهێنه‌ر له‌سه‌ر وونبونی هه‌ردوو فڕۆکه‌وانه‌که‌بده‌ن ، بێده‌نگی و خۆدزینه‌وه‌له‌دیارنه‌مانی دوو تاوانباری جینۆسایدکردنی گه‌له‌که‌مان ،مانای ده‌ربازکردنیانه‌و به‌ئاسانی تێناپه‌ڕیت و نرخه‌که‌ی گران ده‌که‌وێته‌وه‌. بزووتنه‌وه‌ی ڕابوون له‌بێده‌نگی یه‌کێتی له‌م مه‌سه‌له‌یه‌دا چاوپۆشی ناکات و هه‌ڵوێستێکی توند که‌شایه‌نی ئه‌م دۆسیه‌یه‌بێت وه‌رده‌گرێت.

یه‌کێتی نیشتمانی کوردستان - بزووتنه‌وه‌ی ڕابوون
12. 2. 2009

------------------------------------------------------------------------------------------------------------------

به‌ره‌ی مافی نیشته‌جێبوون له ‌سویسرا

پشتیوانی خۆیان بۆ که‌مپینی فیدراسیۆن ده‌رده‌بڕن.

رۆژی 7.2.2009 له‌شاری لۆزان، به‌ره‌ی مافی نیشته‌جیبوون له‌سویسرا کۆبوونه‌وه‌ی ده‌وری خۆی به‌ست. نوێنه‌رانی کانتۆنه‌کانی جنیف، بیرن، زوریخ، فریبۆرگ، نه‌وشاتیل وه‌هه‌روه‌ها. نوینه‌رانی ڕیکخراوه په‌نابه‌رییه‌کانی  وولاته‌جۆراجۆره‌کان یش به‌شدار بوون.

له‌لایه‌ن فیدراسیۆنی سه‌راسه‌ری په‌نابه‌رانی عیراقی له‌سویسرا ، جه‌مال کۆشش کورته‌یه‌کی له‌هه‌وله‌کانی فیدراسیۆن بۆ ئاماده‌بوان روونکرده‌وه‌که‌له‌ماوه‌ی دوای سه‌ریساله‌وه‌ئه‌نجامدراون له‌راستای به‌رگرتن به‌دیپۆرتی په‌نابه‌ران و ئازادکردنی زیندانیه‌کان و دۆزینه‌وه‌ی بێسه‌روشوێنه‌کاندا .

له‌کۆبوونه‌وه‌له‌گه‌ل په‌نابه‌ران، له‌گه‌ل ریکخراوه‌ی لیبوردنی نیوده‌وله‌تی، له‌گه‌ل خاچی سووری نیوده‌وله‌تی، له‌گه‌ل کۆمسیاری بالای په‌نابه‌ران و له‌گه‌ل ده‌وله‌ت و چه‌ندین ریکخراوه‌ی  هه‌لسوراوی بواری په‌نابه‌ریتردا. 

له‌دریژه‌ی بابه‌ته‌که‌یدا جه‌مال کۆشش پلانی داهاتووی هه‌لسوڕانی فیدراسیۆنی خسته‌به‌رده‌م ئاماده‌بوان که‌بریتیه‌له‌که‌مپینیکی سه‌راسه‌ری بۆ به‌رگرتن به‌سیاسه‌تی دیپۆرتی ده‌وله‌تانی ئه‌وروپا و باشترکردنی هه‌لومه‌رجی ژیان وقه‌بوولکردنی په‌نابه‌ران ئه‌وانه‌ی خۆیان به‌ئۆفیسی کۆمیسیاری بالای په‌نابه‌ری ناساندووه‌.  

به‌ره‌ی مافی نیشته‌جێبوون ڕۆڵی شایسته‌ی فیدراسیۆنی به‌رز هه‌لسه‌نگاندو ئاماده‌یی ته‌واوییان له‌هه‌موو ئاسته‌کان و له‌هه‌موو شیوازه‌کاندا که‌ئه‌م که‌مپینه‌ده‌یگریته‌به‌ر نیشاندا.

پاشان به‌ره‌ی مافی نیشته‌جیبوون ، چه‌ندین بریاری کاریگه‌ری تری په‌سه‌ند کرد که‌له‌وانه‌، ئاکسیۆنیکی نیشتمانی له‌سویسرا که‌ئاستی کانتۆنه‌کان تیپه‌ڕینی و گروپه‌کانی سته‌ملێچوان به‌گشتی بگریته‌وه‌له‌کۆتایی مانگی 7 دا، وه‌تا ئه‌و کات چه‌ندین چالاکی جۆراجۆری تر به‌رپا بکریت، وه‌کۆکردنه‌وه‌ی خواردن و جل وبه‌رگ بۆ هه‌موو ئه‌وانه‌ی که‌پاره‌کانیان به‌شیان ناکات.

شایانی ووتنه‌به‌ره‌ی مافی نیشته‌جێبوون له‌چه‌ندین لایه‌نی گرنگی سویسری و په‌نابه‌ری پیکهاتووه‌که‌خه‌بات ده‌که‌ن بۆ به‌ده‌ستهینانی مافی مانه‌وه‌بۆ هه‌موان، قانوونی کردنه‌وه‌ی سه‌رجه‌م بێناسنامه‌کان، ئه‌وانه‌ی مۆله‌تی ره‌سمیان له‌سویسرا ته‌واو بووه‌که‌به‌زۆری په‌نابه‌رانن داوای مافی په‌نابه‌رییان ره‌دکراوه‌ته‌وه‌.  

سکرتاریه‌تی سویسرای

فیدراسیۆنی سه‌راسه ر‌ی په‌نابه‌رانی عیراقی

8.2.2009

 _________________________________________

جه‌مال کۆشش 0787557786       ئه‌حمه‌د عه‌لی 0788532004

www.csdiraq.com          www.federationifir.com

IFIR, Postfach 7643, 3001 Bern

ahmadali525@hotmail.com

---------------------------------------------------------------------------------------------------------------------------------------

چاک داوای ئاشکراکردنی ئه‌نجامی ڕونکردنه‌وه‌کان و هه‌ڵوێست له‌ ینک ده‌کات ،

سه‌باره‌ت به‌ ئازادکردنی فڕۆکه‌وانه‌کان ( تاریق ڕه‌مه‌زان و که‌ریم سه‌بتی).

به‌ پێی هه‌واڵێک که‌ له‌ ماڵپه‌ڕی سبه‌ی بڵاوکراوه‌ته‌وه‌ له‌ به‌رواری 11-2-2009، ینک فڕۆکه‌وانێکی دیکه‌شی پێشتر ئازاد کردووه‌ به‌ ناوی که‌ریم سه‌بتی ناسراو به‌ ئه‌بو یه‌عروب ، که‌ پشکدار بووه‌ له‌ بۆردومانکردنی گونده‌کانی عه‌سکه‌ر و گۆپته‌په‌ و ناوچه‌ی قه‌ڵاسێوکا ، که‌ له‌ ئاکامدا سه‌دان شه‌هید و برینداری لێکه‌وته‌وه‌ ، که‌ ڕۆژی دواتر له‌ پرۆسه‌ی ئه‌نفالی چواردا هه‌موو برینداره‌کانی ئه‌نفالکران و قوربانییه‌کانی ئه‌و بۆردومانه‌ ، سه‌رباری زیانه‌ مادییه‌کان و ئه‌نجامه‌ سیاسییه‌کانی زیاتر له‌ 350 شه‌هید بوو
.
له‌ کاتێکدا ئێمه‌ هه‌موو چاوه‌ڕوان بووین ینک وه‌ڵام به‌ داخوازه‌کانی خۆپیشانده‌ران له‌ پێشیانه‌وه‌ ناوه‌نده‌که‌مان بداته‌وه‌ که‌ ده‌ستپێشخه‌ر و پێشه‌نگی ناڕه‌زایه‌تییه‌کان بوو دژ به‌ ئازادکردنی تاریق ڕه‌مه‌زان ، که‌ چه‌ندین خۆپیشاندان و ناڕه‌زایه‌تی له‌ ناوخۆی کوردستان و هانده‌ران ئه‌نجامدا و تاوانی قێزه‌ونی ئازادکردنی تاریق ڕه‌مه‌زانی شه‌رمه‌زارکرد و داوای سزادانی ئه‌نجامده‌رانی کرد ، به‌ بێ گوێدانه‌ پله‌ و پایه‌ی که‌سی تاوانبار ، که‌چی ئێستا ئاشکرا ده‌کرێت که‌ ینک پێشتر جه‌لادێکی دیکه‌شی ئازادکردووه‌ ، که‌ ده‌بوایا له‌ 21-8-2006 له‌ پرۆسه‌ی دادگایی ئه‌نفال به‌شداربوایا وه‌ک تاوانکار .

لێره‌وه‌ داوا له‌ ینک ده‌که‌ین پێویسته‌ به‌ زووترین کات ، ڕونکردنه‌وه‌ له‌ سه‌ر هه‌واڵی ئازادکردنی که‌ریم سه‌بتی بدات و ئه‌نجامی لێکۆڵینه‌وه‌ له‌ پرۆسه‌ی ئازادکردنی تاریق ڕه‌مه‌زان له‌ ڕۆژانی داهاتوو بۆ ڕایگشتی ڕابگه‌یه‌نێت ، بۆ ئه‌وه‌ی یادی 21 ساڵه‌ی هه‌ردوو تاوانی هه‌ڵه‌بجه‌ و ئه‌نفال ، نه‌کرێته‌ ڕۆژانی نه‌فره‌ت له‌ ئازادکه‌رانی ئه‌م دوو تاوانباره‌ و داکۆکی که‌ران له‌ تاوانکارانی ئه‌نفال و کیمیابارن.

چاودێری کوردۆساید - چاک
11-2-2009
www.chak.be
www.chaknews.com
chakorg@yahoo.com