بارزانی دەگەڵ خۆشەویستە دڕندە ئەمەریکاییەکەی تووڕەیە چونکە پێی وایە بارزانی و تاڵەبانی هێشتا دڕندەن! حیزبە سۆشیال (دوو مەترەق)ییەکە مەترەقەکەی مامیان هووردوخاش بووە و لە ماڵان کۆبوونەوە دەکەن و شەڕی جندۆکانیان تێکەوتوە، پێنج مانگە نێچیروان و نێشیروان پشی پشی دەکەن و لە دڵدارییەکەیان بەردەوامن و خەریکی دانانی ماڵەکەیان وەلی هێشتا لەسەر ئەوە تەبا نین کە خزمەتکارە بەردەستەکانیان کامیان دەرگاوان بێ و کامایان پۆستەکانیان بۆ بخووننەوە و کامیان نان و چایان بۆ ئامادەکەن! کێشەی نەفتفرۆشیی و ئەردۆغانی عوسمانیی و شەڕانگێزیی مالیکیی و دژایەتییکردنی خۆسەریی رۆژئاوا و دەستتێوەردانی ئاخوندەکانی ئێرانیش هەر لەولای رابوەستن! بە کورتییەکەی یەک بەزموڕەزم و گەڕەلاوژێیە لەو کوردستانە هەرچی داخوازییەکانی خەڵک و مافەکانی ژنان و گەنجان و کێشەکانی پرسی سەربەخۆیی هەیە کەوتوونەتە ژێر پێی بنەماڵە دەسەڵاتدارەکان!!!