٦\١\٢٠١٨

    بڵیسەی ئاگر.

دایکی سۆلاڤ

سـڵاوت لێـبێ کوردســـتان ئــەی نیشــــتمانی دێـریــــنم
سڵاو لە گيانی شەهـیدانت، خــاکی پیـــرۆز و شـیریـــنم
      *   *   *   *   *
خــوێنی رژاوی نەوەکــــەت، پێشـێلیان کــرد دوژمنانت
تەقـە و ناڵـە و گــڕی (بۆمبا) ئاگــری بـەردا لـە گـیانت
      *   *   *   *   *
ئەو ئاگـــرەی لە تۆ بەربــوو، منی سـوتان تەوژمەکەی
هەتــا یەت کــڵپە ئەســێنێ، بەرزتـــر ئەبـێ بـڵێسـەکەی
      *   *   *   *   *
منیش بەڵێنێــــکم داوە، هەتــا دوا کــــــاتی ژیـــــــــــانم
بۆ تۆ بژیــم بۆ تۆ بمـرم، رامگەیــان بە رۆڵەکـــــــــانم
      *   *   *   *   *
تێکۆشـەربن رێ ووننەکـەن، پێشـمەرگەبن لە رێگاتا
بۆ ئازادی و ئاسودەیت، یەک یەک ملیان بکەن بە پەتا
      *   *   *   *   *
زڕەی زنجـیر و پێوەنــدیان، ئـاوازێک بـێ بۆ هۆشیاری
بۆ بەرەی نوێ و چرۆی تازە، رزگاری بکەن بە دياری
      *   *   *   *   *
شانـازی یە لە لای ئێمە، قوربانی ئەدەین هـەموو کـات
تا سەربەستیمان نەسێنین، لا نادەین لە رێگـای خەبـات
      *   *   *   *   *
ئەوسا لەسەر لوتکەی چیا و لە قەد پاڵی کەژ و کـێوان
بە پێنووسی یەکگرتنمان بە خوێن ئەنووسین کوردستان
بـــــە خـــــــــوێـــــــن ئــــــەنـــــــووســــیـــــــن کـــــوردســــــــــتـــــــان.

سوێد