١٧\٣\٢٠١٠

        بڕیار .

کەژاڵ ئیبراهیم خدر

بڕیار وابوو ببین بە بەرد
کام بارانە کام تۆفانە
زۆر بەخوڕە
ئێمە پێ نەتوێتەوە
بریار وابوو
ببین بە داربەروویەکی جوان
کام رەشەبا زۆر بەهێزە
رەگەکەکانمان هەڵنەکەنێ و
کامە تەور دەمی تیژە
لاقەکانمان نەبڕێتەوە
ئازیزەکەم …
پێش ئەوەی باران ببارێ و
پێش هەڵکردنی رەشەبا
تۆ رۆیشتی و نەهاتیەوە
(نەتدەزانی ئەوەی بچێ ماسی بگرێ
دەبێ قولەی پێشی تەڕبێ ؟).

kazhal_3@hotmail.com