بیسته‌مین ساڵڕۆژی مه‌رگه‌ساتی  جینۆسایدی  هه ڵه‌بجه‌ له‌ فینلاند.

له‌ بیسته‌مین ساڵڕۆژی مه‌رگه‌ساتی  جینۆسایدی  هه ڵه‌بجه‌ دا، ناوه‌ندی چاک له‌ فینلاند، به‌هاوکاریی ڕه‌وه‌ندی کوردی له‌ فینلاند، هاڵده‌ستێت به‌ یادکردنه‌وه‌ و به‌پیرۆز ڕاگرتنی خوێنی قوربانیانی شاری هه‌ڵه‌بجه‌. به‌وبۆنه‌یه‌وه ژماره‌یه‌ک چالاکی ڕێک ده‌خات و ئه‌نجام ده‌دات، له‌ نێویاندا:

له‌ ئاستی کۆمه‌ڵگای فینلاندیدا:

له‌ ڕۆژی 15.3.2008 دا ناوه‌ندی چاک هه‌ڵده‌ستێت به‌ بڵاوکردنه‌وه‌ی ژماره‌یه‌کی زۆر له‌ بڵاوکراوه‌یه‌ک بۆ ناساندنی زیاتری تاوانی کیمیابارانکردنی شاری هه‌ڵه‌بجه‌ و ئه‌نفال و  به‌ده‌نگه‌وه‌هاتنی گه‌لی کورد بۆ به‌فه‌رمی ناساندنی جینۆسایدی گه‌لی کورد و پشتگیریکردنی له‌ مافی دامه‌زراندنی ده‌وڵه‌تی سه‌ربه‌خۆی کوردستان، وه‌ک تاکه‌ ڕێگایه‌ک بۆ کۆتاییهێنان به‌ جینۆسایدی گه‌لی کورد.

ئاماده‌کردنی پێشانگایه‌کی فۆتۆگرافیی گه‌ڕۆک، له‌ نێوان 16.3 تا 14.4 له‌ چه‌ندین کتێبخانه‌ و ده‌زگا و بنکه‌ی ڕێکخراوه‌یی و ناوه‌ندی‌ ڕۆشنبیری و پیشه‌ییدا و به‌ پێی پلانێکی پێشتر داڕێژراو.

ژماره‌یه‌ک چالاکیی تر که‌ له‌ ڕۆژانی دوواتردا درێژه‌ی ده‌بێت و ڕاده‌گه‌یه‌ندرێت.

له‌ ئاستی ڕه‌وه‌ندی کوردی و دۆسته‌کانیدا:

‌ ڕێکخستنی یادێک له ڕۆژی یه‌کشه‌مه ‌16/3/2008،کاژێر 14 (2ی پاشنیوه‌ڕۆ).

ئه‌م یاده‌ بریتی ده‌بێت له‌:

سێمینارێک که‌ چه‌ندین بابه‌تی تێدا پێشکه‌ش ده‌کرێت.

پێشانگای فۆتۆگرافیی کیمیابارانی هه‌ڵه‌بجه‌.

بڕگه‌یه‌کی تایبه‌ت به‌ که‌سوکاری قوربانییان.

پانێڵێکی گفتوگۆ له‌سه‌ر جینۆسایدی گه‌لی کورد و ئاکامه‌کانی.

چه‌ند بڕگه‌یه‌ک له‌ ئاوازی گونجاو .

هاتنتان  نیشانه‌ی به‌ زیندووهێشتنه‌وه‌ی  ئه‌و تاوانه‌یه،‌ که‌ به‌ ده‌ستی دوژمنانی گه‌لی کورد و دوژمنانی مرۆڤایه‌تی ئه‌نجام دراوه‌.

کات: ڕۆژی یه‌کشه‌مه ‌16/3/2008،کاژێر 14 (2ی پاشنیوه‌ڕۆ)

ناونیشان: Nokiantie 2-4 , Helsinki نهۆمی سێهه‌م

بۆ گه‌یشتن به‌ شوێنی مه‌به‌ست:

پاسی ژماره‌: 64, 65A, 66, 67, 72, 611N, 633K, 776

ڕاتیکای ژماره‌: 1, 1A, 7A, 7B

ناوه‌ندی هه‌ڵه‌بجه‌ دژ به‌ ئه‌نفالکردن و جینۆسایدی گه‌لی کورد (چاک) له‌ فینلاند