بۆ عه‌شقی نیشتمان

دێته‌وه‌ كوردستان.

زانا گه‌ڵاڵی  

وا بڕیاره‌ له‌چه‌ند ڕۆژی داهاتوو ژیلیا-ی كچه‌ گۆرانیبێژ به‌مه‌به‌ستی تۆماركردنی چه‌ند  گۆرانییه‌ك سه‌ردانی كوردستان بكاته‌وه‌ . له‌ لێدوانێكی تایبه‌تدا به‌ڕۆژنامه‌ی كوردستانی نوێ ، ژیلیا وتی : له‌م سه‌فه‌ره‌مدا  جگه له‌‌ دیده‌نی كه‌سوكارم،  نیازمه‌  به‌ هاوكاری مامۆستای به‌ڕیز  ئه‌ڕسه‌لان ده‌شتی  چه‌ند به‌رهه‌مێك تۆمار بكه‌م ،  كه‌ یه‌كێكه‌   له‌ هاوكاره‌ سه‌ره‌كییه‌كانم‌ له‌ بواری ئاوازو هۆنراوه‌دا‌ و چاوه‌ڕوانم كه‌ هونه‌رمه‌ندانی تریش هاوكاریم بكه‌ن له‌وانه‌ مامۆستا وریا ئه‌حمه‌د .  ژیلیا :  ده‌رفه‌ت بۆ خۆی  زیاتر له‌ كوردستان ده‌بینیت بۆ ئه‌نجامدانی  كاری هونه‌ری و  ده‌ڵێت : له‌دانیمارك بواری كاركردنی هونه‌ری سه‌خته‌‌و هه‌روه‌ها له‌به‌ر خوێندن ماوه‌ی كاركردنم كه‌مه‌. ده‌رفه‌ته‌كان له‌كوردستان زیاترن .

 له‌ كۆتاییدا ده‌باره‌ی ئاره‌زووه‌كانی له‌ ستایلی عه‌ره‌بی و هه‌ڵبژاردنی هۆنراوه‌و به‌رنامه‌ی بۆ كلیپه‌كان ئه‌و وتی: ئه‌و ستایله‌ی كه‌هه‌ڵمبژاردووه‌ به‌ته‌واوی خۆمی تێدا ده‌دۆزمه‌وه‌.  ئاره‌زووی گوێگرتنی گۆرانی بیانیم هه‌یه و ‌تیاشیدا عه‌ره‌بی ، به‌ڵام له‌گۆرانیوتن حه‌ز له‌‌مۆركی كوردی ده‌كه‌م و له‌ هۆنراوه‌ش  ئه‌شق بۆ وڵات و هه‌موو شته‌ جوانه‌كانن ، هه‌روه‌ها  بریار له‌سه‌ر كلیپی نوێشم ده‌كه‌وێته‌سه‌ر هاوبه‌شی خۆم و هاوكارانم .