|
١٦\١\٢٠١٣
بۆ ئەوەی من
لە ھەموو شوێنێکدا ئامادەیم ھەبێ، دەبێ ئێوە بمرن.
- پێناسەیەکی سادە بۆ تیرۆر -
پێشڕەو حەمید
تیرور بەپێناسە باوەکەی واتە سڕینەوەی بەرامبەروکوشتنی جیاوازی
ئەودەنگەی کە جیاوازتر لەدەنگێکی تر گوتارەکان ئاراستەدەکات ، یان
دورلە دیدە و تموحاتی ئەوەی تر ھەڵوەستەلەسەر دیاردەکان دەکات و
لەدەرەوەی ھەیمەنەی ئەوەوە شتێکی ھەیە بۆگوتن و پڕۆژەیەکی ھەیە بۆ
کارکردن لەسەری ،واتە کوشتنی فیکروسڕینەوەی دنیابینی بەرامەبەرو
فەرزکردنی پانتایی یەکی تر بەسەرئەوی تردا.
تیرۆرکردن ھەمیشە ئەنجام گیری ئەوئاراستانەیە کەکەسی بەرامبەر یان
لایەنی بەرامبەر (ئەجندای) بەرامبەرەکەی ، یان دژەکەی بەھەموو
ڕەھەندەکانیەوە ڕەفزدەکات.
کەس و لایەنی بەرامبەر بۆبەگژدا چونەوەی ھەیمەنەی بەرامبەر بـەھەموو
ھەژمونەکانی یەوە، ھەوڵەکانی لایەنی بەرامبەر، دەخاتە خانەی ( حەرام )
ە وەو وێنەیەکە شەیتانی پێدەبەخشێ و لە تێفکرێنێکی ئینسانیانەوە دەری
دەپەڕێنێت و شوناسی مرۆڤبونی لێوەردەگرێتەوەو وەک کائینێکی نەفرەت
لێکراو دەیناسێنێ .
کەسی تیرۆریست یان ئەو لاینەی کەھیچ بڕوایەکی بە ( دیالۆگ ) نیە ،کەئەوە
لەخۆیدا سروشتی کولتوری تیرۆریستانە، بۆ بەرنگاربونەوەی میتۆدی
کولتورەکەی تر ، یەکەمین کاری وەستانێکی نا ئەخلاقیانەیەو لەڕێگەی
لەناوبردنی (جەستەیی یەوە ) سەنگەری لێ دەگرێت بۆسڕینەوەی ئەو سکێچەی
کە ئەوی تر کێشاوێتی بۆ ئاراستەکردنی گوتارەکانی خۆی.
ڕەنگەوەڵام دانەوەی ئەوپرسیارە ئەوەندەئاسان نەبێت ، ئەگەر ئێمە بپرسین
( ئاخۆ بۆچی مەرگ و مەست بون بەڕژانی خوینی ئەو ی تر لەوفەزایەدا
ھەمیشە ئامادەیی ھەیە؟؟) ئەگەر ئێمە شۆڕنەبینەوە بۆناو جیھانبینی ئەو
کولتورەی کەلەگەڵ درکاندنی ھەموو ( چپە ) یەکی دا ژیان دۆستی حەرام
دەکات و کوشتن و ترس و تۆقاندن لەباڵای بیرکردنەوەکانی خۆی دەئاڵێنێ ؟
ئەواناتوانین وەڵامێکی شلگێڕانەی ئەو پرسیارەبدەینەوە ، ئەگەر
ئێمەتەنھا قسە لەسەر سەرەتای میتۆدی تیرۆر بکەیان یان تیرۆریستان
بخەینە خانەی ھەڵسەنگاندن و ڕاڤەکردنی کار و کردارەکانیان ، ئەوادەبێـت
تەوای جۆرەکانی تیرۆرکردن بناسێنین کە ئەوەباسی ئەم وتارەنیە لەکاتێکدا
ھەریەکەلەتیرۆری ( فیکرو سیاسی و کۆمەڵایەتی و غەریزەیی و ئابوری و
......تد ) دەچنەوەسەر ھەمان میتۆدی تیرۆریستان ، بەڵاَم
ئێمەلەسەرەتادا تەنھا قسەمان لەسەر تیرۆری ( جەسەد ) ی کرد کە دەکرێ
نمونەی ھەمو جۆرەکانی تیرۆرکردنبێت ؟! چونکە کاتێک مرۆڤێک بەبێ تاوان
مافی ژیانی بەشێوەیەکی تاریکانە لێ وەربگیرێتەوە و لەسەر مل نەدانی بۆ
چونەژێر ڕکێفی بەرامبەر بکوژرێت ، ئەوا لەھەمان کاتدا تیرۆرکردنی ئەو
بونەوەرە یەکسان دەبێـت بە تیرۆرکردنی ھەریەکە لەو جۆرانەی تری
تیرۆرکردن ؟ چونکەدەکرێ ( ئەوەی مرۆڤ ) لەیەک کاتدا خاوەنی ( فیکر بێت
و کەسێکی سیاسی و خاوەن پێگەیەکی کۆمەڵایەتی و مرۆڤێک بێت بەسروشتی خۆی
خاوەنی غەریزەی تایبەتی خۆی بێت و ...تد).
کولتور یان فیکری تاریکی تیرۆریستان ، پڕە لەودەسەڵاتە ڕەشەی کە
ھەناسەیەک ناھێڵێتەوە بۆئە و چرکە ساتەی کە ( کولتور ) ێکی تر
لەدەرەوەی بازنە مۆنۆپۆلکروەکەی خۆیەوە ئاماژەیەکی سەرەتای بەوەبکات کە
( ژیــان ) و جوانی مەوداکانی بیرکردنەوەی مرۆڤ بونێکی ( ئەزەلی ) یان
ھەیەو ھەموو دەنگێک بەبێ جیاوازی مافی دەنگ دانەوە ھەیە ؟! چونکە
کولتوری تیرو یان تیرۆریستان ، بــوونی ئەو تێڕوانینە جیاوازانە
بەمەرگی خۆی یەکسان دەکات و جگە لەشوناسی خۆی ، ھەموو شوناسێکی تری پێ
ڕەفزەو لەیەکەم ساتی دروست بونی خۆیشیدا سەرجەم ( بەندوو ماددەکان و
گوتارەکان ) ی بەشێوازێک ئامادەو تۆکمە دەکات کە سەد دەرسەد لە ( خوێن
) دا ئاوێزان بووە ؟! چونکە ھەوڵی ئەم کولتورە بەوشێوە دڵــڕقیی یە ،
تەنھا بۆئەوەیە ھەموگوتارو ئاراستە جیاوازەکانی تر لەخۆیدا کۆبکاتەوە و
ویست و حەزو تموحاتی دەنگەکانی تر بخنکێنێت و( ئەرک و ماف ) ی تاکەکان
مۆنۆپۆلبکات و باڵادەستبێت لەبەخشینی( ماف ) و سەرپشکبێت لە چەسپاندنی
( ئەرک ) ەکاندا، کە باڵادەستبونی ئەو کولتورەش کەجوڵێنەری ھەنگاوەکانی
ئەو دنیا ڕەشەیە ، بە فۆرمێکی کۆنکریتیانە ژیان پڕدەکات لەبونەوەری
دوگما و چەقۆ بەدەست.
لەدەرەوەی ئەو کولتورەوە ، کولتورێکی تر ئامادەیی ھەیە کە کولتوری (
ژیــــان ) ە ئەم کولتورە لەململانێیەکی توند دایە و دەیەوێ ( کولتوری
کوشتن ) کەخوێنی ئاخنیوەتە ھەناوی خۆیەوە ، بەسادەترین ڕێگەی ژیان
دۆستی ئاشنابکات و پەلی پێبھاوێت بۆ کرانەوە لەبەردەم ( ئەقڵ و
ئەقڵانیەنت ) دا، واتە داماڵینی ئەو کلتورە لەڕۆح یەتێکی ڕەشەکوژی و
بیرێکی جەنگەڵستانەوە ، بۆ ڕۆح یەتێکی ھیومیانیستیانەی ( ڕوکارو
فرەڕھەند) کەچی بەپێچەوانەوە ئەم ھەموو ھەوڵە ژیان دۆستیانەی ( کولتوری
ژیان ) لای ( تیرۆریستان ) نابێتە ڕێگە خۆشکردن بۆ وازھێنان
لەبیرەدۆگمایەکانی؟؟ چونکە ئەو کولتورە ھەرلەسەرەتاوە چ وەک ( ئامانج )
چ وەک ( دروشم ) بانگەشەیەکی ڕەھایانەی ھەیە بۆمەرگی مرۆڤ بەھەموو
بەھاکانی یەوە؟!
لێرەدا پرسیارێک خۆی فەرزدەکات و دەڵێ ( ئایا تیرۆر مومارەسەکردنی
دەسەڵاتە بەشێوەیەک لەشێوە کان؟؟) لەکاتێکدا خودی ئەو کولتورە مەرگ
دۆستی یە ئیش بۆکوشتنی دەسەڵاتەکانی تر دەکات ؟؟ بێگومان دیارە دروشم و
ئامانجەکانی ئەو کولتورە ئەوجیاوازییە گەورەیە وێنادەکات و بەم شێوەش
دەتوانین بڵێن تیرۆر یان کولتوری تیرۆریستان مومارەسەکردنی جۆرێکە
لەدەسەڵات یان ھەوڵدانێتی بۆوەرگرتنی دەسەڵات و پاوانکردنی ئەو
دەسەڵاتەی کە بۆی دەجەنگێ ؟؟ چونکە ھەرشتێک ناوی لێبنرێ مومارەسەکردن
بۆوەرگرتنی دەسەڵات ، مادام سەرەتا لە ( دەق ) ێکەوە خۆی پێچەوانە
دەکاتەوە ئەوا دەتوانین ناوی بنێن دەسەڵات ، واتەھەموو ( تێکستێک )
دەسەڵاتە ئیدی ئەو دەسەڵاتە ھەردەسەڵاتێک بێت ، وە شێوازی دەسەڵاتەکەیش
، ڕەنگدانەوەی فۆرمی تێکستەکە دیاری دەکات.
تیروکردن لەڕوی (جەستەی و فیکری و سیاسی و کۆمەڵایەتیە و غەریزەییەوە)
جگەلەوەی کوشتنی بەھرە و توانە دەرکەوتەکانی( کەس) یان لایەنی
بەرامبەرە ، بەھەمان شێوەش فەرزکردنی ھەیمەنەیەکی دڵڕەقانەیە بەسەرئەو
( فەزا )یەدا ، یان ئەو کولتورەی کەپڕە لە ژیان و خاڵیە لە ( مەرگ
خوازی ) ، فەرزکردنی ھەناسەو دیدگایەکە بەسەر ھەناسەو تێڕوانینێکداکە
لە ناو کایە جیاجیاکانی خۆیدا ھەڵگری دینایەکە لەخۆشنودی و کرانەوەیەکی
فرە ڕەھەندییانەیە.
ئێستا لەدوای خوێندنەوەیەکی کورت لەسەر فەزای ھەردوو ئاراستەکە واتە (
ژیان ) و ( مەرگخوازان ) ئەوادەتواین چەند پرسیارێک بکەین لەسەر ئەو
کوشتن و بڕینە ھەمەجیانەی کە لەجیھاندا ئەیان بینین و ئەیان بیستین
ڕۆژانە بەرجەستەدەکرێ، و قوربانیەکانیان خەڵکانی چالاکی مافخواز و
کەسانی سڤیلن و دروستکەرانیی ئەو قەسابخانەیانەش خەڵکانێکی خۆین سارد و
چەقۆبەدەستن.
دەسەڵاتی ئەم کولتورە لەھەموو دەرکەوتنەکانیدا پێمان دەڵێ (بۆئەوەی من
بەردەوام ببم و لەھەمووشوێنێکدا ئامادەیم ھەبێت، دەبێ ئێوە بمرن).
ماڵپه‌ڕی پێشڕه‌و حه‌مید
|
