٣٠\٦\٢٠١٧

  بۆ کچە یەزیدییەکە؟

سمکۆ ئەحمەد

ئەی ئەو خۆرەی ئاوا بوویت و
‎رێی هەلهاتنەوەت لێ گیرا
‎نەك تەنها کوردستان
‎خودات لە خەونی (ئەبەدی) و
‎ویژدانت لە گۆڕ دەرهێنا
‎پەپوولەی پڕ خەونی شیلەییت
‎لە نێو پەڕەی تۆزاویی (قورئان)ێکدا
‎لە خاچ درا
‎بە پێی یاسای (موبارەک)یان
‎تۆ (سەبایا)ی
‎رق و کینەی دوو قەرنیان
‎لە پرچ و جەستەی تۆ دەرهێنا
‎ئەی خۆری قژ هەڵپروسکاو
‎بڕۆ و ئاوڕ مەدەرەوە
‎بۆ هەسارەیەکی دی بگەڕێ
‎لەوێ هەڵبێ
‎هەسارەیەک کە تا ئێستا
‎دەستی خودای نەگەشتبێ
‎لەوی بژی لەوی بنوو
‎لەوێ وانەی ئەشق بڵیرەوە
‎باسی دۆزەخی زەوی
‎بۆ گشت ئافەریدەکانی بگێڕەوە.

ماڵپه‌ڕی سمکۆ ئه‌حمه‌د