په‌یوه‌ندیپه‌رتووکخانه‌رۆشنبیرییلینکئه‌رشیفنووسه‌رانده‌سپێک

٢٢\٧\٢٠١٤

    بۆ ونبووه‌که‌ی شه‌وم.

سابات

هاورێم چ نهێنییەکە وا

خۆت لە پەنا تارای رەش حەشارداوە
پێم ناڵێی کەی ئەم بێدەنگییە دەشکێنی و

چرایێک لە ماڵەکەت دادەگيرسێنی؟؟؟
پێم بڵێ دەست لە ملانی چ ئازارێکی
بۆ کام خەم گۆرانی دەڵێی
وا چرای دڵە بچکۆلانەت خامۆش کردووە
بە خەمەوە هەنگاو دەنێی
چاوت لە ميلی کاتژمێرەکەت هەڵناگری
دەتەوێ هەرچی زووە

ژيان لە سووچێکدا بوەستی و

بۆ هەمیشە دابەزی و

بە هێمنییەکەوە بە ژيان بڵێی
بۆ هەميشە ماڵئاوا..
بۆ هەميشە بە ئارامییت دەسپێرم
من لەمەودوا کراسی مەرگم لەبەرە و

تا دواين ويستگە

گۆرانی بۆ تەنيایی دەچڕم...
پێم سەيرە تۆ دەتەوێ

ببیە سێبەری شەو و تارای رەشت پۆشێوە..

بەڵام پێم ناڵێی
بۆ رەنگە ونبووەکانی شەو نادۆزيتەوە؟؟؟
بۆ بە رەنگە ونبووەکانی شەو

پەلکەزێرينەی خەياڵت نانەخشێنی...

 

 

sabatazad1@gmail.com

 

 

 

 

په‌یوه‌ندیپه‌رتووکخانه‌رۆشنبیرییلینکئه‌رشیفنووسه‌رانده‌سپێک