بۆ یەکەمجار کورد و ئەرمەن لە پەرلەمانی بەریتانیا کۆنفرانسی هاوبەش دەبەستن.

چاکنیوز - تایبەت بەریتایا

ناوەندی چاک چۆن لە دەستبەکاربووندا بۆ ناساندنی جینۆسایدی کورد پێشەنگ بووە ، ڕۆژ بە ڕۆژ بە توانای زیاترەوە ، کاری گەورەتر دەکات ، چۆن هەموو ڕۆژ گوێبیستی هەواڵێک دەبن لە چاکەوە ، ئەوا ئەمڕۆش هەواڵێکی دیکەو لە وڵاتێکی دیکەتان پێ ڕادەگەیەنین . کۆمیتەی بەریتانیای ناوەندی چاک لە هەوڵەکانی بۆ بەجیهان ناساندنی جینۆسایدی کورد بەردەوامە ، لە 8-7-2008 لە پەرلەمانی بەریتانیا بڕیار وایە لەسەر جینۆسایدی کورد و ئەرمەن کۆۆنفرانسێک هاوبەش ببەستن ، لەم بارەیەوە عەدنان کۆچەر  ئامادەکاری کۆنفرانسەکە پێمانی ڕاگەیاند :  کۆنفرانسەکە لە باڵەخانەی پەرلەمان دەبەسترێت و چەند ئەندام پەرلەمانێکی بەریتانی تێیدا  بەشدار دەبێت ، وەکو کوردیش د.کەماڵ مەزهەر و د. ڕێبوار فەتاح   و مافناس ئیبراهیم مەلا زادە و د. محەمەد کەیانی  بەشدار دەبن ، لە ئەرمەنییەکانیش چەند ڕێکخراو کەسایەتی سیاسی و حکوومی بەشدار دەبن .

www.chaknews.com