چاک ڕەخنە لە بێدەنگی ساندیکای ڕۆژنامەنووسان دەگرێت و داواکارە

 لە ڕۆژنامەنووسان ئابلوقەی ڕاگەیاندنی سەر قەندیل ڕەت بکەنەوە .

ڕۆژنامەنووسانی بە هەڵوێست..
ڕەنجدەرانی بیر ..

هەموومان چاوەڕوانی ئەوەمان دەکرد دەسەڵاتی کوردی بایکۆتی هەموو پەیوەندییەکی ئابووری و فەرهەنگی وسیاسی لەگەڵ تورکیا بکات ، بە هەموو توانایەکیەوە بچێتە پشت بزاڤی ڕزگاریخوازی کورد لەباکوور ، کەچی مخابن بەهاری هەڵوێستەکانیان کورت بوو ،هەڵوێستێکی تەواو پێچەوانەی پێویستیان گرتە بەر ، ئابلووقەی ئابووری و ڕاگەیاندنیان خستە سەر قەندیل .
چاوەڕوانی ئەوەمان دەکرد ، ساندیکای ڕۆژنامەنووسان و سەرجەم ئەو دەستانەی بۆ ئازادی ڕۆژنامەگەری درووست بوونە ، هەوڵوێستی توندیان لە ئاست ئەم هەنگاوە دژ بە ئازادی و دیموکراتیکە بگرتایەتە بەر ، پێویستی نەکردایە ئێمە ئەم بانگەوازەتان ئاراستە بکەین .
ئێمە داواکارین لە ئێوە ، ئەو بایکۆتە بە فەرمی مەزانن ، دەستە دەستە سەردانی ناوچەکانی گەریلا بکەن ، ڕێپۆرتاجیان لەسەر ئامادە بکەن ، هەواڵەکانیان بڵاو بکەنەوە، بکەونە سەنگەری دژ بە سەپاندنی ئابلوقە بەسەر دەڤەرەکانیان ، ئەم هەنگاوە دژ بە ئازادی و کاری ڕۆژنامەگەرییە سەرکۆنە بکەن .

ناوەندی چاک
7-11-2007
www.chak.be
chak_org@yahoo.com

تێبینی : هەر بەیان و بانگەوازێک ئەم ئادرەسانەی لەسەر نەبێت ، بە ناوی چاکیشەوە دەربچێت فەرمی نییە، تکایە ئاگاداربن .