|
٣٠\٣\٢٠١٢
چالاکییەکانی
یەکێتی خوێندکارانی کوردستان
-
لە نەرویج.
رەزا ساڵح
 لە
شاری یەکێتی خوێندکارانی کوردستان بێرگن ـ کە دووەمین گەورە شاری ـ
وڵاتی نەرویجە . لە ساڵی ( ١٩٨٢) دا لە لایەن پرۆفیسۆر ( حاجی ئەکمان )
ەوە دامەزراوە ، کە کوردێکی دڵسۆز و کورد و کوردستان پەروەری ناسراوە ،
نەک ھەر لە نەرویجدا ، بەڵکو لە ئەوروپاشدا. وەکو حاجی ئەکمان خۆی بۆی
گێڕاینەوە : " لەو ساڵەدا تەنھا خوێندکاری کورد بووم لە ( زانکۆی بێرگن
)دا لە شاری بێرگن لە نەرویج . کە داوای دامەزراندنی (یەکێتی
خوێندکارانی کوردستان)م .. مەرجیان ئەوەبوو ، کە لایەنی کەمەوە نابێ لە
شەش خوێندکار کەمتربین .. شەش خوێندکاری نەرویجی لە زانکۆی بێرگندا
ئامادەیی خۆیان دەربڕی کە ببن بە ئەندام . بەم جۆرە تەنھا منی
خوێندکاری کورد لەگەڵ ئەو شەش خوێندکارە نەرویجییەدا ( یەکێتی
خوێندکارانی کوردستان) مان دامەزراند .. من سەرۆکی یەکێتی یەکە بووم ..
چەندین چالاکی جۆراوجۆرمان ئەنجامدا و بەپێی توانا خزمەتی دۆزی رەوای
کوردمان کرد و ، ئەو تاوانانەی کە لە گەلی کوردمان کراون .. تا رادەیەک
بە گەلی نەرویجیمان لەم شارەدا ناساند. " .
پرۆفیسۆر حاجی ئەکمان ئێستا مامۆستایە لەم زانکۆیەدا ، زانکۆی بێرگن .
ئەم یەکێتییەی کە حاجی ئەکمان بەردی بناغەی دانا .. خەبات و
چالاکییەکانیان بەردەوامە .. ئێستا کۆمەڵێک خوێندکاری لاوی خوێنگەرمان
ھەر لە زانکۆی بێرگندا ، کە نوێنەری ھەر چوار پارچەی کوردستانن و ، بە
سۆز و پەرۆش و خۆشەویستی بۆ کوردستان گۆشکراون و ، تا سەر ئێسقان کورد
و کوردستان پەروەرن .. زیرەک و ژیر و بلیمەت و چاونەترسن .. بە ئەوپەڕی
دڵسۆزی و گیان لێبووردەییەوە ھاتوونەتە مەیدان و ، درێژە بە خەباتی
نەبچڕاوەمان دەدەن، رۆڵی خۆیان دەگێڕن .. ئەمانن ( یەکێتی خوێندکارانی
کوردستان ) بەڕێوە دەبەن . شایانی باسیشە ئەندامەکانی ئەم یەکێتییە ،
تەنھا کورد نین .. بەڵکو چەند خوێندکارێکی نەرویجی و ئەڵمانی و
پاکستانیش ئەندامن لە یەکێتی خوێندکارانی کوردستاندا .. زۆر بە
دڵسۆزییەوە لە ھەموو چالاکییەکانیاندا بەشداری دەکەن .
ژمارەی ئەندامانی یەکێتی خوێندکارانی کوردستان (٢٥) ئەندامن .. تا بێت
ژمارەیان لە زیاد بوون دایە .. بەردەوامیشن لە خزمەت و
چالاکییەکانیاندا .. زۆربەی ئەندامەکانیشیان خاوەنی بڕوانامەی
بەکالۆریۆس و ماستەرن یا بەردەوامن بۆ وەرگرتنیان .. بەزۆریش لە کچانی
کوردمان پێک ھاتوون .
ژمارەی دەستەی بەڕێوەبەری ( یەکێتی خوێندکارانی کوردستان ) لە شاری
بێرگن شەش خوێندکارن .. کە ئەم بەڕێزانەن :
( ١) کچە خوێندکار ( ڤەمان ئیسماعیل لینەڤای) خوێندکاری بەشی (کولتوورزان)
لە زانکۆی بێرگن . سەرۆکی ( یەکێتی خوێندکارانی کوردستان ) ە .
( ٢) کچە خوێندکاری نەرویجی ( ئیلینە ئوبە گراڤە) لە ھەمان زانکۆدا ..
جێگری سەرۆکی ( یەکێتی خوێندکارانی کوردستان ) ە .
( ٣) ئەم خوێندکارە کوڕ وکچە کورد و نەرویجیانەش ، کە لە کۆلێجەکانی
زانکۆی بێرگندا دەخوێنن ، چوار ئەندامەکەی تری دەستەی بەڕێوەبەرن :
( بولینت کارتال ـــ شەیدا ئۆکای ـــ ریبەر ئیڤەرسون ـــ ڕێژین حاجی )
دەمەوێت ئەوەش بڵێم کە ( یەکێتی خوێندکارانی کوردستان) لە شاری بێرگن
لە نەرویجدا .. سەر بە ھچ پارتێکی کوردیمان نییە .. رێکخراوێکی
خوێندکارانی سەربەخۆیە و .. بو خزمەت کردن و ناساندنی کێشەی رەوای
گەلەکەمان و خستنەڕووی داب و نەریتی رەسەن و کولتووری جوانی کوردیمان
کاردەکەن .
لە دیمانەیەکدا لەگەڵ سەرۆکی ( یەکێتی خوێندکارانی کوردستان ) دا ،
خوشکە ( ڤەمان لینەڤای) بە کورتی ، باسی لە ھەندێک لە چالاکییە جۆراو
جۆرەکانیانی کرد کە ئەمساڵ یەکێتییەکەیان ئەنجامی داون و، چالاکی
زیاتریشیان بەڕێوەیە :
( ١) لە ( ٢٣ / ٣/ ٢٠١٢ ) بە بۆنەی جەژنی نەورۆز و سەری ساڵی نوێی
کوردیمانەوە .. ئێوارە ئاھەنگێکی قەشەنگ و خۆشمان ، بە جلوبەرگی ئاڵاو
واڵای کوردییەوە سازکرد .. لە ھەمان ھۆڵیشدا ھەر ئەو ئێوارەیە
لادیوارەکانی ھۆڵەکەمان بە جلوبەرگی ھەمەچەشنەی رەنگاوڕەنگی کوردی ،
ژنان و پیاوان رازاندەوە .. واتە ( پێشانگایەکی جلوبەرگی کوردی ) یشمان
کردەوە ..کە جێی سەرنج راکێشانی میوانە نەرویجییەکانمان .
( ٢) لە (١٩ / ٢/ ٢٠١٢) لە ئێوارە نمایشێکی فلمی کوردی و نەرویجیدا ،
کە چەندین کورد و نەرویجی ئامادەبوون .. فلمی ( مەم و زین ) مان نمایش
کرد.
( ٣) لە رۆژانێ یەک شەممەی ھەموو ھەفتەیەکدا.. کۆرسی فێرکردنی
ھەڵپەڕکێی کوردیمان ھەیە .. لاوانی کورد و نەرویجی فێری جۆرەکانی
ھەڵپەڕکێی کوردیمان دەکەین و .. خۆمان بۆ بونە نەتەوایەتییەکانمان
ئامادە دەکەین .
( ٤) لە (١٤/ ٣/ ٢٠١٢) لە ھۆڵی سەنتەری خوێندکارانی زانکۆی بێرگندا ،
یەکێتییەکەمان ( یەکێتی خوێندکارانی کوردستان ) سیمینارێکمان بۆ
پرۆفیسۆری ناسراوی نەرویجی ( فرانک ئورە برۆت ) سازکرد .. فرانک
مامۆستایە لە زانکۆی بێرگن ، دۆستێکی کوردە و ، تا ئێستا چەند جارێک
سەردانی کوردستانی کردووە ، بەتایبەتیش چۆتە باشووری کوردستان ، چاوی
بە چەندین بەرپرس و کاربەدەستەکانی کوردستانمان کەوتووە .. نیازیشی
وایە بەم زوانەش جارێکی تر بچێتەوە بۆ باشووری کوردستان و ، دەیەوێت
چاوی بە چەند کاربەدەست و بەرپرسێکی باڵای ترمان بکەوێت .
(فرانک ئورە برۆت) لەم سیمینارەدا ، بە تێر و تەسەلی باسی لە کێشەی
رەوای کوردمان لە ھەر چوار پارچەی کوردستاندا کرد ، بە تایبەتیش
دەربارەی ئەمڕۆی باشووری کوردستان دوا .. کورد و نەرویجییەکی زۆر
ئامادەی ئەم سیمینارە بوون و .. وەڵامی ئەو پرسیارانەشی دایەوە ، کە
دەربارەی باسەکەی لێی کرا.
(٥) چالاکی داھاتوومان لە مانگی ئادار دایە .. یەکێتی خوێندکارانی
کوردستان ، لە رۆژی ( ٢٠/ ٤/٢٠١٢ ) سیمینارێک بۆ تێکۆشەر و
سیاسەتمەداری گەلەکەمان ( مەھدی زانای ) ی ھاوسەری لەیلا زانا ، لا
ھۆڵی زانکۆی بێرگندا ساز دەکەین . بابەتی سیمینارەکەش دەربارەی زیندانی
ئامـەد ( دیاربەکر) ە.
( ٦) بۆ زیاتر زانین دەربارەی چالاکییەکانی ( یەکێتی خوێندکارانی
کوردستان ) لە شاری بێرگن لە نەرویج ، دەتوانن سەردانی ماڵپەڕەکەمان
بکەن ، بەم ناونیشانە:
Nett side : www.kurdistansu.net
Facebook : Kurdistan Student Union
Email : info @ kurdistansu.net
نەرویج - ٢٩\٣\٢٠١٢
ماڵپه‌ڕی ره‌زا
ساڵح
|
