١٢\٣\٢٠١٢

    چێژوەرگرتن لە تەنهایی!

گۆران رەئوف

ئەم وڕێنانە بۆ روونبێژییەکانی ھاوڕێی ئەزیزم کاک(جەمال جەلال).
١

کاتژمێری ژورەکەم وەستاوە!
پەردەی پەنجەرەکە
شەرمێکی یەکجار قورس دایگرتووە!
کتێبخانەکەم... ماتە،
بێدەنگە... دۆشداماوە!

٢
تیڤییەکەم تۆز خواردویەتی و
بەکراویی وەک ڕابردو!
کاسێتێک ئیشپێدەکەم و
دەیخەمە سەر ئەو میوزیکەی
کە تۆ حەزت لێی بو!

٣
ئاوێنەکەم کەدەمبینێ دەگریەت!
جێگەی خەوەکەم وڕوکاسە!
دەرگای ژورەکەم ھەر ھێشتا داخراوە!
ئەزانی قژم درێژە،
چڵکنە، ئاڵۆسکاوە؟!

٤
دوو کورسییەکەی جاران،
ھەنوکە یەکێکیان شکاوە!
دوو کوپەکە...
قاوەکەیان تیادا وشک بۆتەوە!
گەلە پێکەنینەکان
ئەوەندە چاوەڕێبوون،
ئێستا ترشاون!

٥
تیانوسی بیرەوەرییەکان
بەکراوەیی لەسەر ئەو لاپەڕەیە
کەبۆیەکمجار پێتوتم:
"نائومێدییەکانم بە درێژی پرچمەوە گرێداوە"!

٦
ئینجانەی گوڵەکان
ھێشتاکە حاڵیان نازانم.
وابزانم ھاوسێکەمان
باخچەکە ئاوەدات.

٧
پێموابێت دوێنی بوو
ھەستام وێنەکەتم سەیرکرد.
ئا...ئا ھەروابوو،
دوێنی ورچە پەڕۆینەکەتم
لەباوەشگرت.
دوێنی لەتاریکدا و
بەدزی شیعرەکانی نیچەوە
ماچێکی وێنەکەتم کرد!

٨
کەی دێیتەوەی ئەمیرم؟!
ئەم وێرانەیە کوشتمی!

پایزی ٢٠٠٦
goranrauf@yahoo.com