١١\١\٢٠١٥

جەنگی رووبەڕووی چەپ لەگەڵ ئیسلامی سیاسیدا!

لە دەورەی تازەی خەبات دژ بە ئیسلامی سیاسی، خەڵکی ئازادیخواز و هێزە چەپ و سکۆلارەکان لە هێڵی پێشەوەی بەرەی جەنگدا قەراریان گرتووە.

هێرشەکەی پاریس هێرش بۆسەر دوو تاوەری پایتەختی بازرگانی جیهان وە یا هێرش بۆسەر باڵێۆزخانە و بنکە سەربازیەکانی ئەمەریکا و دەوڵەتە ڕۆژئاواییەکان نەبوو.

ئەم هێرشە نەخشەبۆداڕێژڕاوە هێرش بۆسەر نووسینگەی یەک ڕۆژنامەی چەپ و پێشەکەوتنخواز بوو بە تاوانی سووکایەتیکردن بە محەمەد و ئیسلام. واتا بە تاوانی ڕەخنەی تەنزئامێز لە تاپۆ و پیرۆزییەکانی لە رادەبەدەر کۆنەپەرستیی ئیسلامی لە پێگەیەکی مرۆیانە و چەپەوە.

ئەم هێرشە راستەوخۆ و بێ نێوەنجیگەریی بە بەرەی چەپ بوو. ئەم هێرشە بەتەواوی یەکانگیربوو لەگەڵ سەرهەڵدانی داعش و ئاڵوگٶڕی ئاڕاستەی رەوتی ئیسلامی سیاسی لە دژی ئەمەریکاییەوە بۆ جەگی ئایدۆلۆژی دژ بە هەڵگەڕاوە و نەیارانی ئیسلام. لە دەورەی پێشتردا لە جەنگی تیرۆریستی نیوان میلیتاریزمی رۆژئاوا و ئیسلامی سیاسیدا، جیهانی پێشکەوتنخواز، هێزە پێشکەوتنخواز و چەپ و کۆمۆنیستەکان لەگەڵ جەماوەری ئازادیخوازی جیهان، بەرەی سێیەمیان پێکهێنابوو. ئەمڕۆ ئەم بەرەی سێێەمە راستەوخۆ لەگەڵ هێزە ئیسلامیەکاندا لە رووبەڕوو دایە.

لەم جەنگ و رووبەڕووبونەوەیەدا دەوڵەتانی رۆژئاوا، راسیستەکان، پۆست مۆدێرنەکان و لایەنگرانی نسبییەتی فەرهەنگی، "چەپ"ی دژە ئەمەریکایی و پڕۆئیسلامی، هێزە راستڕەوەکانی تر کە راستەوخۆ یا ناڕستەوخۆ لە کەناری ئیسلامییەکاندان لە بەرامبەر ئێمەدا قەرار دەگرن.

دەورەیەکی تازە کە دەستی پێکردوە دەورەی نەبەردی راستەوخۆ و رووبەڕووی بزووتنەوەی چەپە لەگەڵ ئیسلامی سیاسیدا. ئەمە پەرەگرتنی جەنگی خەڵکی ئێرانە لە بەرامبەر کۆماری ئیسلامییدا لە یەک ئاستی جیهانیدا.پێویستە بە تەواوی هێزمانەوە لە پێناو ئەو نەبەردییەدا ئامادە بین.

١٠\١\٢٠١٥

ماڵپه‌ڕی هیوا ئه‌حمه‌د