٨\١\٢٠١٠

چه‌پکه‌ گوڵێکی ڕازاوه‌ بۆ یادی ٩٠ ساڵه‌ی دڵزاری شاعیر و پێشمه‌رگه ‌و تێکۆشه‌ری گه‌وره‌ی کورد.

شێرزاد

چه‌ند ڕۆژێکی تر، واته‌ له‌ به‌رواری ڕۆژی ٨\١\٢٠١٠ ته‌مه‌نی شاعیری سه‌ربه‌رزی کورد و شۆڕشگێڕ و خه‌باتگێڕی ماندوونه‌ناسی کوردستان و سه‌رتاسه‌ری عیراق کاک ئه‌حمه‌د دڵزار ده‌بێته‌  ٩٠ ساڵی ته‌واو...

ئه‌وه‌ی من ده‌یزانم ئه‌وه‌یه‌ که‌ پتر له‌ ٧٠ ساڵ له‌م ته‌مه‌نه‌ درێژ و ده‌وڵه‌مه‌نده‌ پێشکه‌ش کراوه‌ به‌ گه‌ل و شۆڕش و خه‌بات و له‌ پێناوی ئازادی و دیموکراتی و یه‌کسانی کۆمه‌ڵایه‌تی و دژی هه‌موو جۆره‌ چه‌وساندنه‌وه‌یه‌ک بووه‌...

ئاخۆ کاتی ئه‌وه‌ نه‌هاتووه‌ په‌یکه‌رێک له‌ بناری هه‌یبه‌ت‌ سولتان، ڕوو له‌ شاری تێکۆشان و ڕوشنبیریی، به‌ چاوی زیندوو، بۆ شاعیری هه‌رگیز کۆڵنه‌ده‌ر و پێشمه‌رگه ‌و تێکۆشه‌ری به‌ناوبانگی کورد ئه‌حمه‌د دڵزار به‌رزبکرێته‌وه‌...

تۆ بڵێی له‌ مێژووی شۆڕش و خه‌باتی گه‌لان که‌سایه‌تی وه‌ک هاوڕێمان زۆربن که‌ به‌ درێژایی ته‌مه‌نیان، بۆ یه‌ک ساتیش ساردنه‌بووبنه‌وه‌ له‌ خه‌بات و تێکۆشان بۆ وه‌دیهێنانی ئاواته‌که‌نی گه‌ل و نیشتمان؟

به‌م بۆنه‌یه‌ پیرۆزه‌یه‌وه‌ گه‌رمترین پیرۆزبایی له‌ پێشمه‌رگه‌ی دێرین و تێکۆشه‌ر و هاوڕێی زۆر خۆشه‌ویست کاک ئه‌حمه‌د دڵزاری شاعیر ده‌که‌م، داوای چاکترین ته‌ندروستی و خۆشی ژیانی بۆ ده‌که‌م، هیوام وایه‌ هه‌ر شاد و به‌خته‌وه‌ر و سه‌ربه‌رز بێت و ده‌یان ساڵی تریش، هه‌روه‌کو ئێستا ساغ بێت و هه‌رده‌م دوور بێت له‌ ئێش و ئازار و ناخۆشی و، گشت دڵسۆزانی شاد بن به‌ یادکردنه‌وه‌ی ١٠٠ ساڵه‌ی ته‌مه‌نیشی...