|
١٠\١٢\٢٠١٨
چەپکە
هۆنراوەیەک.
- ٥ -
رەزا ساڵح
رۆستەم خامۆش
فەرهاد ئەحمەد
رقم
لە راوە.
ره‌زا ساڵح
مـــن زۆر
رقـــــــــــم لــە راوە
لـە قــــــــــــــەفـەز و لــە داوە
لە فـاقــە و تەپـــەکە و تــــەڵە
تـــۆڕی گــــرتـنی ریشـــــــۆڵە
راوکـــــردنـی رۆژ و شـــــــەو
بۆ گـرتـنی سوێســکە و کـــەو
چـۆن دڵـتان دێ کـــەو بـگـرن
ئــــــــازادی لـێ وەربــــــگـرن
یـا گــرتـنی هــــــەڵـۆ و بـــــاز
ئاسکەو و کەروێشک و بەراز
یـا تـێـــــــکـدانی هـێــــــــــلانە
بـە لامــــــــــەوە تــــــــــــاوانە
کوانـــی یـاســــا و ســــــــزدان
بـۆ راوکــــــەری بـێـــــویـژدان
نـەفـــرەت لـــەوەی راوەكــــــا
خـۆی رسـوا و نـاپیــاوەکـــــــا.
٢٠١٨
- نەرویـج
ماڵپه‌ڕی ره‌زا
ساڵح
باران.
رۆستەم خامۆش
بـاران نــم نــم
دەبــارێ
جـوانە ، کـە دێـتـە خـوارێ
منیـش ئێســتا لـە ڕێگــام
دەڕۆم بـەرەو خـوێنـدنگـام
چـەترە جـوانـەکـەم پێـیە
مــن تەڕ نابـم لـەم ڕێـیە
گەر ھاوڕێم چـەتری نـەبوو
دەڵـێـم : وەرە بــۆ لام زوو
با تەڕ نەبیت ھـاوڕێی مــن
وەرە بــۆ ژێر چەتری مــن
ئێمە ، کە ھاوڕێ و دۆست بین
دەبێ بـۆ یـەک پێویسـت بین.
رێگا.
کــە مـــن دەڕۆم لـە رێـگـا
یـاخود دەچمە خـوێندنـگـا
بـــەرد ببیـنم لەسـەر ڕێـم
لای دەدەم بەدەســت و پێـم
چــونـکـە کارێکـــی چاکە
ڕەوشـتـی کــەســــی پاکە
خــۆشدەکەم ڕێـگای خـەڵک
تـاھـەم بێ ســوود و کـەڵک.
rostamxamosh@gmail.com
وەرزش.
فەرهاد ئەحمەد
بۆ ئەوەی
تەندروستبم
رۆژانە وەرزش دەکەم
بە بازوو و جوڵە و یاری
جوانیی بە لەشم دەدەم۰
شادم کەوەرزش دەکەم
گەشاوەن چاوەکانم
جوان و ڕێک وبەهێزن
ئێسک و ماسولکەکانم۰
ئەوەی کەوەرزشکارە
گورجوگۆڵ و ئازایە
هەمیشە تەندروستەو
خاوەن حەزو خولیایە
تا ئاسوودە و دڵخۆشبم
لە ماڵ و قوتابخانە
لەگەڵ هاوڕێکانی خۆم
وەرزش دەکەم رۆژانە.
farhad.ahmadbarznji@yahoo.com
|
