|
١\٦\٢٠١٣
جیهادی نیکاح
بیانوویەک بۆ دەستدرێژیی سێکسیی.
هەورامان عەلی تۆفیق
(جیهادی نیکاح) ئەو دەستەواژەیەی ماوەیەکە بۆتە سەردێڕی کەناڵەکانی
ڕاگەیاند ، وروژانی ئەم بابەتە لەدوای ئەو فتوایەی بانگخوازی سعودی
(محەمەد ئەلعرێفی) بۆ ئەو کچانەی تەمەنیان لە سەرو ١٤ ساڵەوەیە و
دەیانەوەێ لە سوریا جیهاد بکەن ئەم شێوە جیهادی نیکاحە ڕێگەپێدراوە و
دەچێتە خانەی جیهادەوە ، دواتر دەنگۆیی ئەوە بڵاوبویەوە کە (غادە عویس)
بێژەری کەناڵی جەزیرە لە سوریا لەلایەن چەکدارانی سەربە بەرەی نەسرەوە
پێشکەش بە ئەمیری ئەو گروپە کراوە و دەستدرێژی سکسی کراوەتەسەر،
لەلایەن گروپەوە بڵاوکراوەتەوە ئەو بێژەرە بەخواستی خۆیی بووەو جیهادی
نیکاحی کردوە... بێگومان ئەو دیاردەیە لە وڵاتی تونس بەجۆرێک دەنگۆیی
هەیە و لەلایەن دەزگا فەرمیەکانەوە ڕاستگۆکراوەتەوە زۆر لە کچانی
تازەپێگەیشتوو دیارنەماون و لەڕێگای ئەو گروپانەوە ڕەوانەی سوریا کراون
بەناوی جیهادەوە..
جیهادی نیکاح لەو ڕوانگەیەوە رێگا پێدراوە بۆ ئەو کچانەی تەمەنیان لە
سەروو ١٤ ساڵەوەیە و دەیانەوەێ جیهاد بکەن خۆیان پێشکەشی ئەو جەنگاوەرە
مسوڵمانانە بکەن بەمەبەستی پەیوەندی سکسی، ئەم شێوە پەیوەندیانە لە
کاتژمێرێک کەمترە و بەبڕوای ئەوان تا پەیوەندیەکانی لەگەڵ زۆرترین کەس
دا بن ئەو کچانە ئامادەکراودەبن بۆ چوونە بەهەشتەوە چونکە ئەوان جیهادی
سەرجێگا دەکەن...
زەواجی موتعەو سیخە هەمان شێوە ڕێگان بۆ دروست بوونی پەیوەندی جنسی
لەماوەیەکی کاتی دا ، ئەم دیاردەیە تەنها بۆ تێرکردنی غەریزەیی جنسی
پیاوە و هیچ لایەنێکی ئیجابی بۆ ئافرەت نیە و ئەم ڕیگا شەعیانە دەبنە
پاساو بۆ دەستدرێژی کردنە سەر ئافرەتان و هیچ پەیوەندێکیان بە داب و
نەریت و یاسا کۆمەڵایەتیەکانەوە نەبێت و لەهەمان کات دا دەکرێ بخرێتە
خانەی لەشفرۆشیەوە بەلام بەشێوازێکی دی..
ئەم کلتورە گەر لە پشت پەردەی ئاینی ئیسلامەوە خۆیی دەخزێنێتە نێو
کۆمەڵگاکان و بەتایبەت لە کۆمەڵگایی فارسی و عەرەبی وەک دیاردەیەک
بوونی هەیە و پیاوانی ئاینی لەبری ئەوەی کاربۆ نەهێشتن و حەرام کردنی
بکەن بەپێچەوانەوە فتوایی بەجیهادی بوونی ئەو ئافرەتانەدەکەن کە خۆیان
بخەنە باوەشی پیاوانەوە بۆ چەند ساتێک.
لە ئاینی ئیسلامیشدا بیروڕای جیاواز لەسەر ئەم مەسەلەیە هەیە و
مەزەبەکان لەم ڕوانگیەوە هاوڕا نین ، شیعە بەحەڵاڵی دەزانێ و ئەهلی
سوننە حەرام ، دەگێڕنەوە کە ئیمامی عەلی لە زمانی پێغەمبەرەوە درودی
خوایی لێبێ دەڵێ (نهى عن نکاح المتعە وعن لحوم الحمر الڕهلیە زمن خیبر
) لە لایەکی دی بەناوی ئیمام مسلم کە گوایە پێغەمبەر فەرمویەتی ( یا
ڕیها الناس إنی قد کنت ڕژنت لکم فی الاستمتاع من النساء ، وإن الله قد
حرم ژلک إلى یوم القیامە ، فمن کان عنده منهن شئ فلیخل سبیله ولا
تڕخژوا مما ڕتیتموهن شیئا)، کەواتە خێزانی کاتی لە ئاینی ئیسلامدا
حەرام کراوە.
سیخەو زەواجی موتعە و هاوسەرگیری عورفی چەند شێوازی دی لەو جۆرە
هاوسەرگیریە کاتیانەی لە وڵاتی ئێران بەربڵاو ئاساییە و لە عێراقیش دا
هەمان دیاردە بونی هەیە و لە زۆربەی وڵاتانی دی عەرەبی و بەشێوازی
جیاواز بوونی هەیە . لەگەڵ ئەوەی ئەم دیاردانە لە ژێرپەردەی ئایندا
رێگەپێدراون و لەناوەڕۆکدا تەنها سوکایەتین بەئافرەتان و رێگا
خۆشکەریشن بۆ زیادبوونی دەستدرێژیە سکسیەکانی پیاوان و بەدیاردەبوونی و
دروست کردنی رێگایەکی شەرعی بۆ لەشفرۆشی .. دەکرێ پیاوانی ئاینی و
دەسەڵاتی فەرمانڕەوا ئەم شێوەحاڵەتانە لەڕێگای یاساوە قەدەغەبکەن تا بۆ
ئایندە لەم کۆمەڵگایەی ئێمەش نەگرێتەوە و ئەم دیاردەیە وەک وەبایەک
لەنێوماندا بڵاونەبێتەوە.
ماڵپه‌ڕی هه‌ورامان عه‌لی
تۆفیق
|
