|
چۆن وەزیرى
گواستنەوە دەستى لەکار نەکێشایەوە ؟
- حکومەتى هەرێم بەرپرسە لە مردنى
بیست هاوڵاتى دەربەندیخان و چواردەورى -
پێشڕەو حەمید
بەهۆى کەمتەرخەمى حکومەتى هەرێم و مشەخۆرى و گەندەڵیەکانى ئەو
بەرپرسانەى کە نەیان توانى شوناسێکى تر بدەنە ( ڕێگەى مەرگ ) ى
ڕێبوارانى ناوچەکانى گەرمیان و شارەزور ، دەربەندیخانیەکان باجەکەیان
داو لەساتێکدا ئەو شارەپڕبوو لەتەرمى ئازیزەکانیان و بۆهەمیشە ئەو
کارەساتە برینێکى خستە دڵ یانەوە کە لە یاد کردنى مەحاڵبێت .
هۆکارى مردنى ژمارەیەکى زۆرى هاوڵاتیان بەهەموو خەونەکانیانەوە
لەڕوداوى ( ڕۆژى ( 19/4/2009 ) دا پرسیارێکى جدیە لەحکومەتى هەرێمى
کوردستان و وەزارتى گواستنەوە بەدەر لە قەدەرى ئیلاهى بۆ ئەو مردنە
بەکۆمەڵەى کەس و کارمان ؟! چونکە بەرلە وەى ڕێگەى نێوان ( سلێمانى ،عەربەت
) بکرێتە دوساید ، تەنها لەو ڕێگەیەدا هێندەى قوربانییەکانى شەڕى
ناوخۆى کوردستان خەڵکى بەش مەینەت بونە قوربانى خراپى ڕیگەوبان و
ناهۆشیارى شۆفێرەکان ، سەرەراِیى داواکاریى جەماوەرى لەماوەى دوو دەیى
ڕابردودا و تائیستاش بۆ بە ( دووساید ) کردنى ڕێگەى نێوان ( عەربەت
دەربەندیخان ) کە تاکە ڕێگەى هاتۆچۆکۆدنى نزیکەى یەک ملێون هاوڵاتیە ،
هێشتا وەزارەتى گواستنەوە بێ باکانە پشتى لەداواکارى خەڵک کردوەو
چاوەڕوانە ڕۆژانە بەدەیان کەسى تر ببنەقوربانى خراپى و تەسکى شەقامەکان
ئینجا بڕیاربدات بیرلەوەبکاتەوە کە بۆ چەند ساڵێکى تر وەک پرۆژەیەک بە
( دووسایدکردن )ى ئەو ڕێگایە بخاتە کارى وەزارەتەکەیەوە کە لەدواى ئەو
ڕوداوەوە لەلایەن هاوڵاتیانەوە ناونرا ( ڕێگەى مەرگ ) کەپێشتر بەڕیگاى
( سلێمانى ، عەربەت ) یان دەوت .
وەزیرى گواستەوەى حکومەتى هەرێمى کوردستان لەدواى ئەوڕوداوەوە دەبو
یەکەم وەزیر بایە کە دەستى لەکار بکێشایەتەوە و دواى لێبوردنى لەکەسو
کارى قوربانیەکانى کارەساتى ڕۆژى ( 19/4/2009 ) بکردایەو یەکەیەکە
بەشدارى پرسەکان بوەیایە ، بەڵام بەداخەوە کارەساتێکى وەها هەستى
بەربرسیارێتى وزارەتێک و کارەکتەرى جەنابى وەزیر نەجوڵێنێت ، دەبێ بۆ
جارێکى دى چەند کەسى تر لەڕوداوى هاتوچۆدا گیان ببەخشن تائەو
هەستەتۆراوە بگاتەوە لاى جەنابى وەزیر و وەزراتەکەى ؟
ڕۆژانە بەلایەنى کەمەوە دەیان هەزار هاوڵاتى بەو ڕیگایەدا گوزرەدەکەن و
تاکەڕێگاى سەرەکى یەک ملیون هاوڵاتى ناوچەکانى گەرمیان و شارەزورەو
تائێستاش لەدواى ( 18 ) ساڵ نەتوانراوە ئەو ڕیگایە برکێتە دوساید و
مرۆڤەکان تاڕادیەک لەکارەسات دوربخەنەوە، ئیدى کەى حکومەتى هەرێمى و
وەزارەتەپەیوەندى دارەکەى بیرێک لەژیانى هاوڵاتیان دەکەنەوە
ئەوڕیگایانە چاک دەکەن وڕێز لەئیرادەى خەڵکى دەگرن کە چەندین ساڵە کەسو
کارەکانیان لەوڕیگایەدا مەرگى شارەوا پەلامارایان ئەدات وبۆهەمیشە
ونیان دەکات ؟
پرسەنامەکەى سەرۆکى کۆمارو سەرۆکى هەرێم ، بۆ کەسو کارى قوربانیەکان و
خەڵکى شارى دەربەندیخان ، نیشانەى هەست کردنى ئەو دوو کارەکتەرەیە بە
بەرپرسیارێتى خۆیان لەئاست هەرڕوداوێکى وەها کارەسات باردا کە بەسەر
هاوڵاتییاندا بێت ، بەڵام مردنى ( 20 ) کەس لەڕوداوێکى هاتۆچۆدا هیچى
کەمتەرنەبو لە مردنى ئەو کەسانەى تر کەلەڕوداوێکى تیرۆریستدا دەبنە
قوربانى و لەلایەن هەردوو ( سەرۆک ) ەوە هاوکارى ( مادد ) ى دەکرێن ،
هەرچەندە ئەوهاوکارى کردنانە مایەى ڕیزى هەمولایەکە ، بەڵام کەسو کارى
قوربانەیکانى کارەساتەکەى ڕۆژى ( 19/4/2009 ) ئەگەر لەڕوى ماددى یەوە
هیچ کێشەیەکیان نەبێـت و کەم درامەت نەبن ، ئەوابۆدڵنەوایى کردن و
دەربڕینى خەم لەو کۆستەگەورەیەدا دەبو هەمو ماڵێکى قوربانیەکان کۆمەکى
ماددى هەردو سەورۆک یان پێبەگەیشتایە ، کەتەنها سەرۆک کۆمارى عێراق
هاوکارى ماددی کردن و داواش لەسەرۆکى هەرێم دەکەم کە هاوکارى ماددى
کەسو کارى قوربانیەکان بکات و وەزیرى گواستنەویش وەک ئەوەى خۆى دەستى
لەکار نەکێشایەوە، پەرلەمانى کوردستان ناچارى دەست لەکارکێشانەوەى بکات
.
|
